InfoHub Logo

Informatıka
Synyp: 11
Sabaqtyń taqyryby: Internet jahandyq jeli. Aqpar izdeý. Elektrondyq poshta ashý. (prezentasıasymen)
Sabaqtyń maqsaty:
A) Aqparattyq – komýnıkasıalyq tehnologıanyń múmkindikterin úıretý arqyly oqýshylardyń qyzyǵýshylyqtaryn artyrý.
Á) Internet jelisindegi elektrondyq pochta qyzmetine túsinikteme berý jáne ony qurý tásilderine úıretý.
B) Internet jelilerin úıretý arqyly oqýshylardyń aqparattyq mádenıetin qalyptastyrý.
Damytýshylyq: Óz betinshe jumys isteý daǵdysyn qalyptastyra otyryp, ınternetti paıdalana bilýge úıretý;
Tárbıeliligi: Oqýshylardyń kompúterge degen qyzyǵýshylyǵyn arttyrý, eńbekke tárbıeleý, ınternet arqyly aqparat almasa bilýge tárbıeleý.
Sabaqtyń túri: dástúrli sabaq.
Sabaqtyń kórnekiligi: Rebýs, test, 42” LCD TV, ınteraktıvti taqta, kompúter, Internet.
Sabaqtyń ádisi: oıyn, suraq - jaýap, túsindirý ádisteri.

Sabaqtyń barysy:
I. Uıymdastyrý kezeńi
a) Oqýshylardyń sabaqqa qatysýyn tekserý.
á) Rebýs sheshkizý

II. Ótilgen taqyrypty qaıtalaý.
a) Test jumysy
á) Aýqymdyq jeli degenimiz ne?
b) Internet – degenimiz ne?
v) «Internet» qashan jáne qaıda paıda boldy?

III. Jańa sabaq túsindirý kezeńi.
Qazirgi ýaqytta mańyzdy baılanystyń biri – Internet. Qazaqstan Respýblıkasynyń bilim berý júıesin aqparattandyrý elimizdiń damý strategıasynyń negizgi baǵyttarynyń biri, sebebi XXI ǵasyr – bilim berý júıesin aqparattandyrý ǵasyry. Qazirgi maman zamanǵa sáıkes kompúterlik tehnologıalardy meńgerýmen qatar Internette jumys jasaı alýy kerek. Elbasynyń joldaýynda aıtylǵan: «Qazaqstan Respýblıkasy 2015 jylǵa deıin elektrondyq oqýlyqty 40%- ǵa, 2020 jyly 90%- ǵa jetkizý kerek» dep atap ótilgen.

Internet – mıllıondaǵan kompúterlerdi bir alyp jelige biriktiretin, aqparatqa sheksiz qol jetkizý jáne túrli amaldarmen qatynas jasaý múmkindigin usynatyn dúnıe júzindegi eń úlken jáne eń tanymal jeli.
Internetke qosylý úshin, birinshi Web - braýzer arqyly jumysymyzdy bastaımyz. Web - braýzerler birneshe túrge bólinedi:
Internet Explorer, Internet Opera, Internet Mozilla Firefox t. s. s.

WWW (World Wide Web) – di kórýge arnalǵan qoldanba, Web - braýzer dep atalady.
Iaǵnı, Web - braýzerler, «WWW» (World Wide Web) qujattaryn qaraýǵa arnalǵan. Onyń negizgi qyzmet múmkindikterine mynalar jatady:
• Ár túrli terezelerde bir ýaqytta ashylǵan qujattardy qaraý;
• Buryn qaralǵan qujattardy eqranǵa jyldam shyǵarýdy qamtamasysyz eteý;
• Elektrondy jáshik qyzmetin qoldaný;
• Qaralatyn qujatty jáne olardyń bóligin magnıtti tasýyshta saqtaý;
• Aǵymdy Web – bette aqparat izdeý;
WWW (World Wide Web) – Internettiń qarqyndy damyp kele jatqan tehnologıalarynyń biri. WWW (World Wide Web) – máni ol aqparatty túrli kompúterlerde ornalasqan jekelegen mátindik, grafıkalyq jáne taǵy basqa faıldar túrinde usynýdan turady. Faıldardyń (nemese obektilerdiń) mundaı jıyntyǵyn Web - qujat (Web - saıt, Web - site) retinde túsinemiz. Web - qujat bólek Web - betterden turady. Web - serverde birneshe Web - qujat ornalasqan.
Mysaly, www. algokom. kz adresi boıynsha (www (World Wide Web) degenimiz – resýrs aty, algokom – fırma aty, kz - Qazaqstan) Relkom jelisiniń Web serverine shyǵýǵa bolady. Paıdalanýshyǵa túsiniksiz bolǵanymen, dál osy adres kompútermen oqylady. Aqparat izdeýdiń birneshe túrleri bar. Mysaly biz myna izdestirý sıstemalary arqyly ózimizge qajetti aqparattardy taba alamyz. Olar:
www. google. ru
www. yandex. kz
www. rambler. ru
www. aport. ru
www. mail. ru
Osylardyń ishinen biz birnesheýin qoldanyp kóreıik. Ol úshin kompúterimizde ornalasqan braýzerdi tyshqannyń kómegimen tańdaımyz da, Internet terezesin ashamyz. Ashylǵan terezeniń meken - jaı jolaǵyna www. google. ru dep jazyp, siltemeni basamyz. Osy kezde sizge www. google. ru saıty ashylady. Endi kezekte saıt paneline ózimizge kerekti aqparatty jazamyzda, Poısk batyrmasyn basamyz. Aldaryńyzǵa qajetti aqparat shyǵa keledi.

Braýzerdiń kómegimen biz birneshe tereze ashyp, qalaǵan saıttarymyzǵa kire alamyz. Tyshqannyń kómegimen aldyńǵy ashylǵan terezeniń janynan, tyshqannyń sol jaq batyrmasyn basý arqyly birneshe tereze ashyp alamyz. Ashylǵan terezeniń meken - jaı jolaǵyna qajetti adresimizdi jazamyz. Iaǵnı ár terezege myna Web – adresterdi engizemiz: www. yandex. kz, www. mail. ru. Birinshi terezege engizilgen www. yandex. kz Web - adresimizde Qazaqstan aýmaǵyndaǵy aqparattardy alamyz.

Internet júıesiniń damýyna baılanysty, kóptegen adamdar ózderiniń is - tájirıbelerimen álemdegi áriptesterimen bóliskisi keledi. Mundaı jaǵdaıda oǵan kómekke elektrondyq poshta keledi.
www. mail. ru – saıtynyń kómegimen biz tek aqparat izdeýmen shektelmeımiz. Sonymen qatar elektrondyq jáshik ashyp, habar almasa alamyz. Eger Siz jańa paıdalanýshy bolsańyz júıege tirkelip alý qajet.
Poshta jáshikteriniń ataýlary mynadaı kóriniste bolady: at@úıshik, bundaǵy at (Logın) poshta serverinde tirkelý kezinde kórsetiletin biregeı at. Úıshik Siz tańdaǵan poshta serverin kórsetedi. Tirkelý úshin www. mail. ru – saıtyna kirip, Tirkelý siltemesin ( Regıstrasıa pochtı) shertý qajet.
Berilgen óristerdi myna retpen toltyramyz.
1. Sizdiń shynaıy atyńyz: Sizdiń hatyńyzǵa qoıylatyn qoltańba.
2. Sizdiń shynaıy tegińiz: Sizdiń hatyńyzǵa qoıylatyn qoltańba.
3. Týǵan kúnińiz, aıyńyz, jylyńyz.
4. Jynysyńyz.
5. Sizdiń biregeı atyńyz (Logın).
Sizdiń poshta jáshigińizdiń biregeı ataýy – ár qashan Latyn áripterimen jazylady. Mysaly, aidos_1993.
6. Qupıa sóz: pernetaqtanyń ruqsat etiletin nyshandary, mysaly, aidos1993 (qoıyn kitapshaǵa jazyp alǵan durys bolar).
7. Qupıa sózdi qaıtalaý: aidos1993.
8. Saıttyń qosymsha suraǵy.
Eger siz qupıa sózińizdi umytyp qalǵan jaǵdaıda www. mail. ru saıty sizge qosymsha suraq berý arqyly, sizge qupıa sózińizdi taýyp nemese kórsetip beredi.
9. Sýrettegi qupıa sózin engizińiz.
10. Tirkelý batyrmasyn basamyz.
Bul kezde serverde «aidos1993» degen qupıa sózi bar aidos_1993@ mail. ru atty poshta jáshigi jasalady.
Eger Sizdiń logınińiz biregeı emes bolsa nemese siz ruqsat etilmeıtin qupıa sózdi engizseńiz, qate týraly habarlama shyǵady da, Sizge óz logınińizben qupıa sózińizdi qaıta engizýge týra keledi.

IV. Jańa sabaqty bekitý
- Oqýshylar búgingi ótken sabaǵymyzdy myna suraqtar arqyly jáne praktıkalyq jumyspen qorytaıyq.
1. Web - braýzer degenimiz ne?
Jaýaby: WWW (World Wide Web) – di kórýge arnalǵan qoldanba Web - braýzer dep atalady.
2. İzdestirý sıstemasy (www. google. ru) saıtyna qalaı kiremiz?
Jaýaby: Internet – jelisine qosylyp, Web - sholǵyshty iske qosamyz da, meken - jaı jolaǵyna izdestirý sıstemasynyń meken jaıyn engizemiz.
3. Praktıkalyq jumysty oqýshylar óz betimen aqparat izdeıdi.
4. Ár oqýshy ózine elektrondyq poshta ashady.
V. Oqýshylardyń bilimin baǵalaý.

VI. Úıge tapsyrma berý
Internet jahandyq jeli, aqpar izdeý, elektrondyq poshta ashý. Osy taqyryptardy qaıtalap kelińizder.
Sabaq aıaqtaldy, saý bolyńyzdar!
Bekitý paraǵy