ءبىزدىڭ ماقسات نەدە؟
سەركە – كوسەم. بوراندى كۇندە ادۋىن كۇشكە توتەپ بەرگەن ءتول باسشى. قازاق كوگىندە ءبىر-اق رەت جارق ەتتى. شوقتىعى بيىك جۇلدىز ەدى. ونسىز ءبىزدىڭ اسپان سۇڭقيىپ قالعانداي. زامانا ءوتتى. ەسكە الىپ، ەسىركەيتىن ءسات جەتكەندەي. جوق، الدە سىر ساندىعىن اقتاراتىن كەز بە؟ اراسىن الىستاتپاي-اق، ەكەۋىن دە قوزعاساق جارار. كورەر كوز، وقىر جان بولسا...
تاعدىردىڭ تارپاڭ جولىنا تۇسكەن ەسىل ەر. ءدۇمپۋ تۋدىرعان دۇنيە. بۇل تۇزۋلەر «ويان، قازاق» اتتى ورتاق نۇكتەدە قيىلىسسا، سەركەنىڭ بىرەر كۇندىك عۇمىرىن بايانداۋعا شاق كەلەر. پاتشا اعزامدى تۇيرەسەڭ، تۇيىنىندە ءوزىڭ جاپا شەگەسىڭ. گازەتتىڭ اقتىق دەمى «ءبىزدىڭ ماقساتپەن» ۇزىلسە كەرەك-تى. ناقتىراق، ءمىرجاقىپ دۋلات ۇلىنىڭ مۇراتىمەن. ال ول نەنى كوكسەدى؟ حالىقتىڭ كەم-كەتىگىن بۇتىندەۋدى. تىم بولماسا، بارىنان ايىرماۋدى. «قازاعىم مەنىڭ، ەلىم مەنىڭ»،-دەپ ءۇن سالدى. رەسەيگە ءتاۋ ەتە «ءتاۋبا» قىلعان تاۋەلدىلىكتى مەڭزەدى. وتار ەكەنىمىزدى قۇقىق جوقتىعىمەن ايعاقتادى. مۇنىڭ ءبارى ىزا مەن كەككە سەپتەۋدەي.
بۇگىن دە ۇكىمەت تاراپىنان قارجىنىڭ «قايدا؟»، «نەگە؟» جۇمسالعانىن ءبىلىپ بولمايسىڭ. باعزى زاماندا شە؟ ءمىرجاقىپ اتا، ءبىلىپ ايتقان. ەش قاجەتسىز دۇنيەگە شىعىندالعان بيلىك وكىلدەرىنىڭ قالىڭ بۇقاراعا كومەك قولىن سوزۋى ەكىتالاي. وزىندەي باس كوتەرەرلەر پەتەربۋرعا اتتانسا، مينيسترلىكتەردەن ءجونى ءتۇزۋ جاۋاپ المايتىنى تاعى بار. مينيسترلەر تاعايىنداعان قىزمەتشىلەردىڭ دە ماقسۇتى باسقا. قازاق ساحاراسىنىڭ تورىندە تايراڭداۋ. باياعىنىڭ ۋريادنيگى مەن ستراجنيگى قازىرگى اكىمدەردىڭ كەسكىنىنە سايادى. كورەگەندىك ەمەي، نە؟!
مال-مۇلىك ءتىرىنى تىرنەكتەتسە، رۋحاني ءومىر اياسى ايالاي تۇسەدى. مۇنى شەكتەگەن چينوۆنيكتەردى قايپەكسىڭ؟ اۋزىنان جىرىپ اسىن الدى. كوندىك. ەڭ اسىلىن ءدىنىن تىيدى. تىنشىمادىق. ءبىز تاقىر كەدەيلىكتەن ۇركەكتەمەدىك. وزدىك بولمىستان اجىراۋدان شوشىندىق. اقىرى، ارەڭ-مارەڭ دەگەندە بوستاندىققا جەتتىك. قانداي قۇنمەن؟ جۇرەككە قادالعان تىكەنمەن...
شۇڭىرەك كوز مۇجىقتاردىڭ جەر اۋدارۋى احۋالدى شيەلەنىستىردى. تىرشىلىگىمىز تۇرالاپ قالدى. سوندا رەسەي قۇرساعىنىڭ تار بولعانى ما؟ جوق، ول پرەزەنتتەرىن شەتقاقپايلاتپاس. كەرىسىنشە، شەتكە ىسىراتىن باي-شونجار تابىلار. جەرىمدى بەرمەيمىن. الايدا، قازاقتان ۇلەسىڭ تيەدى. بۇندايدا «قىزىل جەبە»-دەگى: «ءبولىپ ال دا، بيلەي بەر»،ء-ۇزىندىسى ەرىكسىز ويعا ورالادى. ءجا، بۇل بولەك جايت. بۇگىن شە؟ قازاقستانعا وزگە ۇلتتىڭ كوپتەپ اعىلۋى كەزدەيسوقتىق پا. نەگە قانى قازاق، جانى قازاق قانداستار قايتپايدى؟...
قاراپ تۇرساڭ كەم دۇنيە بىتپەيدى. بۇتىندىگىنە بىرلىك جەتىسپەيدى. جۇمىلعان جۇدىرىق بولماساڭ دا، شاشىراما قازاعىم!
اعىبايەۆا ارۋجان وراز قىزى
You Might Also Like
-
ق ر ءبىلىم جانە عىلىم مينيسترلىگى «قارجى ورتالىعى» اق باسقارما ءتوراعاسى اسقار يبرايموۆ جان باسىنا شاققانداعى نورماتيۆتىك قارجىلاندىرۋ اياسىندا جەكەمەنشىك مەكتەپتەردى سالۋعا قاتىستى تۇسىنىك...
-
شوقان ۋاليحانوۆتى كوبىمىز قازاقتىڭ كورنەكتى عالىمى، گەوگراف، تاريحشى جانە دەموكرات اعارتۋشى رەتىندە بىلەمىز. ءبىراق شىنىمدى ايتسام، پۋبليسيست ەكەنىن دە بىلمەپپىن. قاعاز بەتىنە تۇسىرگەن نەبىر قۇندى م...
