InfoHub Logo

Afrıkaǵa saıahat
Maqsaty: balalardy sonaý alystaǵy Afrıka qurlyǵymen tanystyrý. Ózge eldiń salt - dástúrleri týraly túsinik berý. Afrıkadaǵy Jýnglı men Sahara, Savannanyń tynys tirshiligimen tanystyrý. Ózge eldiń ónerimen mádenıetin syılaýǵa tárbıeleý.

İs shara barysy:
Zal ishi merekege saı bezendirilgen. Balalar «Chýnga - changa» bıine bıleıdi. Sol kezde qonaqqa Affa esimdi qara násildi adam keledi.
Affa: - Sálemetsińder me, balalar! Meniń atym Affa. Sender meniń qaıdan kelgenimdi bilesińder me?
- Afrıka óte keremet, qyzyqqa toly tańǵajaıyp jer. Senderdiń meniń týǵan jerime, Afrıkaǵa saıahatqa barǵylaryń kele me?
- Olaı bolsa AFrıka týraly ol jerde ózderińdi qalaı ustaý kerektigin úırenip alaıyq.

Slaıd №1
Endeshe poıyzǵa otyryp jolǵa shyǵaıyq. Jol qysqartý úshin án aıtaıyq.
Án; «Eslı dolgo, dolgo»
Affa: Týýýýýýýý, mine biz kelip te qaldyq. Qalasańdar men senderdi ózimniń otbasymmen tanystyramyn. Bizde Afrıkada óte kóptegen taıpalar ómir súredi. Bulardyń bári meniń baýyrlarym, dostarym! Biz qara násildi halyqqa jatamyz.

- Baýyrlarym qonaqtardy qarsy alyńdar!
«Salt dástúrler» bıi
- Balalar senderge unady ma?
Biz osylaı kóńildi ómir súremiz.
- Sender bilesińder me, bizde Afrıkada eshqashan qar jaýmaıdy. Ne úshin dep oılaısyńdar?
- Ia balalar óıtkeni bizde árqashan kún ystyq bolyp turady.
- Balalar sender bárin esterińe saqtańdar.
- Balalar sender aıtyńdarshy Afrıkadaǵy adamdar men Qazaqstandaǵy adamdardyń qandaı aıyrmashylyqtary bar?
(teri tústeri, turǵan jerleri, úıleri, tili, dini, salt - dástúrleri t. b)
- Sender qandaı aqyldysyńdar, jaraısyńdar!

Balalar olaı bolsa saıahatymyzdy ári qaraı jalǵastyraıyq.

Án: «Eslı dolgo, dolgo»
Affa: Týýýý, keldik. Sender myna jerdi tanısyńdar ma?
Biz jýnglıge kelip jettik. Sender jýnglı ne ekenin bilesińderme?
Bul orman. Bul ormanda óte kóptegen ósimdikter men aǵashtar ósedi, olar bir birine jabysyp ósedi, óte tyǵyz ornalasqandyqtan ol jerge kún sáýlesi jaqsy túspeıdi, ol jerde jaryq az.

Sol kezde jýnglı patshasy Maýglı men dostary shyǵa keledi.
Maýglı: - Sender kimsińder?
- Biz №25 «Qaraqat» balabaqshasynyń tárbıelenýshilerimiz. Biz munda qonaqqa keldik, saıahattap júrmiz. Biz seni kórgenimizge óte qýanyshtymyz, biz sen týraly óte kóp estigenbiz, sen týraly kınolardy mýlthıkaıalardy óte jaqsy kóremiz, Maýglı!
- Men sondaı qýanyshtymyn. Olaı bolsa kelińder, men senderge jýnglıde oınalatyn bir oıyn úıreteıin.
Oıyn: «Maýglı jáne onyń dostary»
Affa:
- Maýglı senderge kóp rahmet, kóńilimiz kóterilip qaldy. Alaıda biz saıahatymyzdy ári qaraı jalǵastyrýymyz kerek. Saý bolyńdar!
Maýglı:
- Saý bolyńdar, balalar! Kelip turyńdar, joldaryń bolsyn!
Án: «Eslı dolgo, dolgo»
Affa: Týýýýýýýýýýý biz keldik.
- Balalar aınalaǵa qarańdarshy biz qaıda keldik?
(shólge)
- Shólde eń kóp nárse ne dep oılaısyńdar?(qum)
- Shólge eń tózimdi janýar qaı janýar? (túıe)
- Shólde ósimdikter óse me? (Ia, aloe, kaktýs t. b)
Bı: «Qumyralar» bıi

Án: «Eslı dolgo, dolgo»
Affa: Týýýýýýýýýýý biz keldik..
Balalar bul jerdi savanna dep ataıdy. Savannada kóptegen jyrtqysh ańdar ómir súredi. Savannada kúndiz kún qatty ystyq bolsa, keshke jaqyn kún qatty sýyıdy.
- Balalar qarańdarshy munda jyrtqysh ańdar kele jatyr. Olarǵa tıisýdiń, kóńil kúılerin ketirýdiń qajeti joq. Tek olardy alystan baqylap, sýretke túsirip alaıyq.

Bı: «Savanna janýarlary»

- Balalar kesh bolaıyn dep qaldy, osymen búgingi saıahatymyzdy aıaqtaıyq. Afrıkanyń basqa da keremetterin kelesi joly tamashalaıtyn bolamyz. Endi óz elimiz Qazaqstanǵa qaıtaıyq.
- Affa saǵan kóp - kóp rahmet, búgingi saıahat bárimizge óte unady. Saý bol Affa.

Balalar poıyzǵa otyryp topqa oralady. Óz áserlerimen bólisedi.

Shymkent qalasy,
№25 "Qaraqat" bóbekjaı - balabaqshasynyń
İİ sanatty tárbıeshisi Sholatova Aıjan Nýralıevna