قازاق بالانى «باقىتتىڭ باسى» ساناعان. سوندىقتان بالا دۇنيەگە كەلگەننەن باستاپ، ونىڭ ومىرىندەگى ءار بەلەس — شىلدەحانا، بەسىككە سالۋ، تۇساۋكەسەر، سۇندەت تويى — باتاسىز وتپەيدى.

بۇل بولىمدە جاڭا تۋعان بوبەككە، ۇل بالاعا، قىز بالاعا ارنالعان باتالار مەن سۇندەت تويىندا ايتىلاتىن تىلەكتەر جيناقتالعان.

شىلدەحانادا ايتىلاتىن تىلەك

باستالىپتى ءومىردىڭ كوشى، مىنە،
بولەيىكشى بوبەكتى بەسىگىنە.
ءسالت-داستۇرىن ۇلتىنىڭ ءبىلىپ ءوسسىن،
جىگىت بولسىن لايىقتى ەسىمىنە.
ۋىلدەيدى بەسىكتە شىركىن، ءۇمىت،
بولا المايدى بەسىكتوي بۇل كۇن ۇمىت.
تالىمىنەن قازاقتىڭ ونەگە الىپ،
ادەبى مەن ءوسسىنشى عۇرپىن ۇعىپ.
كوزىن سالسىن بەسىكتەن بۇل عالامعا،
بيىكتەر كوپ قوس قانات تالماعانعا.
ءتۇزۋ ءوسسىن تال بويى، ۇيقى قانىپ،
شارشاماسىن عالامدى شارلاعاندا.
باباسىنىڭ بەسىك بۇل تەرى سىڭگەن،
قازاق بولسىن بەسىككە بەلى تيگەن.
اق بەسىكتى اناسى تەربەتەدى،
بولىپ ءوسسىن ازامات ەلى سۇيگەن.
وڭ قولىمەن بەسىكتى تەربەت، كەلىن،
الديمەن سەزدىر ءومىر ورنەكتەرىن.
داريدى ەكەن بەسىكتەن قۇت — بەرەكە،
تىلەيىن سانالى ۇلان ەر جەتكەنىن.

جاس بالاعا باتا

بالالارعا ب ا ق قونسىن،
پەرىشتەلەر جاق بولسىن!
كىلەڭ بەستىك سىيلانسىن،
يماندىلىققا يلانسىن!
بيىكتە قالىقتاسىن،
وقۋدان جالىقپاسىن!
اۋىرىپ — سىرقاماسىن،
ۇلەستەن قۇر قالماسىن!
ونەرگە قۇشتار بولسىن،
تالانتىن ۇشتار بولسىن!
كىتاپقا قۇمار بولسىن،
حالقىنا ۇنار بولسىن!
ومىردە سىيلاس بولسىن،
وكپەگە قيماس بولسىن!
قۇدايىم قۋات بەرسىن
كوڭىلگە شۋاق بەرسىن!
قالامى جورعالاسىن،
بەستىكتى دوربالاسىن!
كۇندەي بوپ ك ۇلىمدەسىن،
سىنداردان سۇرىنبەسىن!
مۇراتتاس بولسىن — داعى،
جارقىراپ جانسىن باعى!
قۇلاشىن كەڭسەرمەسىن،
بوس ءجۇرىپ تەڭسەلمەسىن!
الىسقا كوزىن تىكسىن،
اق باتا ءسوزىمدى ۇقسىن!
ماقساتى زوردان بولسىن،
ەلىنە قورعان بولسىن!
اق ءسۇتتى اقتار بولسىن،
وتانعا ماقتان بولسىن!
ۇستازىن ۇلىقتاسىن،
وسىنى ۇمىتپاسىن!
ءاۋمين!

ۇل بالاعا باتا. فاريزا وڭعارسىنوۆا

[رەداكسيا ەسكەرتۋى: بۇل ءماتىننىڭ اۆتورى — فاريزا وڭعارسىنوۆا. اۆتورلىق قۇقىق كۇشىندە. جاريالاماس بۇرىن دەرەككوزدى كورسەتىڭىز نەمەسە قۇقىق يەسىمەن كەلىسىڭىز.]
فاريزا وڭعارسىنوۆا
قاريالارعا باتا
تۇندەرىڭ تىنىش بولسىن،
ۇيلەرىڭە ىرىس تولسىن!
كەلىندەرىڭ ەستى بولسىن،
ۇلدارىڭ سەستى بولسىن.
بالالارىڭ قۋانىش اكەلسىن،
نەمەرەلەر جۇبانىش اكەلسىن.
ورىندارىڭ ءتور بولسىن،
داستارقاندارىڭ مول بولسىن.
قاتارلارىڭ كوپ بولسىن،
ۋايىم — قايعىلارىڭ جوق بولسىن.
جاستاردىڭ قازاسىن كورمەڭدەر،
ز ۇلىمداردىڭ جالاسىن كورمەندەر!
ەلىڭدە بىرلىك بولسىن،
جاراستى تىرلىك بولسىن!
ءاۋمين!
ۇل بالاعا باتا
ءجۇسىپتىڭ ديدارىن بەرسىن،
مۇحامبەتتىڭ يمانىن بەرسىن،
جانىنا دالانىڭ كەڭدىگىن بەرسىن،
ازىرەت ءاليدىڭ ەرلىگىن بەرسىن.
ابىلايدىڭ بايراعىن بەرسىن،
باۋىرجان باتىردىڭ ايبارىن بەرسىن!
ەلىنە ىرىس — قۇت ورناسىن،
جەرىنە تىنىشتىق ورناسىن!
وسەك — اياڭنىڭ قۇربانى بولماسىن،
وزبىرلاردىڭ شۇلعاۋى بولماسىن!
الىس جولداردا،
قالىڭ ورماندا،
تايعاناق قۇزداردا،
شاتقالدا، مۇزداردا،
كولدەنەڭ كەلەر قازادان،
جازىقسىز تونگەن جازادان،
اۋليە — انبيەلەر قورعاسىن،
اتا — بابا رۋحتارى قولداسىن!
ءاۋمين!
قىز بالاعا باتا
تالداي بوي بەرسىن،
سۇڭعىلا وي بەرسىن،
جازداي جامال بەرسىن،
قارداي جانار بەرسىن!
اناعا شۋاق بولسىن،
اعاعا قۋات بولسىن،
نازىك جانى بولسىن،
ەلىنىڭ ارى بولسىن،
باسىنا ونەردىڭ باعى قونسىن،
اق وردانىڭ شامى بولسىن!
جاس جۇبايلارعا باتا
سەزىمنىڭ پاكتىگىن بەرسىن،
كوڭىلدىڭ اقتىعىن بەرسىن،
جىلۋلى وتباستارىڭا
ءسابيدىڭ شاتتىق ءۇنىن بەرسىن!
پەيىلدەرىڭ تارىلماسىن،
ەسىكتەرىڭ جابىلماسىن،
شارشاپ — شالدىققاندار
تورلەرىڭدە دامىلداسىن!
كولدەنەڭ كەسەلدەن ساقتاسىن،
كۇڭكىل وسەكتەن ساقتاسىن،
داۋ — جانجالدان ساقتاسىن،
دوستان كوڭىل قالعاننان ساقتاسىن!
شايتاننىڭ ازعىرۋىنان،
ەلدىڭ جازعىرۋىنان ساقتاسىن!
اسىپ — تاسقاننان ساقتاسىن،
الشاڭ باسقاننان ساقتاسىن!
وتاۋلارىڭ ەلگە ءسان بولسىن،
ومىرلەرىڭ بال بولسىن،
ءبيبى فاتيما انامىزدىڭ
ارۋاعى وزدەرىڭە جار بولسىن!
ءاۋمين!
جاقسى ادامنىڭ بەلگىسى –
ادالدىقتان اتتاماس،
اڭقاۋلاردى داتتاماس،
قارا باستىڭ قامى ءۇشىن
جازىقسىزدىڭ نامىسىن
بىلە تۋرا تاپتاماس،
بىلەگىنەن سەسكەنىپ
بيلىكتىنى جاقتاماس.
جاقسى ادامدار ءبىر — ءبىرىن
جابىرلەمەس، جاسقاماس،
جاۋ قولىنا تاستاماس.
ب ا ق، بيلىككە تالاسقان
ءوتتى تالاي شاقشا باس.
وندايدى ەلى ماقتاماس.
كورگەندى ەلدىڭ بىرلىگى
وشاعىنان باستالار،
سىيلاس، سىرباز تىرلىگى
قوساعىنان باستالار.
تاتۋ بولسا اعايىن
جاۋلارى دا جاسقانار.
بىرلىگى جوق سارايىڭ –
ءقۇر انشەيىن تاس قامال.
اقىلدىنىڭ بەلگىسى –
جاس تا بولسا، باس بولار
اقىلسىزدىڭ بەلگىسى –
قارنى تويسا، ماستانار.
تاتۋ — ءتاتتى جۇرگەنگە
قارا سۋ دا اس بولار.
جاقسى ازامات — ەلىنىڭ
كوزىن اشار كۇرەگى،
ارتىپ ءۇمىت سەنىمىن
سۇيەنەتىن تىرەگى،
جارقىلداعان جىگەرى،
التىن بالاق تۇلەگى.
قولدار ونداي جىگىتتى
ەل — جۇرتىنىڭ تىلەگى.

سۇندەتكە وتىرعان بالاعا باتا

قول جايىڭدار حالايىق، سۇندەتكە ارناپ،
قۇداي ق ۇلى مۇحاممەد ۇمبەتكە ارناپ.
قىرىق پارىزدىڭ بىرەۋى وسى دەيدى،
يسلامدا اتقارار مىندەتكە ارناپ.
ايىڭ جارىق، كۇندەرىڭ اشىق بولسىن،
پالە-جالا قىرىق كەز قاشىق بولسىن.
جۇرەگىنە ىزگىلىك نۇر قۇيىلىپ،
ومىرىنە جەتەتىن ءناسىپ بولسىن!
اق باتا ءارقاشاندا ورىندالعان،
اشىق قىلسىن جار بولىپ جولىڭدى اللام
عايىپ ەرەن، قىرىق شىلتەن قورعاپ ءجۇرسىن،
ازامات بول قىدىر اتا قولىڭدى العان.
ءاۋمين!

ۇل بالاعا باتا

ءبىر ءۇيدىڭ بالاسى بولما،
بۇكىل ەلدىڭ ساناسى بول!
ءبىر ەلدىڭ بالاسى بولما،
بار ەلدىڭ داناسى بول!
ءبىر توننىڭ جاعاسى بولما،
كوپ قولدىڭ اعاسى بول!
اقتى اق دەپ باعالا،
قارانى قارا دەپ قارالا!
وزەگىڭ تالسا، ەل ءىشىن ارالا،
باسىڭا ءىس تۇسسە، كوپشىلىكتى ساعالا!
ءوزىڭ — ءوزىڭ كامىل بول،
حالقىڭا ءادىل بول!
جاۋىڭا قاتال بول،
دوسىڭا ادال بول!
ءاۋمين!

قىز بالاعا بەرىلەتىن باتا

تالداي بوي بەرسىن،
سۇڭعىلا وي بەرسىن.
جازداي جامال بەرسىن،
ناركەس جانار بەرسىن!
اناعا شۋاق بولسىن،
اعاعا قۋات بولسىن،
نازىك جانى بولسىن،
ەلىنىڭ ارى بولسىن،
باسىنا ونەردىڭ باعى قونسىن،
اق وردانىڭ شامى بولسىن!
ءاۋمين!

جاس بالاعا باتا

اسان قايعى باباداي سانالى بول،
عارىپتە ءاز جانىبەكتەي پانالى بول.

كەرەيدە داستەم سالداي باعالى بول،
اتاقتى كەلدەن بيدەي سانالى بول.

ەر داۋلەندەي حالقىڭنىڭ باتىرى بول،
ماحامبەتتەي جۇرتىڭنىڭ اقىنى بول.

داۋ — جانجال بولدىرماسقا ات سالىسقان
قارامەندە شەشەندەي ماقۇلدى بول.

مارالداي كوپكە ءتيسىن شاراپاتىڭ،
شوڭكەدەي ارتا بەرسىن سالتاناتىڭ.

جەتىم — جەسىر جارلىعا پانا بولعان،
جولانداي ەلگە ءتيسىن شاپاعاتىڭ.

توبىقتى انەت بيدەي باتالى بول،
كىشى ءجۇز ايتەكەدەي اتالى بول.

بەكەردەي قامقا كيگەن وقالاتىپ،
ەمەنالى جاباداي وپالى بول.

بالتادا يتىكەدەي قارۋلى بول،
قانجىعالى جانتايداي ازۋلى بول،
كىشى ارعىن جانىبەكتەي ەر اتانىپ،
ولەڭدە، داستاندا دا جازۋلى بول.

قازىبەكتەي حالقىڭىنىڭ داناسى بول،
قاراباستاي جۇرتىڭنىڭ بالاسى بول.

ەلىڭ قورعاپ، دۇشپانعا سوققى بەرگەن،
ءۇش ءجۇزدىڭ بوگەنبايداي پاناسى بول.

قازاقتا ءاز تاۋكەدەي تاقتى بول،
كەرەيدە ەسەنەيدەي باقىتتى بول.

توپ بولساق قوبىز تارتىپ، ولەڭ ايتىپ،
ءان شىرقاپ سالقاراداي شابىتتى بول.

ءۇش ءجۇزدىڭ ابىلاداي تىلەگى بول،
مارابايداي اقىنى – جۇرەگى بول،
تورە، بيگە تىزگىنىن بەرمەي وتكەن،
نايماندا بارلىبايداي سالماقتى بول.

سۇيىندىك ولجابايداي كەلبەتتى بول،
ءتاتتىقارا جىراۋداي زەينەتتى بول،
سىبان شونداي ەلىنىڭ سەن ۇيشىسى،
تاتتىمبەتتەي حالقىڭنىڭ كۇيشىسى بول.

بەلگىباي، كۇلەكەيدەي بىلەكتى بول،
بەرىشتە يساتايداي جۇرەكتى بول.

حالقىڭنىڭ قامىن جەگەن ەرتەلى — كەش،
قاراۋىل قاناي بيدەي تىلەكتى بول.

توقسان بيدەي كوپ جاسا، جۇزگە كەلشى،
ءزىلقاراداي مال — باسىڭ ءوسىپ — ءونىپ،
كەتپەس بايلىق، تاۋسىلماس قارجىلى ەتەر،
تۇسىندە كونەك بەرسىن قىدىر كەلىپ.

جىراۋدىڭ بۇقار سىندى ورەنى بول.

الدى — ارتىن ويلاپ كەلىپ، پىشەتۇعىن
ادامنىڭ قارابيدەي زەرەگى بول.

كوشەبەدە تابەيدەي بەدەلدى بول،
سۇيىندىكتە كوشەتاي ونەرلى بول.

كىشى ارعىندا جاناقتاي جاۋىرىندى،
ۇمبەتەدەي جىرعا باي، كەمەلدى بول.

ناشانداي قان — مايداندا ايباتتى بول،
ەر اسحاتتاي شايقاستا قايراتتى بول.

قابانبايداي جىگىتتىڭ بەرەنى بول،
سارداردىڭ ەر تارعىنداي ەرەنى بول،
ەر سارى مەن بايانداي اۋلەتتى بول،
ەدىگە بي باباڭداي ساۋلەتتى بول.

عاسكەرى ات، تۇيەمەن جابدىقتالعان،
كەرەيدە تۇرىپبەردىدەي داۋلەتتى بول.

ورىنبايداي ەلىڭنىڭ شەشەنى بول،
ەر سىرىمداي حالقىڭنىڭ كوسەمى بول.

كوشەبەدە مايلى بيدەي تىم كورەگەن،
داۋلى ىستە سوزگە ۇستا، كوشەلى بول.

كىشى ارعىن شوقاي بيدەي الىمدى بول،
اتىعاي شال اقىنداي شالىمدى بول.

شەكتىدە ارىستانداي بيازى بول،
تاۋزاردا جانكىسىدەي دارىندى بول.

قۇرسارى الديبەكتەي شەشىمدى بول،
اشامايلى تىلەشىدەي كەسىمدى بول.

قۇيسا تولماي، تولعاندا اسپايتۇعىن،
جاڭبىرشى مالدىبايداي ەسىمدى بول.

كورسەتكەن بۇقاراعا ۇلگىلى جول،
تولىباي سىنشىدايىن جولباسشى بول.

جاۋلارعا قارسى شىعىپ، باستايتىن قول،
كەرەيدە اقپانبەتتەي قولباسشى بول.

ۇلى ءجۇز تولەبيدەي ايلالى بول،
كىشى ارعىن بوگەنبايداي پايدالى بول.

قيىن — قىستاۋ كەزىندە قورشاۋ بۇزعان،
تاراقتى بايقوزىداي ايبارلى بول.

كەرەيدە تۇرلىبەكتەي تاباندى بول،
شاۋكەردە بايدالىداي امالدى بول.

قينالعاندا ەرلەرگە قايرات بەرگەن،
مالايسارى باتىرداي جايدارلى بول.

تولە بي باباڭداي زەينەتتى بول،
تامادا ەر ەسەتتەي كەلبەتتى بول.

بيكەدە ماناقاداي اياۋلى بول،
ماۋەلى بايتەرەكتەي سايالى بول.

تىلىنە ءعازازىلدىڭ ەرمەيتىن بول،
دۇشپانعا تىزگىنىڭدى بەرمەيتىن بول.

ونەرگە وسە كەلە قۇشتارلانىپ،
قياعا قۇلاشىڭدى سەرمەيتىن بول!

ءاۋمين!
ەل ءۇمىتىن اقتاپ ءوس،
اتا سالتىن ساقتاپ ءوس.
توقا تۇسكەن ساتتەردە،
بەرمەيتىن بول جاتقا دەس.
ەلدىڭ ۇلى بول،
ورتاڭنىڭ گ ۇلى بول.
ماقتان تۇتار اعايىن،
جاقسىلاردىڭ ءبىرى بول.
ءاۋمين!
جورتقاندا بالام، جولىڭ بولسىن،
كەۋدەڭدە وشپەس سەنىم بولسىن.
قالتاڭ ءدىلداعا تولسىن،
ءبىر تولماسىن، جىلدا تولسىن.
سويلەگەندە شەشەن بول،
توپقا تۇسسەڭ كوسەم بول.
الىپ جىعار الىمدى بول،
شالىپ شىعار شالىمدى بول.
قاتارىڭنان وزار، ەرەن بول،
جاس كەزىندە تەرەڭ بول!
سىناي قالسا، قۇلاق سال،
ماقتاي قالسا – كەرەڭ بول!
ءاۋمين!

دۇنيەگە ءسابيدىڭ كەلۋىنە قۇتتىقتاۋ – تىلەك

قازاقتا «بالالى ءۇي – بازار، بالاسىز ءۇي – قۋ مازار» دەگەن ءسوز بار.
دۇنيەگە ءسابيدىڭ كەلۋى — ءومىردىڭ ءبىر عانيبەت – عاجابى دەۋگە بولادى.
دوستىم، سەنى اكە بولۋىڭمەن، ال جارىڭدى انا بولۋىمەن قۇتتىقتايمىز.
سەندەردىڭ شاڭىراقتارىڭدى قۋانىشقا بولەگەن دۇنيەگە كەلگەن ءسابيدىڭ باۋى
بەرىك بولسىن، ءومىر جاسى ۇزاق بولسىن. تەزىرەك ەر جەتىپ، سەندەردىڭ
قولقاناتتارىڭا اينالسىن. ارتىنان ءىنى — قارىنداستارىن ەرتە بەرسىن!
ەندەشە وسى كىشكەنتاي ءومىردىڭ جالعاسى جانە ونى دۇنيەگە كەلتىرگەن اتا —
اناسى ءۇشىن!
ۇلى عۇلامالار «ءاربىر ادام دۇنيەگە كەلگەندە اسپاندا جاڭا ءبىر جۇلدىز
جانادى» دەپ ايتقان ەكەن.
مىنە، ءدال ءقازىر تۇنگى اسپانعا نۇرىن شاشىپ تۇراتىن جۇلدىزداردىڭ سانى
بىرەۋگە كوبەيدى. جارىق دۇنيە ەسىگىن جاڭا اشقان مىناۋ پەرىشتەمىز دە سول
جۇلدىزداي جارقىراپ ورتامىزعا قۋانىش الىپ كەلدى.
ومىرگە كەلگەن سابيىمىزگە اللا تاعالام مىقتى دەنساۋلىق، باقىت، ۇزاق ءومىر
بەرسىن. امان — ەسەن ەر جەتىپ، ەلىنىڭ ايتۋلى ازاماتى بولسىن!
تىلەرىم ەندى مەنىڭ جالعىزىما،
سالەم بەرمەي وسىرگەن حان قىزىنا.
نەمەرەمدى يىسكەپ كەتسەم، شىركىن،
ارمانىم جوق دۇنيە بازارىندا.
قىز بولسا:
كىشكەنتاي قىزىمىزعا ومىردەگى بار جاقسىلىقتى تىلەيمىز. ءاردايىم كوز
قۋانىشىمىز بولىپ، امان – ەسەن ورتامىزدا جازداي جادىراپ، گۇلدەي قۇلپىرىپ
جۇرە بەرسىن. ەڭ باستىسى، قازاقتىڭ قىزى دەپ اتقا لايىق بولسىن.
«كيىمگە جاماۋ تۇسسە دە، كوڭىلگە جاماۋ تۇسپەسىن» دەگەن. ەندەشە، ۇنەمى
كوڭىلى جاقسىلىقتان جادىراسىن.
كوك اسپانداعى جۇلدىزدارعا جاڭا ءبىر جۇلدىز، جەردەگى ادامزات قاتارىنا تاعى
ءبىر ادام قوسىلدى. ومىرگە شەكەسى تورسىقتاي ءسابي كەلدى!
بەيبىت ەلدىڭ اق كوگەرشىنى بولىپ دۇنيە ەسىگىن اشقان ءسابيىمىزدىڭ باۋى
بەرىك بولسىن!
ماڭدايى جارقىراعان ۇل بولىپ ەر جەتىپ، اتا — اناسىنىڭ عانا ەمەس، بۇكىل
ەلىنىڭ ماقتانىش ەتەر ازاماتىنا اينالسىن!
قۋانىش قۇتتى بولسىن، ۇزاعىنان ءسۇيىندىرسىن!
ءاربىر باسقان قادامى وڭعارىلىپ، قىدىر اتا قولداپ ءجۇرسىن.

بوبەككە تىلەك

سەنىمەنەن اتاڭ — اجەڭ نارلەندى،
ءار قىلىعىڭ انا جۇزگە ءار بەردى.
سەن ارقىلى بەسىك جاقتان اكەڭنىڭ
قۇلاعىنا شىرىلداعان ءان كەلدى.
ادەمى ءان ەدى، ءبارى بىرگە تىڭدادى،
قۋانىستى، جۇرەك شات بوپ جىرلادى.
سەنىڭ ءانىڭ ال اناڭنىڭ تالاي ءتۇن
تىنىشتىعىن ءتورت بولگىزىپ ۇرلادى.
اناڭ ءار كەز سەنى جاقسى كورەتىن،
الديىمەن ساعان ءان ساپ بەرەتىن.
قاز — قاز تۇردى سوسىن ونىڭ بوبەگى
بەسىگىندە ءتۇن ۇيقىسىن بولەتىن.
بارلىعى دا سەنى كوردى، سەنى ۇقتى،
ويتكەنى ولار بولاشاققا سەنىپتى.
مىنە، سەنىڭ شاتتىعىڭنىڭ ءبىرى بوپ
كۇنتىزبەدە تۋعان كۇنىڭ كەلىپتى.
قۋانىپ ءجۇر ەندى سوعان بارلىعى،
جاقسى ءسوزدى ايتپاق ساعان ال ءبىرى.
ال ونسىز دا ساعان تىلەپ جاقسىلىق
بارلىعىنىڭ وتپەۋشى مە ەدى ءار كۇنى.
سەنىڭ ءۇنىڭ بوپ ەستىلىپ كوركەم ءۇن،
تاۋسىلماسىن سولار ايتار ەرتەگىڭ.
بولاشاعىڭ جارىق، نۇرلى بولسىن دا،
ەرتەگى بوپ كەلسىن تاعى ەرتەڭىڭ.
سەنىڭ ءۇنىڭ كۇللى الەمدى قاراتسىن،
جولىڭا ءار كەز جاقسىلىقتى جولاتسىن.
كەلەشەكتىڭ سوقپاعىنان ساۋلەلى
سەنىڭ ءسابي جانىڭداي اق تاڭ اتسىن.
ءاربىر كۇنىڭ قۋانىشپەن تۇرلەنسىن،
ازاماتتىق كۇندى تويلار كۇن كەلسىن.
سونى تىلەر بارلىق جۇرەك، ويتكەنى
سەن سولارعا شاتتىق بولىپ سىڭگەنسىڭ.
سەنىڭ ءسابي ءۇنىڭ بولىپ تاعىلىم،
جۇرەگىندە قالىپ قويعان ءبارىنىڭ.
ەرتەڭىڭە ەسىك قاعار ءار كۇندە
بيىك بولسىن تالابىڭ مەن تانىمىڭ.
اۆتورى:
عابيدەن قوجاحمەت،

ءجيى قويىلاتىن سۇراقتار

شىلدەحانادا قانداي باتا بەرىلەدى؟

شىلدەحانادا نارەستەنىڭ امان-ەسەن ءوسۋى، اتا-اناسىنىڭ قىزىعىن كورۋى جانە شاڭىراقتىڭ بەرەكەسى تىلەنەدى.

سۇندەت تويىندا باتا كىم بەرەدى؟

سۇندەت تويىندا باتا بالاعا ات قويعان كىسى، اتاسى نەمەسە شاقىرىلعان اقساقال بەرەدى.

ۇل مەن قىزعا بەرىلەتىن باتا بىردەي مە؟

مازمۇنى ءارتۇرلى. ۇلعا ەرلىك، ەل قورعاۋ، اكە جولىن قۋۋ تىلەنسە، قىزعا ىزەتتىلىك، اق جول، باقىتتى شاڭىراق تىلەنەدى.

ۇقساس بولىمدەر