InfoHub Logo

Qazaqstannyń bilim jáne ǵylym mınıstri Erlan Saǵadıev Tengrinews.kz tilshisine bergen suhbatynda bes kúndik oqý aptasy men oqý jylynyń 10 kúnge uzarýynyń paıdasyn óz úlgisinde túsindirip berdi.

"Jaz - mektep oqýshylary úshin eń jaqsy kóretin mezgil. Senbi de óte mańyzdy kún. Ol bolmaǵan edi. Ol balalarǵa da, ata-anaǵa da qajet. Barlyq órkenıetti álem januıadaǵy qarym-qatynastyń ornaýyn jáne onyń mańyzdy ekenin túsinedi. Bir kúnniń jetkiliksiz ekeni ras. Biz jalpy aıtqanda januıadaǵy tárbıe men balanyń qosymsha damýyna ýaqyt berip otyrmyz. Sportpen, mýzykamen, ónermen aınalysýǵa múmkindik ashylady - bul óte mańyzdy", - dedi mınıstr.

Onyń aıtýynsha, birinshi synyp oqýshysy senbiler arqyly 34 qosymsha demalys alady.

"Endi jazǵa kelsek. Bastaýysh synyptar 31 mamyrǵa deıin oqyp, tolyq úsh aı demalady. Negizgi jáne joǵarǵy synyptardyń oqý jyly on kúnge ǵana uzarady. Eshbir synyp 10 maýsymnan kesh aıaqtamaıdy. Biraq umytpańyzdar - senbilerdiń arqasynda olar 24 qosymsha demalys alady", - dep eske saldy Saǵadıev.

"Oqý baǵdarlamasynyń júzdegen ádiskerdiń, muǵalimniń jáne ǵalymnyń jumysynyń nátıjesi ekenin túsiný kerek. Bala belgili bir taqyryptar men deńgeılerdi meńgerýi kerek. Máselen, fızıkadaǵy optıkany alaıyq. Baǵdarlamany qysqartqysy keletinder bylaı deıdi: "Optıka bólimin alyp tastańyzdar, óte ystyq". Muny qalaı túsinesizder? Bala jaryqtyń tabıǵatyn túsinbeıdi, spektrlerdiń bólinýinen habary bolmaıdy. Árbir kelesi deńgeı aldyńǵysynyń bazasynda qurylǵan. Segizinshi synypqa barsań - jetinshi synyptyń bilimi bolýy kerek, solaı sıaqty ármen qaraı. Barlyǵynyń negizi bar ári ózara baılanysqan", - dedi mınıstr.

"Men máselen, Almatydaǵy fızıka-matematıka mektebinde oqydym. "Ol jaqta "jaz" degen túsinik bolǵan joq. Jazǵa Skanavıdiń ilimi boıynsha 300 tapsyrma beriledi, ol balalar munyń barlyǵyn umytyp qalmaýy úshin beriledi. 90 kúnge eseptesek, bul kún saıyn 1,5 saǵat otyrý degendi bildiredi, kún saıyn. Jazda. Biraq men esh ókinbeımin. Ata-analarǵa bylaı degim keledi: balalardy jaqsy kórý kerek, biraq olardyń bolashaǵy olardyń búgin qansha jumys istegenine baılanysty bolady. (...) Bul másele muǵalimdermen jáne dırektorlarmen kelisildi. Bul olardyń armany. Senbi olar úshin óte mańyzdy", - deıdi mınıstr.

kaz.tengrinews.kz

---