InfoHub Logo

Arab tilinde «Islam» sózi boısuný, baǵyný, moıyndaý maǵynasyn bildiredi. Sharıǵatta bul sóz «Allaǵa tek oǵan ǵana ǵıbadat etip baǵyný, buıryqtaryn oryndaý arqyly boısuný jáne kópqudaıshylyqtan arylyp, onyń jaqtastaryna qarsy bolý»

Alǵashqy adam balasy bolǵan hazireti Adam (ǵ.s.) – alǵashqy paıǵambar, adamzattyń alǵashqy dini – haq din. Hazireti Adamnan hazireti Isaǵa (ǵ.s.) deıin kelgen barlyq paıǵambarlar adamdarǵa Allanyń bir ekendigin baıandaǵan jáne Allaǵa kalaı ǵıbadat etiletindigin úıretken. Biraq bul paıǵambarlar jetkizgen ıman negizderi jáne dinı qaǵıdalar ýaqyt ótken saıyn burmalanyp, túpnusqalary joıylǵan.Osyǵan baılanysty Uly Alla sońǵy paıǵambar Hazireti Muhammed (s.ǵ.s.) arqyly búkil adamzatqa sońǵy jáne eń tamasha Islam dinin jibergen. Qazirgi tańda dúnıe júzindegi shynaıy aqıqat din – Islam dini. Batyl jáne mýharraf dinderdiń Alla aldynda eshqandaı quny joq. Alla aldynda qabyldanatyn tek Islam dini.Bul shyndyq Uly Alla tarapynan Quran kárimde bylaı bildirilgen: «Alla quzyryndaǵy din tek Islam ǵana» («ál-Imran» súresi, 19-aıat); «Kimde-kim Islamnan basqa din izdese, áste odan qabyl etilmeıdi de, aqyrette zıanǵa ushyraýshylardan bolady» («ál-Imran» súresi, 85-aıat).Alla taǵala Quran kárimde bylaı baıandaıdy: «Adamdardyń qoleki istegenderiniń keıbiriniń sazaıyn tatyrý úshin qurylyqta ári teńizde buzyqtyq shyqty. Múmkin olar, baǵyttarynan qaıtar» («Rým» súresi, 41-aıat). Buǵan qaraǵanda qulshylyqpen baǵynýdan, ıaǵnı Islamnan alystaý qurlyqtaǵy jáne teńizdegi tártip pen sáıkestiktiń buzylýyna sebep bolady. Ár paıda bolatyn apat sıaqty oqıǵalar kúnáharlarǵa bul dúnıege qarasty azǵantaı bir jaza retinde berilip, olardyń kaıtadan Islamǵa oralýla-ryn kamtamasyz etetin eskertý kórinisterine toly.Paıǵambarymyz Muhammed (s.ǵ.s.) bir sózinde bylaı deıdi: «Beıkúná bir adamdy óltirý – kúlli adamzatty óltirýmen teń». Mundaı qaǵıda qasıetti Quranda da kórsetilgen. Olaı bolsa, sońǵy ýaqyttary jıi oryn alyp jatkan lańkestik áreketter, qanshama beıkúná jandy qyr-shynynan qıý – Islamǵa, Quranǵa, musylmanshylyqqa jata ma? Kerek deseńiz adam óltirý bylaı tursyn, maldy qınaýdyń ózi Islamǵa teris.

Álemde bolyp jatqan terrorlyq áreketter men Islamnyń eshqandaı baılanysy joq. Islam dini – jer betinde beıbitshilik pen tynyshtyqty ornatý úshin jiberilgen sońǵy din. Islam beıbitshilikti ýaǵyzdaıtyn din bolsa, musylman balasy sol beıbitshilikti óziniń sóıleýimen, ózgelermen qarym-qatynasymen, qysqasy árbir is-áreketimen is-júzinde kórsetýshi tulǵa bolmaq.Beline bomba baılap, ózgelerdiń janyn qıý úshin ózine de qol jumsaǵan jankeshtiler ózderin «sheıitpiz» dep esepteıdi. Sheıittik mártebe beıkúná jandardy óltirýmen keletin «ońaı» nárse emes.Islamda maqsat kandaı taza bolsa, oǵan aparatyn joldar da sondaı taza bolýy tıis. Terrorlyq áreketter arqyly eshbir másele qazirge deıin sheshilmegen. Ári budan keıin de terrorlyq is-áreketpen másele sheshilmeıdi. Barlyq lańkestik áreketter Islam úshin jasalǵan kúres emes, kerisinshe Islamǵa qarsy baǵyttalǵan kúres.Keıingi kezde Islam men terorızmniń birge aıtylýy – tyrnaq astynan kir izdeıtin Islam dushpandary úshin taptyrmaıtyn olja boldy. Sondyqtan qandaı jaǵdaıǵa dýshar bolsa da, Islamnyń, musylmanshylyqtyń atyna kir keltiretin lańkestik áreketterden musylmandar aýlaq bolýy kerek. Sebebi belgili bir jaǵdaılar, daǵdarystar men saıası oıyndar kúnde ózgeredi.

Borbasova Qarlyǵysh

---