InfoHub Logo

Uly Abaı arqyly ǵashyq boldym

Sóz álemi sekildi ár aqynǵa
Qalyqtaǵan qara óleń qanatynda.
Súrleýin sózben salǵan Abaı atam,
Qazaq poezıasynda dara tulǵa.
Qara sóz, qara óleńi óristegen
Ár sózinen taýsylmas jemis terem.
Qalyń elim, Qazaǵym, qaıran jurtym,
Dep jyrlaǵan, "ý" bar ma ol ishpegen.
Aqyndar kóp ańsaǵan azat tańyn,
Oılaǵan oqyrmannyń azat halin.
Al Uly Abaı atamyz oılap ketken,
Eki ǵasyr buryn - aq qazaq qamyn.
Shabyt kózin uqsatam shar aınaǵa,
Kirletip almaý kerek qalaı ǵana.
Ol úshin sizdiń jyrmen sýsyndaımyn,
Abaı - dara, qazaqta, Abaı - dana.
Ár óleńi sharıǵat, quranǵa baı,
Taǵylym ala almaısyń budan qalaı.
Tamyry tereń ketken Abaı tilin
Meniń halqym sóılesin shubarlamaı.
Kelse óleńge kóńilim tasyp, toldym,
Uly Abaı arqyly ǵashyq boldym.
Bes nárseden men solaı qashyq boldym,
Bes nársege jetýge asyq boldym.

Uly Abaıy jasaı bersin qazaqtyń

Árbir sózin, ár óleńin Abaıdyń,
Tárbıeniń ordasy dep sanaımyn.
Oqımyn da tań tamasha dem alyp,
Jyrtyǵy kóp júregimdi jamaımyn.
Qulash sermep, ǵylym menen ilimge,
Jyrlap ótken jalpaq jurttyń tilinde
Ata seniń muhıttaıyn murańdy,
Men qasyqtap iship kelem búginde.
Jumbaq adam zamanynda dúrbeleń,
Júregimen jaratylǵan birge óleń,
Uly Abaıdyń "Ý"- y bar ma ishpegen,
Jalǵyz ózi alysqanda myńmenen.
Jurtym úshin juldyz bolyp jana alsam,
Abaı sózi júregime jaǵar sham.
Al, men úshin arman bar ma dúnıeniń
Ketigine kirpish bolyp qalansam?!
Kógimizden nuryn tógip azat kún,
Otanymyz kúıin keship ǵajaptyń.
Ár sózinen uǵyndyrǵan ulylyq
Uly Abaıy jasaı bersin QAZAQTYŃ!!!

Abaı ata

Naqyl sózi kóringen nur araıly,
Qara sózden bıigim qulamaıdy.
Óleń sózdiń shuraıly atasyndaı,
Biz "Dana" dep tanımyz Uly Abaıdy.
Abaı atam bıik tur dara sapta,
Bolady kún kósemge balasaq ta.
Jazyp ketken qara sóz, qara óleńi,
Jol tartyp jatyrǵandaı bolashaqqa.
Jetse dep keleshekke, ultqa batam,
Qamsyz qazaq qaıǵysyn jutqan atam.
Qazaqtyń tól qujaty bolatyndaı
"Abaı jolyn" jazǵan ǵoı Muhtar aǵam.

Aqynǵa ǵashyq bolma!

Ǵashyq bop qalsań sen aqyndarǵa,
Shyqqany jaqsy shirkin, atyń dara.
Sezimi aýyspaly bop keledi,
Qysqasy, sen, aqynǵa jaqyndama.
Men aıaımyn, árıne, qyz balasyn,
Júregiń qalaı ǵana syzdamasyn.
Kókiregimnen mahabbat jyry shyqsa,
Qyzǵanbaımyn deseń de qyzǵanasyń.
Osyndaımyn bizge qansha syn artqyz
Kóńili keń, tozaq emes, jumaqpyz.
Sonshalyqty sezimi kóp aqyndar,
Bolyp keledi mahabbatqa turaqsyz.
Bolmasynshy bul sezimniń jalǵany,
Qıyn bolý aqyndardyń jan jary.
Sezimińdi óte qatty bildirmeı,
Syrtymyzdan ǵashyq bolsań bolǵany!

Aqyndyq jol - aýyr jol...

Ǵylymdardyń patshasy degenmenen,
Ol biraq egiz emes ónermenen.
Sabaq saıyn eki alam kúńirenem.
Klasymyz bolsa da tereńdegen.
Ádebıetti súıemin uly raıym,
Tek sonyń shýaǵyna jylynaıyn,
Men úshin Arhımed pen Evklıdten
Bıigirek Abaı menen Ybyraıym.
Geppokrat pen Demokrıtti dana dermiz,
Esepti bilmesek te sanaly ermiz.
Bir jazyqta jatpaımyz, qıylyspaımyz,
Matematıka ekeýmiz parallelmiz.
Jyrym qalsa artymda mol muram baı,
Kóńilim qudiretti dombyramdaı.
Aqyndyq jol - aýyr jol, buralań jol,
Paralelogramm, trapesıa, rombylardaı.
Osylaı eki alýmen ótýde kún,
Muratym aqyn bolyp ketý dedim.
Biraq qazir otyrmyn sol sabaqta,
Qońyraýdy asyǵa kútýdemin.