InfoHub Logo

Túrikmen eliniń bizge kórshiles Balqan oblysynyń ortalyǵy Nebıttaýdaǵy kórnekti alańda keńestik kezeńde Lenınniń eńseli eskertkishi turdy. Túrikmenstan Táýelsizdik alǵannan keıin álgi eskertkishtiń ornyna burynǵydan da úlken ǵyp sol eldiń basshysy Saparmurat Nıazovtyń jarqyraǵan qola músini qoıyldy...

Toqsanynshy jyldardyń basy bolatyn, bir top qalamger álgi eskertkishtiń janyna baryp qarap turǵanbyz. Bir kezde túrikmenniń belgili satırıgi, syqaqshy Pyhy Taǵan: "Osynyń basyp almaly-salmaly, ıaǵnı burandaly ǵyp jasaý kerek edi", — dep qoıyp qaldy. Bárimiz jalt qaradyq. "Ózderińiz oılańyzshy," — deıdi ol kúlip, — osy eskertkishke qyrýar qarjy, qanshama mys ketti. Keıinnen muny taǵy ózgertip jatpasymyzǵa kim kepil? Al, eger men aıtqandaı bolsa, kóp shyǵyp shyǵarmaı-aq basyp aýystyra salady..."

Ótken jyly túrikmen eli basshynyń baqılyq bolǵany barshaǵa belgili. Jýyrda meniń Nebıttaý qalasynda bolýyma týra keldi. Búginde Túrikmen basshynyń bul elde shyǵatyn árbir gazet-jýrnaldyń birinshi betiniń qaq mańdaıynda kúlip turatyn sýreti kórinbeıdi... Telearnalardyń shekesinde turatyn beınesi de alynyp tastalǵan... Endi ǵana erkin tynystaı bastaǵan jurt endigi kezek aqshada, sodan keıin árbir aýyl-aımaqta, kent pen qalada turǵan eskertkishterde degendi aıtady... Kim bilsin...biletinimiz ot aýyzdy, oraq tildi Pyhy Taǵannyń aıtqany el aýyzynda qalypty, umytylar emes...

---