InfoHub Logo

Sabaqtyń taqyryby: Zat esim (slaıdymen)
Sabaqtyń maqsaty:
Bilimdiligi: Oqýshylarǵa zattyń atyn bildiretin sózder týraly uǵymdy meńgertý. Suraqtaryn qoıyp zattyń atyn ajyrata bilýin úıretý.
Damytýshylyq: Oqý men jazý arqyly oılaý qabletterin damytý. Shapshań oıyn qoryta alýǵa, uqypty jaza bilýge daǵdylandyrý. Sóıleý tilin damytý.
Tárbıeligi: Oqýshylardy uıymshyldyqqa, izdenimpazdyqqa, shyǵarmashylyqpen jumys isteýge tárbıeleý.
Sabaqtyń túri: aralas
Sabaqtyń ádisi: suraq - jaýap, túsindirý
Kórnekiligi: sózjumbaq, dıdaktıkalyq oıyndar.

Sabaqtyń barysy:
İ Uıymdastyrý kezeńi:
Sabaqqa daıyndyq: Kúnge qoldaryńdy sozyńdar. Kúnniń jomart sáýleleri ananyń názik alaqandaı aıalaıdy, sıpalaıdy, jylytady. Sıqyrly kún barlyq ókpe men muńdy eritip jiberedi. Júregimizdi jylý men mahabbatqa toltyrady.
Barlyǵy: Kún jaryǵyn alaqanǵa salamyn,
Júregime basyp ustaı qalamyn.
İzgi ári názik, jaryq, meıirimdi,
Bolyp keter sonda dereý jan - jaǵym.
- Mine, júregimizdegi osyndaı jylýmen sabaǵymyzdy bastaımyz.

II Úı tapsyrmasyn suraý: 6 - jattyǵý
1. Jeti, toǵyz, jıyrma, elý, myń - qandaı sóz taby?
2. Qońyr, qyshqyl, ádemi, qyzyq - qandaı sóz taby?
3. Bıledi, ósti, tazalady - qandaı sóz taby?
4. Aqqý, emen, oqýlyq, aýa - qandaı sóz taby?

İİİ Úı tapsyrmasyn pysyqtaý:
1. Zattyń qımylyn, qozǵalysyn bildiretin qaı sóz taby?
2. Zattyń synyn bildiretin qaı sóz taby?
3. Zattyń sanyn bildiretin qaı sóz taby?

IV Jańa sabaq:
a) oqýlyqtaǵy tapsyrmalarmen jumys jumys.
1 – jattyǵý sýretterge qara. Sýrettegi qustardyń atyn bilmegen jaǵdaıda, olardy bilý úshin qandaı suraq qoıasyń?
1. Bul ne? sóılemdegi suraýlyq maǵyna berip turǵan sóz qaısy?
2. Ne? suraǵyna jaýap berip turǵan sózderdi ata? Qarǵa, saýysqan, qarlyǵash
3. Kim? suraǵyna qandaı sózder jaýap bolady? Muǵalim, ushqysh, dáriger – olaı bolsa kim? ne? degen suraqqa jaýap berip, zattyń, qubylystyń atyn bildiretin sóz taby zat esim dep atalady.
á) dáptermen jumys. Kún retin jazý. Kórkem jazý.
Z z

3 – jattyǵý. Zat esimderdi jazý.
Qys, aıaz, qar, jándik, túlki, taýyq, olja.
Sergitý sáti:
4 – jattyǵý. Kóp núkteniń ornyna tıisti zat esimderdi qoıyp, kóshirip jaz.
Tórt túlik: sıyr, túıe, qoı, jylqy.
Ańdar: qasqyr, arystan, aıý, jolbarys.
Qustar: kógershin, aqqý, qarlyǵash, torǵaı.
Otbasy músheleri: ata, áje, áke, sheshe, aǵa, apa, qaryndas, sińli
Bes joldy óleń:
Zat esim: qoı
Syn esim: jýas, momyn
Etistik: mańyraıdy, ishedi, jeıdi
Sóz tirkesi: bıyl qoı jyly.
Sınonım mal
5 – jattyǵý. Aýyzsha
Túıe, jylqy, sıyr, qoı, eshki – bir sózben qalaı aıtady ekenbiz? (úı janýarlary)
Kese, qasyq, qazan, ojaý, tostaǵan – bir sózben qalaı aıtady ekenbiz? (ydys - aıaq)
Qıar, sábiz, qyzylsha, qaýyn, qarbyz – bir sózben qalaı aıtady ekenbiz? (kókónister)