InfoHub Logo

Uzatyp aq tilekpen erke qusyn, jadynda qyzdarynyń júredi Áke

Ákesiniń qyzy

- Papamnyń moınyna minip alamyn, - dedi qyz. Bala kúnimde papam moınyna mingizip júretin, sol esime túsip ketedi de, minip alyp: "Papa, kótershi", - deımin. Sonan soń papam kóteredi. Muny kórip, mamam ursady: "Ákesiniń moınyna mingen degen ne sumdyq. Kúni erteń kúıeýge shyqqaly otyryp... İste myna kýhnányń jumysyn".
- Mamam qataldaý ustaıdy. Biraq men as bólmeniń jumysynyń bárin meńgerip alǵanmyn. Al papam aıtady: "Qyzym, erteń turmys qurasyń, sol kezde joldasyńa súıenish bola bil. Semány alyp ketetin jigit ózi ári qaraı alyp ketedi, biraq mindetti túrde seniń qoldaýyń kerek. Óıtkeni jigit adamdy syrtta aıaǵynan shalýshylar kóp bolady, sol kezde olarmen birge qosyla tabalaspaı, joldasyńa qoldaý bildirip otyrýyń kerek", - dep úıretedi.

Tileıdi áke ulǵa da - yrys, qyzǵa - baq,
Sony oılasa, talaı keýde syzdamaq.
Shańyraqtyń ıesi eger bolsa ul,
Qyz - erkesi, qyz - órisi, qyz - qonaq.

Syılastyqpen talaı kóńil uǵysqan,
Dástúr úshin ustansa eger ul ustam.
Talaı qyz da ákege saı bolam dep,
Uldan beter namysyna tyrysqan.

Jeteleıdi tirshiliktiń tolqyny,
Qyz dáýreni - shyǵar qyzdyń tórkini.
"Jaqsy ákeniń qyzy ediń" degende,
Talaı júrek tebirendi, tolqydy.

Bal kúndi oılap, kóńil keıde jasarmaq,
Ótkenimen qymbat ómir qashanda - aq,
"Jaqsy ákeniń izi ediń" degende,
Talaı janar qaldy ma eken jasaýrap.

Áke, perzent - kóńil ishteı uǵysty,
Sol uǵysý asha túser tynysty.
Talaı arý myna ómirde ákeniń,
Júzin jerge qaratpaýǵa tyrysty.

Demeıdi ómir arýdy ár kez synaıyq,
Taǵýǵa da qumar emes myń aıyp.
Jaqsy ákeniń qyzdary da sonda da,
Bolý kerek shyǵar soǵan laıyq.

Qabaǵynda arýlardyń kún kúlsin,
Jan baılyǵyn sol kúlkisi bildirsin.
Talaı áke tálimine óz qyzynyń,
Maqtanyp ta júrgen shyǵar, kim bilsin.

Áke tilegi

Bolǵan edim syrlasyń da, aqylshyń,
Deýshi eń árkez - Áke, qymbat, jaqynsyń.
Baldáýreniń boıjetti de bir kúnde,
Týǵan úıden uzap bara jatyrsyń.

Ómir degen - oılaǵanǵa ór teńiz,
Balalyǵyń, bal qylyǵyń - kórkem iz.
Eseıipti Ákesiniń aldynan
Keshe kúlip júgiretin erke qyz.

Syrǵıdy eken kóz ilespeı ýaqyt tym,
Sen dep myna ómir dámin tatyppyn.
Jaryńmenen qol ustasqan saparyń
Aparsynshy aıdynyna baqyttyń!

Toqtamasyn sol saparda ór kemeń,
Birge kúlip, birge qýan elmenen.
Shuǵylaly, mynaý ǵajap dúnıege
Sen baqytty bolý úshin kelgen eń.

Syńaryńmen qol ustasqan búginiń
Jalǵastyrsyn erteńińniń ǵumyryn.
Birge bólis qıyndyǵyn ómirdiń,
Birge qadas otaýyńnyń ýyǵyn.

Tilegi osy saǵan aıtar Ákeniń,
Boıǵa jıma jat qylyqtyń bótenin.
Uǵyna bil myna ómirde aldymen
Jar bolýdyń bıik uǵym ekenin.

Qyzǵa mindet ómir osy júktegen,
Seni aldan tosyp tursyn qut - meken.
Býaldyr bop ketti Ákeńniń janary,
Menen góri qaıta anań myqty eken...

Avtory:
Ǵabıden QOJAHMET,
Qyzylorda qalasy