InfoHub Logo

Abaı-aqyn, Abaı-dana. Qazaq halqynyń maqtanyshyna aınalǵan aqyn, fılosof, ǵulama, ǵalym Abaı Qunanbaıulynyń týǵanyna 175 jyl. Abaı atamyzdyń shyǵarmashylyǵy – danalyqtyń, rýhanı jańǵyrýdyń negizgi kózi. Onyń árbir shyǵarmashylyǵy meni shabyttandyrady. Jalpy meni ǵana emes, júregi qazaq dep soqqan árbir azamat, azamatshalardy da tebirentpeı qoımaıdy dep oılaımyn. Óz oıymdy qalamymnan týǵan óleń arqyly jetkizgim keledi:

Máńgilik qyp jyrlaıtuǵyn qazaq eli,
Abaı dese taýsylmas jyrdyń shegi
Órnektep sóz marjanyn jipke túzgen,
Qazaqtyń Uly Abaı - qasıeti.

Qazaqpyn dep jatqa aıtqan jańylmaı,
Máńgilik qoı qudiretti - Uly Abaı.
Uly Abaı - danalardyń danasy,
Qaıtalanbas qazaqtyń bir dalasy.

Keı qazaqtyń qanymenen jaralǵan,
Tamyr jaıyp, tórt álemge taralǵan.
Uly dala urpaǵyńnyń urany
Uly Abaıdyń úlgisimen nár alǵan.

Uly Abaı - óleń aldy, jyr basy,
Umytylmas san ǵasyrdyń qurdasy.
Taqtasyna altyn árip jalatqan,
Tarıhymnyń “ALTYN DİŃGEK” tulǵasy.

Arqa tosyp ala sapyran zamanǵa,
Aqyl qosyp azǵyndaǵan adamǵa,
Qara sózi ımandy etip jaqsyny,
Jaqsy bol dep jalyn bop pa edi jamanǵa.

Uly Abaıdy betke ustap maqtanamyn,
Bas ıip Qudaıymdaı tabynamyn.
Muqaǵalı, Muhtardaı aqyndar kóp,
Biraq, Abaı jasaıdy ulylyǵyn!

Ý.M.Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti

Dosymhan Nursáýle Dáýlethanqyzy Ál-Farabı atyndaǵy QazUÝ-niń Geografıa fakúltetiniń 1- kýrs stýdenti

---