InfoHub Logo

Táýelsizdiktiń 25 jyldyǵyna arnalǵan «Ult rýhynyń, uly joly» atty ádebı – mýzykalyq kompozısıa

Sahna syrtynda oqıdy. Serik Arapov «Ásem áýeni» Mektep oqýshylarymen ustazdarynan quralǵan Úshqulyn sazdy fólklorlyq orkestri
Sahna ashylady.
Ashylýy: ORKESTR
Sahna jabylady

Eki jaqtan eki júrgizýshi shyǵady.

1 - júrgizýshi: (Batyrhan)
Qazaqpyn, men qazaqtyń bólshegimin,
Qajeti ne ózgeniń ólsheminiń,
Aıbarly eldiń ulymyn aı tańbaly,
Qazaqpyn, men qazaqtyń bólshegimin,
Qajeti ne basqanyń ólsheminiń.
Qazaq degen jalǵyz ult men bolamyn,
Jer álemge jetedi kópke únim!

2 - júrgizýshi: (Symbat)
25 - jyl, táýelsizbin, derbespin,
Kúmándana qoımas búgin endi eshkim.
Bodandyǵym ǵasyrlarǵa jalǵasqan,
Qazir mine, artta qaldy kelmes kún.

Táýelsizdik! Táýelsizdik uranym!
Táýelsizdik aıbyndy meniń jyr ánim.
Armandaǵan ata - babam ejelden,
Erligińdi jyrǵa qossyn ulanyń!

1 - júrgizýshi: (Batyrhan)
Táýelsizdik bizge ońaı tımedi,
Asaý attaı óz tizginiń bermedi.
Qazaǵymnyń altyn basyn ıiltip,
Talaı dushpan tórimizge tórledi.

2 - júrgizýshi: (Symbat)
Táýelsizdik bizge ońaı tımedi
Jurtym meniń ne qıyndyq kórmedi?!
Jylap turyp analarym bul jolda
San perzentin qara jerge jerledi.

1 - júrgizýshi: (Batyrhan)
Iá, Táýelsizdik bizge ońaılyqpen kelgen joq.
Búkil qazaq batyrlarynyń basyn biriktirip, bilektiń kúshimen, naızanyń ushymen ulanǵaıyr jerin dushpannyń tyrnaǵynan qorǵap, urpaqtaryna tastap ketken babalarymyzdyń rýhyna taǵzym etip, tarıhyn keleshek urpaqtarymyzǵa jetkizý bizdiń mindetimiz. Talaı - talaı jol bastaǵan kósemder, qol bastaǵan batyrlar, sóz bastaǵan danalar esimi qazaq halqynyń tarıhynda qaldy, úsh júzdiń basyn qosqan uly tulǵa Abylaı han, dana bılerimiz Tóle, Qazybek, Áıteke, batyrlarymyz Qarakereı Qabanbaı, Qanjyǵaly Bógenbaı, Ýaq Baıan, Oljabaı, Malaısary batyrlar

2 - júrgizýshi: (Symbat)
Qurmetti Maıqaıyńdyqtar, qonaqtar! Ata – babamyz armandaǵan, dúnıeni dúr silkindirip Táýelsizdik týyn kótergen Qazaq Eliniń mereıli 25 jyldyǵy qutty bolsyn! Kók baıraǵymyz jelbirep, Máńgilik Qazaq Eli jasaı bersin! Osy mereıli merekemizge arnalǵan «Ult rýhynyń, uly joly» atty ádebı – mýzykalyq kompozısıamyzǵa qosh keldińizder. Baǵdarlamamyz eki bólimnen turady. 1 - bólim qazaq halqynyń tarıhyna arnalǵan «Uly Dala tarıhy», 2 - bólim «Táýelsizdik belesteri» 25 jyl ishinde Qazaqstannyń jetken jetistikterine arnalǵan.

Kvartettiń oryndaýynda: Án «Atameken» ( Án aıtylyp jatqanda Slaıd: 1 bólim «Uly Dala tarıhy»)

2 - júrgizýshi: (Symbat)
Rýhsyz ult – ult emes. Ony tarıh dáleldegen. 80 jyldardyń ekinshi jartysynda bizdiń halqymyzdyń rýhy ósti, muhıttaı býyrqanyp, býsanyp jatty. Táýelsizdiktiń ókpek jeli úzdiksiz soǵyp turdy.

1 - júrgizýshi: (Batyrhan)
Qazaqstan ol kezde áli de bolsa Qyzyl ımperıanyń qursaýynda bolatyn, biraq, áne – mine dep quldyq shynjyr úzilgeli tur edi. Osy quldyq shynjyrdy mezgilinen buryn úzgen, aldaspan qylyshtaı bolǵan ýaqıǵa 1986 jyldyń 16 – 18 jeltoqsanynda Almaty qalasynda bolǵan qazaq jastarynyń kóterilisi edi. «Men qazaqpyn» degen árbir qazaq buny bilýi tıis.

2 - júrgizýshi: (Symbat)
Jeltoqsanda shyndyq jyryn shyrqaımyn dep sharq urdyń,
Jeltoqsanda egemendi el bolam dep talpyndyń.
Keýdeńde áli syzy jatyr sol kezdegi salqynnyń,
Aınalaıyn, aınalaıyn, jas órkeni halqymnyń!
(Túrmeniń adamdary ishinde Qaırat bar) kórinis
Talǵat Qaırattyń óleńin oqıdy
Qaıratty alyp bara jatqanda «Jeltoqsan jeli» áni oınalyp turady 2 mınýt

1 - júrgizýshi: (Batyrhan) sahnanyń syrtynda
1991 jyldyń 16 jeltoqsany Qazaqstan Respýblıkasynyń tarıhyna altyn árippen jazylǵan kún. «Qazaqstan Respýblıkasynyń Memlekettik táýelsizdigi týraly» Qazaqstan Respýblıkasynyń konstıtýsıalyq Zańy jarıalandy.

(Slaıd 2 bólim «Táýelsizdik belesteri»)

«Shashý» bıi
Shashý shashylady.

1 - júrgizýshi: (Batyrhan)
Babalardyń ǵasyr boıy armany
Ótkeni men keleshegin jalǵady
Jelbirep tur tól baıraǵy qazaqtyń
Egemendik, táýelsizdik alǵaly.

2 - júrgizýshi: (Symbat)
Qýanyshtan qalaı keýde kermespin,
Bul kúnimdi bir ǵasyrǵa bermespin.
Aq túıeniń qarny mine jaryldy,
Táýelsizbin, egemenmin, derbespin!

1 - júrgizýshi: (Batyrhan)
1991 jyldyń 2 - qazanynda qazaq halqynyń tuńǵysh ǵaryshkeri Toqtar Áýbákirov ǵaryshqa ushty.

2 - júrgizýshi: (Symbat)
1991 jyldyń 1 - jeltoqsanynda Qazaq Keńestik Sosıalısik Respýblıkasynyń alǵashqy Prezıdenti bolyp Nazarbaev Nursultan Ábishuly saılandy.

1 - júrgizýshi: (Batyrhan)
1991 jyldyń 10 - jeltoqsanynda N. Á. Nazarbaev memleketimizge Qazaqstan Respýblıkasy ataýyn berý týraly zańǵa qol qoıdy. 2012 jyly elimizde alǵash ret atalyp ótken memlekettik mereke «1jeltoqsan – Qazaqstan Respýblıkasy Tuńǵysh Prezıdentiniń kúni» bul árıne, ultymyzdyń Elbasyna degen qurmeti, senimi.

2 - júrgizýshi: (Symbat)
Bar álemge shyn tanyldyq mine, biz,
Elin súıgen Elbasy dep bilemiz.
Teń atalyp Qazaqstan – Nursultan,
Nursultan men Qazaqstan tur egiz.
Án: «Nur aǵa» Elbasy týraly slaıd kórsetilip turady

2 - júrgizýshi: (Symbat)
1992 jyly Qazaqstan Respýblıkasynyń rámizderi bekitildi.
Rámizderim! Sen netken mańyzdy ediń,
Sensiń asyl qazynam naǵyz kerim.
Tóbemde Tý, tósimde Eltańbam bar,
Gımnimdeı aýzymnan án úzbedim.
Bir aýyzdan aıtylyp ánuranym,
Eltańbammen álemge tanylamyn.
Bir jaǵadan bas shyǵyp, bir jeńnen qol,
Kók týymnyń astynan tabylamyn.

1 - júrgizýshi: (Batyrhan)
1992 jyly maýsym aıynda Birikken Ulttar Uıymyna múshe boldyq

Pavlodar oblysy, Baıanaýyl aýdany
Úshqulyn jalpy negizgi bilim berý mektebiniń
tárbıe isi meńgerýshisi Boranshy S.