مەن تاڭداعان ماماندىق
ماماندىقتى دۇرىس تاڭداۋ - ءومىر جولىنىڭ ساتتىلىگىنىڭ نەگىزى.
ە. ف. زەەر
ماماندىق - ءاربىر ادامنىڭ ءسۇيىپ جاسايتىن كاسىبى. ماماندىق تاڭداۋ ومىرىڭدەگى ەڭ ماڭىزدى شەشىمدى قابىلداۋ. ومىردە باسقا نارسەدەن قاتەلەسسەك تە ماماندىق تاڭداۋدان قاتەلەسپەۋىمىز كەرەك. سەبەبى ماماندىق تاڭداۋ ارقىلى ءبىز ءوز بولاشاعىمىزدى جاسايمىز. بولاشاعىمىزدىڭ جارقىن، كەلەشەگىمىزدىڭ كەمەل بولۋى ءبىزدىڭ تاڭداۋىمىزعا بايلانىستى. ماماندىقتى دۇرىس تاڭداۋ ءومىرىڭىزدىڭ ءبىر كىرپىشىن دۇرىس قالاۋ. مەنىڭ ويىمشا ءاربىر ادام ءوز جۇرەگى قالايتىن، قىزىعۋشىلىعىن ارتتىراتىن ماماندىقتى تاڭداۋ كەرەك. ءوزىڭ ءسۇيىپ جاسامايتىن ماماندىقتى ءتاڭداۋ-ومىردىڭ قيىنشىلىعىن تاڭداعانمەن تەڭ. ءجاسوسپىرىم شاقتان ۇلكەن ومىرگە اياق باسقالى تۇرعان جاس شاعىمىزداعى ەڭ ۇلكەن مىندەت-ماماندىق تاڭداۋ.
مەن تاڭداعان ءماماندىق-ار بالانىڭ بولاشاعىنا جول سىلتەپ، بويىنا اقىل مەن ءبىلىم دارىتاتىن، قاراتاۋدىڭ قويناۋىنداي تەرەڭدە جاتقان كەندى اشىپ، ءبىلىم مەن عىلىم جەمىسىنىڭ ءدامىن تاتتىراتىن ۇستاز ماماندىعى. ۇلاعاتتى ۇستاز بولۋ، جاس ۇرپاقتى ءبىلىم نارىمەن سۋسىنداتۋ، ءوز بىلگەنىمدى وزگەگە ۇيرەتۋ ول مەنىڭ جۇرەك قالاۋىم. ەل قورعاعان باتىردى، اقىل ويى تەرەڭ دانىشپاندا، ون ساۋساعىنان ونەر تامعان شەبەر دە، تىلىنەن بال تامعان اقىندا ۇستازدان تاربيە الادى. مەن دە قازاقستاندى دامىتاتىن اقىلىنا كوركى ساي ەرتەڭگى ەلدى بولاشاعى بولاتىن جاس مامانداردى دايارلاپ شىعارىپ، ولارعا ءبىلىم بەرگىم كەلەدى. ماماندىق تاڭداۋدىڭ
ماڭىزدى تالاپتارىنىڭ ءبىرى - سەن تاڭداعان ماماندىقتىڭ قوعامعا قاجەتتىلىگى. مەن اعىلشىن ءتىلى پانىنەن ۇستاز بولعىم كەلەدى. بۇل ماماندىق قازىرگى تاڭدا قوعامعا وتە قاجەت. ءبىز ءومىر ءسۇرىپ جاتىرعان وركەنيەتتى قوعام كۇن ساناپ دامۋدا. وسى زامان اعىسىنان قالىس قالماۋ ءۇشىن ءتىل بىلگەن دۇرىس. سول ءتىل ارقىلى وزگە ەلدەرمەن بايلانىس جاساپ، سول جاقتان ۇيرەنگەن بىلىكتىلىگىڭدى ءوز ەلىڭ ءۇشىن قولداناسىڭ. بار الەم دامىپ جاتقان دا سەندە بىرگە دامۋىڭ كەرەك. ال مەن قازاق بالالارىنىڭ زاماننىڭ دامۋ كوشىنەن قالىس قالعانىن قالامايمىن.مەن تاڭداعان ماماندىقتىڭ ماڭىزدىلىعى وسىندا. قاي كەزدە بولماسىن ۇلاعاتتى ۇستازداردىڭ قوعامداعى ورنى ەرەكشە. قازىرگى تاڭدا ۆيرتۋالدى ۇستاز ماماندىعى پايدا بولعان. بۇل ماماندىق بولاشاقتىڭ 10 ماماندىعى تىزىمىندە بار. زامانعا قاجەتتى، وزىمە ۇنايتىن بۇل ماماندىقتى تاڭداعانىما وكىنبەيمىن دەپ ويلايمىن. ءوز قىزىعۋشىلىقتارىم مەن يكەمدىلىگىمدى باعامداي وتىرىپ وسى ماماندىقتى تاڭدادىم. مەن تاڭداعان ماماندىق مەنىڭ جارقىن بولاشاعىم بولارىنا ءسوزسىز سەنىمدىمىن.
ارۋجان قۋانىش
You Might Also Like
-
جەلتوبەنىڭ ەتەگىندەگى اۋىلعا ەندى جاقىنداي بەرگەندە بارىپ بايقادى — باتار كۇن قۇلاقتانىپ تۇر ەكەن. تاياق جەگەن قاتىننىڭ كوزىندەي تالاۋراپ الىپتى. شاشىپ تۇرعان ساۋلەسى دە اق تەڭبىل، كوك تەڭبىل،...
