InfoHub Logo

Internetke symsyz qosylý – zamanaýı ómirdiń ajyramas bóligi. Úıde, jumysta, saýda ortalyqtary men bilim ordalarynda – barlyq jerde Wi-Fi bar. Keıbir ǵalymdar Wi-Fi-di aıtpaı keletin dert deıdi. Bizdi kúndelikti qorshap turǵan Wi-Fi-dan taraıtyn sáýlelený jaıly qysqasha málimet alyp kóreıik.

Wi-Fi jelisiniń jumys isteý prınsıpi

Wi-Fi-diń zıany

Uıaly telefondardan bólinetin sáýlelenýdiń zıany jaıly kóptegen másele qozǵalǵanymen, onyń denege áseri áli kúnge deıin tolyq zerttelmegen. Óıtkeni biz mundaı gadjetter men symsyz jelilerdi qoldanyp jatqanymyzǵa az ýaqyt boldy. Bul tehnologıalar adam aǵzasyna qanshalyqty zor áser etetinin túsiný úshin kóbirek ýaqyt kerek.

Elektromagnıttik tolqyndar men olardyń adam mıyna áseri jaıly ǵylymı zertteýler bar. Shynynda, ósimdikterdiń ósýin tejeıtin jáne adam mıynyń qabiletin tómendetetin jasýshalyq deńgeıde ózgerister júredi.

Wi-Fi qurylǵylarmen jumys isteıtin adamdar Wi-Fi tolqyndarynyń aǵzaǵa tıgizetin teris áserin tómendetý úshin qaýipsizdik tehnıkasy boıynsha naqty nusqaýlyqtardy ustanady.

Wi-Fi-dyń zıanyn qalaı tómendetýge bolady?

Wi-Fi-di eshkim qoldanbaı turǵan kezde nemese túnde roýterdi árdaıym óshirip júrgen jón;

Telefondy eski, symdyq telefonǵa aýystyryńyz, symsyzdan bólinetin sáýlelený de mıǵa teris áser etedi;

Wi-Fi roýter as úıde, balalar bólmesinde nemese jatyn bólmede bolsa, ony basqa jaqqa qoıyńyz. Bul qurylǵy adam az bolatyn bólmede turýy tıis;

Symsyz jeliniń ózińizdiń jáne balalaryńyzdyń densaýlyǵyna janama áserin barynsha azaıtyńyz: kóbirek taza aýada bolyńyz, salaýatty ómir saltyn ustanyńyz, jańalyqtar taspasyn oqyp otyrǵansha qaǵaz kitaptardy oqyńyz.

Árdaıym elektromagnıttik tolqyn aımaǵynda júretin adamnyń aǵzasy qalaı ózgeretinin baıqaý úshin bizge shamamen 30 jyl ýaqyt kerek. Bas aýrýy, alańǵasarlyq, uıqysyzdyq, árdaıym boldyrap júrý syndy jaǵymsyz kúıge osy tehnologıalardyń áseri sebep bolýy múmkin.

---