InfoHub Logo

Túsinik hat
Jańa aqparattyq tehnologıalardyń qarqyndy damýy jáne onyń adam ómirindegi barlyq salalarǵa ekpindeı enýi nátıjesi qazirgi ómir talaby. Baǵdarlap oqytý salasynda oqýshylarǵa «Internet resýrstary» qoldanbaly kýrsyn oqytý - oqýshylardyń ári qaraı óz betimen bilim alýynda mańyzdy rol atqarady. Aqparattyq - komýnıkasıalyq tehnologıalardy paıdalana otyryp materıaldy óz betterimen tereńdete túsiný mindetin qoıady. Qazirgi tańda oqytýdy jetildirý Internet aýqymdy jelisin, aqparattyq - komýnıkasıalyq tehnologıalar múmkindikterin paıdalanýmen tyǵyz baılanysty. Bul baǵdarlama jaratylystaný - matematıkalyq baǵytyndaǵy 10 synypqa ınformatıka páninen qoldanbaly kýrsyn oqytýǵa arnalǵan. Bul kýrspen jumys jasaý arqyly oqýshylardyń logıkalyq oılaý qabiletin damytýǵa, shyǵarmashylyqpen jumys jasaýǵa baǵyttaıdy.
«Internet resýrstary» taqyrybyndaǵy kýrs oqýshylarǵa álemdik ǵalamtor jelisin paıdalanýdyń teorıalyq negizderi naqty mysaldar keltire otyryp túsindiriledi jáne praktıkalyq bilimderin qalyptastyrýǵa kóp kóńil bólingen.

Berilgen kýrs mazmuny 10 - synyp oqýshylarynyń bolashaqta kásiptik daǵdylaryn júzege asyrý maqsatynda kómegin tıgizý úshin qurastyrylǵan. Bul kýrs aptasyna 1 saǵattan jylyna 34 saǵatty quraıdy. Kýrsty oqytý oqýshylardyń óz qabiletterin tolyq kórsetý jáne ınternet resýrstaryn tıimdi paıdalanýǵa múmkindik beredi. 10 - synypta ınformatıkadan qoldanbaly kýrsty oqytýdyń baǵdarlamasy orta bilim berý júıesi aqparattandyrýdyń memlekettik baǵdarlamasynyń negizgi baǵyttaryn júzege asyrý baǵytynda jáne memlekettik jalpyǵa mindetti bilim standartyna sáıkes jasaqtaldy.
Kýrstyń negizgi maqsaty:
Bul qoldanbaly kýrs oqýshylardyń oılaý, tanymdyq jáne shyǵarmashylyq qabiletterin damytýdy, jalpy adamzattyq qundylyqty damytýdy, adamnyń dúnıetanymdyq kózqarasyna alǵyshart bolyp tabylatyn áleýmettik mańyzdy baǵdarlaryn, túrli máselelerdi sheshýde alǵan bilimin shyǵarmashylyqpen qoldaný daǵdylaryn qalyptastyrýdy kózdeıdi.
Kýrstyń negizgi mindetteri:
• oqýshylardyń aqparatty taratý jáne qoldaný;
• Internette materıaldy jarıalaý;
• dúnıejúzilik aqparattaný álemi jóninde túsinik alýǵa;
• kompúterlik tehnologıalardyń jańalyqtaryn óziniń bilimi salasynda júıeli túrde ózin - ózi damytý retinde qoldaný;
• praktıkalyq jáne baǵdardy baǵytta daıarlaý bolyp tabylady.
Kútiletin nátıje:
• Oqýshylar qabiletine qaraı memlekettik standartqa saı sapaly bilim alady.
• Problemany kóre alatyn jáne ony sheshe alatyn, barlyq aqparat túrlerimen jumys istep, alǵan bilimderin ómirde kezdesken naqty jaǵdaıda paıdalana alatyn tulǵa qalyptasady.
• osy berilgen kýrs boıynsha oqýshylar tájirıbe alyp, bolashaqta aqparattyq jáne telekomýnıkasıalyq tehnologıalardy qoldaný arqyly alǵan bilimderi men biliktilikteri praktıkalyq problemalardy sheshýge kómektesedi.

Sabaqtyń túrleri: leksıa jáne praktıkalyq sabaqtary,
Negizgi oqytý ádistemesi:
Oqý zertteý - jobalaý ádisi; jobany oryndaý problemalyq mazmundama prosesi; muǵalimniń kómegimen jobany oryndaý; oqý zertteý - jobasyn ózdiginen oryndaý;
Baqylaý formasy: praktıkalyq jumystardy oryndaý, ózindik saıt qurastyrý jobasy men shyǵarmashylyq tapsyrmalary. Ótilgen materıaldy tekserý maqsatynda ár taraýdy qorytyndylaý test túrinde beriledi.
Pánaralyq baılanys: beıneleý, matematıka, tarıh.

Oqýshylarǵa qoıylatyn talaptar:

Bilý: taraýdy tolyq meńgerip, ınternet tehnologıalardyń negizderin tolyq túsine otyryp, olarmen jumys jasaıdy. Áıgili áleýmettik jelilerdiń sıpattamalaryn, ınternet qyzmetter júıesin tereń zerttep, olardyń jumys jasaý prınsıpterin oryndaı biledi.
Úırený: Internet resýrstaryn qoldaný joldaryn, shyǵarmashylyq jumys jasaýǵa úırenedi.
Túsindirý: IP telefonıa erekshelikterin túsindirý
Qoldana bilý: Kýrstan alǵan bilim men bilikti kásibı baǵdar alýda, kúndelikti ómirde qoldana alady.

Oqý kýrsynyń bilim mazmuny:
1 - taraý: Internet – tehnologıalardyń negizderi (5 saǵat)
Internet tarıhy. Internettiń negizgi termınderi. Internettiń jumys jasaý qaǵıdalary, Internet qurylymy. Domendik ataý jáne hostıng.

2 - taraý: Elektrondyq poshta (2 saǵat)
EO - men jumys jasaý prınsıpi. Hat qurý, jiberý jáne qabyldaý.

3 - taraý: World Wide Web (9 saǵat)
WWW qurylymy men fýnksıalary. İzdeý saıttarymen jumys Saıttar túrleri. Braýzerlerdiń túrleri. Veb braýzer túrlerimen tanysý.. Kontentti basqarý júıesi. Joolma CMS - inde jumys jasaý. Derekter qurylymy. Kontent qurylymy. Joolma - da saıt qurý. Joolma - nyń qosymsha keńeıtilimderin ornatý. Mázir qurý. Drupal modýlderi. Saıttyń qyzmettik rejımi.

4 - taraý: IP telefonıa, áleýmettik jeliler (6 saǵat)
Áleýmettik jelilerdiń damý tarıhy. Áıgili áleýmettik jelilerdiń sıpattalýy. Chattar, forýmdar, lezdik hat almasý júıeleri. IP telefonıamen jumys, onyń ereksheligi. Jumys jasaý prınsıpi. Skype tehnologıasy, qyzmetteri.
5 - taraý: Internet qyzmetter (6 saǵat)
Internet qyzmetter týraly jalpy túsinik. Qashyqtyqtan oqytý múmkindigi, formalary. Internet dúkender. Internet jarnama jáne onyń túrleri. Internet radıo, teledıdar.
6 - taraý: Internet jelisi (6saǵat)
Internetke qosylý tehnologıasynyń túrleri. Symsyz baılanys. Symdyq baılanys tehnologıalary. Internetke erekshelengen jeliler boıynsha qosylý. Kabeldi ınternet. GPRS. Wi - Fi. CDMA(3G), EDGE(3G).

«Internet resýrstary» qoldanbaly kýrsyn taqyryptyq – kúntizbelik josparlaý (aptasyna 1 saǵattan, jylyna 34 saǵ.)

Pavlodar oblysy, Lebáji aýdany, Shabar aýyly
Abaı atyndaǵy jalpy orta bilim beretin mektep
Informatıka pániniń muǵalimi Tıshtenova Madına Tanatovna

Tolyq nusqasyn júkteý