«Bolashaq» stýdenti oqý úlgeriminiń nashar bolǵany úshin 25 mln. teńge tóleıdi
«Bolashaq» stýdenti sabaq úlgeriminiń nashar bolýyna baılanysty 25 mln teńge tóleıdi, dep habarlady Astana sotynyń baspasóz qyzmeti.
«2009 jyly Respýblıkalyq kadrlardy shetelde daıarlaý komısıasynyń sheshimine sáıkes, S.esimdi azamat «Bolashaq» halyqaralyq stıpendıasynyń ıegeri atanyp, Ulybrıtanıada «Qurylys jáne arhıtektýra» mamandyǵy boıynsha bilim alý týraly qaýly shyqty. «Halyqaralyq baǵdarlamalar ortalyǵy» AQ men stýdent arasynda bilim berýdi uıymdastyrý týraly kelisim jasaldy. Kelisimge sáıkes, jaýapkerdiń akademıalyq úlgerimi «jaqsydan» tómen bolmaýy kerek edi», - delingen habarlamada.
Sotta belgili bolǵandaı, jaýapker úlgerimi týraly bólimdegi talaptardy oryndamaı, kelisimdi buzǵan. Ol «Bolashaq» halyqaralyq stıpendıasynan aıyrylyp, shetelde bilim alýǵa jumsaǵan shyǵyndardy qaıtarýǵa mindetteldi.
Astana qalasynyń Almaty aýdandyq sotynyń sheshimimen S. esimdi azamat «Halyqaralyq baǵdarlamalar ortalyǵy» AQ-nyń paıdasyna 25 675 842 teńge aqsha tóleıdi.
Sot sheshimi zańdy kúshine endi.
You Might Also Like
-
№42 jalpy bilim beretin mekteptiń 3 «v» synyp oqýshysy Kóptileý Nurdáýlet Jetekshisi: Satambaeva Elmıra
-
Arab tilinde «Islam» sózi boısuný, baǵyný, moıyndaý maǵynasyn bildiredi. Sharıǵatta bul sóz «Allaǵa tek oǵan ǵana ǵıbadat etip baǵyný, buıryqtaryn oryndaý arqyly boısuný jáne kópqu...
