InfoHub Logo

Úırengenim kóp meniń!
Uıymdastyrylǵan ashyq oqý is áreketiniń tehnologıalyq kartasy
Maqsaty: balalardyń bir jyl boıy alǵan bilimderin tekserý, logıkalyq oılaý qabiletterin damytý. Qıyn jaǵdaıda bir - birine kómek kórsetýge, qamqorlyqqa tárbıeleý. Dúnıedegi eń asyl qazyna oqý bilim, kitap ekenin túsindirý. Ekologıalyq tárbıe berý. Qorshaǵan ortany súıýge, aıalaı bilýge tárbıeleý.
Kórnekilikteri: slaıdtar, úlestirmeli materıaldar, taqyrypqa baılanysty sýretter, Álippe maketi.

Motıvasıalyq qozǵaýshy
Sálemdesý sheńberi:
Armysyń shapaǵatty kúnimiz!
Armysyń meıirimdi jerimiz!
Armysyń tabıǵat anamyz!
Ádeppen bas ıer balamyz!
Qaıyrly tań, qaıyrly kún barshaǵa
Qosh keldińiz bizdiń balabaqshaǵa!

- Balalar búgin bizde erekshe kún! Búgin biz bir jyl boıy alǵan bilimderimizdi tıanaqtap, ne bilip, ne úırengenderimizdi ortaǵa salatyn bolamyz. Endeshe ashyq oqý is áreketimizdi qysqasha suraq jaýaptan bastaǵym kelip tur.
- Balalar maǵan jyl mezgilderi týraly kim aıtyp bere alady?
- Al endi maǵan aı attaryn úsh tilde atap bere alasyńdar ma?
- Apta kúnderin she?

İzdený uıymdastyrýshy
Ǵajaıyp sát:
Elektrondy hat keledi.
- Balalar qarańdarshy bizge elektrondy hat kelipti.. Qyzyq bul hatty bizge kim jazdy eken? Qane oqyp kóreıik.
«Sálemetsińder me qurmetti balalar! Men Danyshpan ataımyn. Men senderdi óte aqyldy, bilimdi, ónerli dep estidim. Sondyqtan senderge kóptegen balalar armandasa da jete almaıtyn «Qazynalar eliniń» kartasyn joldap otyrmyn. Eger sender kartada berilgen baǵytta júrip otyryp joldaryńda kezdesken barlyq bógetten súrinbeı ótetin bolsańdar «Qazynalar elin» mindetti túrde tabasyńdar. Senderge sáttilik tileımin. Joldaryń bolsyn!» S/N: Danyshpan ataı
- Oı, balalar myna ǵajapty qarańdarshy Danyshpan ataı bizge «Qazynalar eliniń» kartasyn jiberipti.
Sender Qazynalar eline saıahatqa barǵylaryń kele me?
- Olaı bolsa kartaǵa nazar aýdaraıyqshy, eń aldymen qaıda jol tartýymyz kerek eken.

1 - Baǵyt
«Saýat ashý qalashyǵy»
- Balalar saıahatqa barý úshin bizge ne kerek?
- Kóliktiń qandaı túrlerin bilesińder?
- Qalashyqqa barý úshin myna kólikterdiń qaısysyn tańdaımyz?
Olaı bolsa jolǵa shyǵaıyq.
- Balalar mine Saýat ashý qalashyǵyna da jetip keldik. Biraq qalashyqtyń qaqpasy jabyq tur eken. Qane qaqpany qaǵyp kóreıik.
- «Bul kim?»- degen daýys estiledi.
- Biz №25 «Qaraqat» balabaqshasynyń balalarymyz. Biz «Qazynalar elin» izdep júr edik. Sizderdiń qalashyqtaryńyzdan ótip ketsek bola ma?
- Qaqpany ashý úshin bizdiń tapsyrmamyzdy oryndaýlaryń kerek.
Qaqpanyń tapsyrmasy: «Suraq - jaýap»
• Dybys degenimiz ne?
Dybystyń túrlerin ata.
• Dybys pen áriptiń aıyrmashylyǵy qandaı?
- Bárekeldi jaraısyńdar!
(Qaqpa ashylady)

İshinen «Álippe» shyǵady.
- Sálemetsińder me, balalar! Meniń atym Álippe...
Men senderdiń saıahatqa shyqqandaryńdy estidim.
Biraq bizdiń qalashyqtan ótý úshin meniń de tapsyrmamdy oryndaýlaryń kerek. Daıynsyńdar ma?
Álippeniń tapsyrmasy:
• Rebýsty shesh
• «Býyndardan sóz qura» oıyny
- Jaraısyńdar balalar! Sender tapsyrmalardy múdirmeı oryndadyńdar. Joldaryń bolsyn! Saý bolyńdar!

Balalar saıahatymyzdy ári qaraı jalǵastyraıyq. Kartaǵa nazar aýdaraıyq. Kelesi kezekte qaıda baǵyt alatynymyzdy bilip alaıyq.

2 - baǵyt
«Matematıka araly»
- Balalar «Matematıka aralyna» barý úshin bizge qandaı kólik kerek?
- Olaı bolsa saıahatymyzdy jalǵastyraıyq. Bárimiz kemege shyǵaıyq.
- Mine aralǵa da kelip jettik. Balalar munda nege typ - tynysh.
(kenetten qaraqshylar shyǵa keledi)
- Sender kimsińder? Biz senderdi aralymyzǵa kirgizbeımiz!!!!
- Biz №25 «Qaraqat» balabaqshasynyń balalarymyz. Biz «Qazynalar elin» izdep júr edik. Sizderdiń araldaryńyzdan ótip ketsek bola ma?
- Aldymen bizge kómektesińder, sodan soń ótkizemiz. Bizdiń araldaǵy matematıkalyq tańbalardy buzyq balalar urlap ketti, endi biz esep shyǵara almaı jatyrmyz. Bizge esep shyǵarýǵa kómektesińder.
Qaraqshylar tapsyrmasy:
• «Tańbasyn tap» oıyny
• Logıkalyq esepter
• «Tez oıla» oıyny
Balalar jol júrip biraz sharshadyq kelińder boı sergitip alaıyq.
Sergitý sáti:
- Balalar kartaǵa nazar aýdaraıyq. Saıahatymyzdy ary qaraı jalǵastyraıyq.

3 - baǵyt
«Erinshekter shyńy»
- Balalar shyń degen ne dep oılaısyńdar?
- Shyńǵa shyǵý úshin bizge qandaı kólik kerek?
- Balalar mynaý ne?
- Bul jaı taý emes eken. Bul taýdyń shyńynda erinshek, jalqaý, buzyq balalar ómir súredi eken. Biz osy shyńǵa shyǵyp olardy tazalyqqa, ádeptilikke, dostyqqa úıretýimiz kerek.
• 1 - tapsyrma:
Sýretpen jumys:
Tazalyqtyń dostaryn\ ata.
• 2 - tapsyrma:
Tabıǵat týraly tyıym sózder
• 3 - tapsyrma:
Maqal - mátelder aıtý.
- Jaraısyńdar balalar! Bul synnan da súrinbeı óttik. Joldy ary qaraı jalǵastyraıyq. Kartaǵa nazar aýdaraıyq.

4 - baǵyt
«Ónerpazdar eli»
Balalar qarańdarshy biz eń keremet elge kelip jettik. Qarańdarshy balalar munda da bizdiń eldegideı kóktem mezgili eken. Aınalanyń bári gúlge tolyp, qulpyryp tur.
Balalar bul elde óte aqyldy ónerli balalar ómir súredi eken, biraq munda biraz jumystar bitpeı qalǵan eken kelińder biz olarǵa kómektesip mundaǵy jumystardy bitirip tastaıyq.
• Shyǵarmashylyq jumys
Balalar qarańdarshy bizge taǵy da hat kelgen sıaqty.
«Jaraısyńdar balalarym! Sender barlyq tapsyrmalardy muqıat oryndadyńdar. Endi men senderge eń qymbat qazynany jiberip otyrmyn.»
Esik qaǵylyp, topqa Álippe kirip keledi.
- Sálemetsińder me balalar! Meni senderge Bilimpaz ataı jiberdi, senderdi eń aqyldy eń bilimdi dep maqtady. Endi men sendermen bir jyl boıy dos bolamyn.
- Kórdińder me balalar biz izdegen eń asyl qazyna Álippe eken.

Refleksıvti korreksıalaýshysy
Balalarǵa oqý is - áreketten alǵan áserlerimen bólisýdi usynyp, ne úırenip, ne bilgenderin surap, oqý is áreketti qorytyndylaý. Balalar óz áserlerimen bólisedi.

Shymkent qalasy,
№25"Qaraqat" bóbekjaı - balabaqshasynyń
İİ sanatty tárbıeshisi Sholatova Aıjan Nýralıevna