InfoHub Logo

Taqyryby: Uly - Abaı, dana - Abaı, dara - Abaı
Saıystyń maqsaty: 1. Abaı ómiri men shyǵarmashylyǵy týraly alǵan bilimderin teksere otyryp, oqýshylardyń tanymyn keńeıtý, sózdik qoryn molaıtý;
2. Abaı ómirin oqýdy odan ári jalǵastyryp, bilimin tolyqtyrýǵa, izdenýshilikke, zertteýshilikke yqpal jasaý, baǵyt berý;
3. Abaı shyǵarmashylyǵyn oqytý prosesin halyqtyq pedagogıka úlgisinde tárbıeleý.
Saıystyń ádisi: suraq - jaýap, problemalyq izdendirý, zertteý, tehnıkalyq qural túrlerin paıdalaný.
Saıystyń kórnekiligi: Abaı ánderine arnalǵan kúıtabaqtar, Abaı beınesýreti, ulaǵatty sózder, asyq salynǵan qojyn, sharlar.
Kórmelik burysh: Abaı ómiri men shyǵarmashylyǵyn beıneleıtin fotosýretter, tarıhı derekter, referattar, gazet - jýrnal qıyndylary, ádebı kitaptar, býkletter, t. b.

Saıystyń barysy:
I Uıymdastyrý kezeńi;
Á) Abaıdyń ómiri men shyǵarmashylyǵyna baılanysty kirispe sóz
II Saıys 5 - bólimnen turady:
1. Abaıdyń qara sózi;
2. Abaıdyń ánderi;
3. Abaı joly romanynan kórinis;
4. Óleń oqý;
5. Suraqqa - jaýap.

Júrý barysy:
- Qurmetti, ustazdar, oqýshylar! Sizderge zor densaýlyq, molshylyq tileı otyryp, búgingi «Uly - Abaı, dana - Abaı, dara - Abaı» atty saıysymyzdy bastaýǵa ruqsat etińizder. Saıystyń barysymen tanystyryp, ádilqazy alqasyn saılaý.
1 - júrgizýshi:
Jaýap izdep suraqtarǵa jan júrekti janshytqan,
Nadandyqtyń, oı - túınektiń myńmen jalǵyz alysqan.
Aqyn Abaı, adam Abaı zamanynan ozǵan danyshpan,
Danalyǵy máńgilikke ýaqytpen jarysqan.

2 - júrgizýshi:
Asyl sózdi izdesseń,
Abaıdy oqy erinbe!
Adamdyqty kózdeseń,
Jat toqyp al kóńilge, - dep Sultanmahmut aǵamyz aıtqandaı, kezekti Abaıdyń qara sózderine beremiz. 1 - bólim «Abaıdyń qara sózi»

1 - top: Birinshi sózi
Bul jasqa kelgenshe jaqsy ótkizdik pe, jaman ótkizdik pe, áıteýir birtalaı ómirimizdi ótkizdik: alystyq, julystyq, aıtystyq, tartystyq - áýreshilikti kóre - kóre keldik. Endi er ortasy jasqa keldik; qajydyq, jalyqtyq, qylyp júrgen isimizdiń baıansyzyn, baılaýsyzyn, kórdik, bári qorshylyq ekenin bildik. Al endi qalǵan ómirimizdi qaıtip, ne qylyp, ótkizemiz? Sony taba almaı ózimde qaıranmyn.
El baǵý? Joq, elge baǵym joq. Baǵýsyz dertke ushyraıyn degen kisi baqpasa, ne albyrtqan, kóńili basylmaǵan jastar, baǵamyn demese, bizshdi qudaı saqtasyn!
Mal baǵý? Joq, baǵa almaımyn. Balalar ózderine kereginshe ózderi baǵar. Endi qartaıǵanda qyzyǵyn óziń kóre almaıtuǵyn, ury, zalym, tilimsekterdiń azyǵyn baǵyp, beremin dep. Qalǵan az ǵana ómirimdi qor tqylar jaıym joq.
Ǵylym baǵý? Joq, ǵylym baǵarǵa da ǵylym sózin sóıleser adam da joq. Bilgenińdi kimge úıretersiń, bilmegenińdi kimnen surarsyń?
Balalardy baǵý? Joq, baǵa almaımyn. Baǵar edim qalaısha baǵýdyń mánisin de bilmeımin, ne bolsyn dep baǵam, qaı elge qosaıyn.

2 - top: On jetinshi qara sózi. Oqýshylar rólge bólip oqıdy.
Tolqımyz, tolqyp turmyz bárimizde,
Mundaı kúı bolǵan bálkim bárińizde
Qol soǵyp qoshemettep qarsy alaıyq.
Bıshi qyzdar kelsin bizdiń tórimizge.

1 - júrgizýshi:
Shyn hakim sóziń asyl - baǵa jetpes,
Bir sózdiń myń jyl júrse dámi ketpes.
Qaradan hakim bolǵan sendeı jannyń,
Álemniń qulaǵynan áni ketpes.

2 - júrgizýshi:
Qulaqtan kirip boıdy alar,
Jaqsy án men tátti kúı.
Kóńilge túrli oı salar,
Ándi súıseń, menshe súı.
Kelesi kezek Án shashý «Kózimniń qarasy»
Muǵalim sózi:
Abaı týraly qandaı taqyrypta pikir aıtsaq ta biz onyń dana, dara aqyn ekendigin bilemiz. Onyń taǵy bir sebebi, onyń aýdarmalary. Ol orystyń ǵulamalarynyń shyǵarmalaryn aýdaryp halyqqa jetkizdi.
Endigi kezek Abaı aýdarmalarynda.