InfoHub Logo

Iman degenimiz — bilim. «Iman degen ne?» - dep aqylymnan suradym. Aqylym júregimniń qulaǵyna eńkeıip: «Iman ádepten turady», - dep sybyrlady. Olaı bolsa ádepsiz adam Alladan syı-qurmet kórmeı maqurym ótedi» - depti Hazireti Maýlána. Al Abaı: «Mahabbatpen jaratqan adamzatty, Sen de súı ol allany jannan tátti. Adamzattyń bárin súı baýyrym dep, Jáne haq joly osy dep ádiletti Osy úsh súıý bolady ımanı gúl...» Aqyn aıtyp otyrǵan «IMANI GÚL» kemel ımanǵa baılanysty sóz. KEMEL IMAN degenimz ne? Ol týraly paıǵambarymyz óz hadısinde: «Iman etpeıinshe jumaqqa kirmeısińder, al bir-birińdi jaqsy kórmeıinshe KEMEL ımanǵa qol jetkize almaısyńdar» - degen. Ǵulama ál-Málıkı: «Myna úsheýi kisiniń aqyly men keńpeıildiligin kórsetedi. Olar: 1. Kórshisi maqtasa 2. Týystary maqtasa 3. Janyndaǵy joldasy maqtasa" - degen eken. Kemel ımannyń alǵy sharty osy maqtaý men madaq bolsa kerek. Farabı «Minezdilik-baqytty bolýdyń negizgi sharttarynyń biri», — deıdi. Jáne «Baqytqa jol silteýinde» eńbeginde minez týraly bylaı dáıekteledi: «Jaqsy minez-qulyq pen aqyl kúshi-bular adamshylyq qasıetter bolyp tabylady. Eger osy ekeýi birdeı bolyp kelse, biz óz boıymyzdan jáne óz áreketterimizden abzaldyq pen kemeldikti tabamyz jáne osy ekeýiniń arqasynda biz izgi ıgilikti jáne qaıyrymdy adam bolamyz». Al Abaı: «Adam balasy bir-birinen aqyl, ǵylym, ar, minez degen nárselermen ozady. Odan basqa nárselermen ozdym ǵoı demektiń bári aqymaqtyq" — deıdi.

Lesbaı Syrym

---