سىرىمنىڭ ايەلگە قامقورلىعى (IV نۇسقا)
كىشى ءجۇزدىڭ ورتا جۇزگە بەرگەن ءبىر قىزى بار ەكەن. ورتا جۇزگە بارعان كىشى ءجۇزدىڭ جىگىتتەرىنەن ءبىر كۇنى قىز كويلەگىنىڭ ۇشكىلىن بەرىپ جىبەرىپتى. «وزدەرى بىلەر»، — دەپ. ءبىراق تا كىشى ءجۇزدىڭ كوپ كىسىلەرى شەشە الماي الدار بيگە بارىپتى. الدار بي كويلەكتىڭ ۇشكىلىن كورىپ:
— ءبىزدىڭ ورتا جۇزدە ءبىر قىز بار ەكەن، بەينەت كورىپ ءجۇرمىن، الىپ كەتىڭىز دەگەنى بولار، — دەپتى. تانىمايتىن قىزدى الىپ كەلۋگە سىرىمدى جىبەرەدى. سىرىم كەلىپ سول ەلدىڭ موڭكە بي دەگەننىڭ ۇيىنە كەلەدى. قىزدىڭ ءاتى-جونىن بىلمەگەسىن موڭكە بي سىرىمنىڭ قاسىنا ءبارى بىردەي كيىنگەن قىرىق جىگىت، قىرىق ءبىرىنشى سىرىم قىلىپ ەرتىپ جىبەرىپتى جانە سول اۋىلدان قىرىق ءبىرىنشى قىز كيىنىپتى، سوسىن بارلىعىن كەزدەستىرىپتى.
سىرىم قىزدىڭ بىرەۋىمەن قۇشاقتاسىپ جىلاي كەتەدى. سول قىز ىزدەپ كەلگەن قىزى بولىپ شىعادى. موڭكە بي سىرىمعا:
— قالاي تانىدىڭ؟ — دەپتى.
— قىرىق قىز تويدان قايتقان كىسىلەرشە كۇلىپ-ويناپ كەلە جاتىر ەكەن، مەنىڭ قارىنداسىمنىڭ ءوڭى ولارعا تارتپاعان، سىنىق ەكەن، — دەپتى. سوندا موڭكە بي سىرىمعا: جاسىڭنان قارا داۋعا اۋەس بولعان ەكەنسىڭ، ءسىرا جانىڭ ۇزاق بولماس ەكەن، — دەپتى.
وقۋعا كەڭەس بەرەمىز:
جىلقىنىڭ تورىسى كوپ پە، توبەلى كوپ پە؟ (ءى نۇسقا)
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
