تۋعان كۇنگە تىلەكتەر: 18، 25، 40، 50، 70 جاسقا ارنالعان باتا-تىلەك

تۋعان كۇن — ادامنىڭ ءومىر جولىنداعى بەلەستى سارالايتىن كۇن. قازاقتا تۋعان كۇنگە ايتىلاتىن تىلەك جاسقا قاراي وزگەرەدى: جاسوسپىرىمگە ارمان مەن ءبىلىم، ورتاجاسارعا تۇراقتىلىق پەن بەرەكە، اقساقالعا دەنساۋلىق پەن ۇرپاق قىزىعى تىلەنەدى.

بۇل بولىمدە تۋعان كۇنگە ارنالعان تىلەكتەردى جاس مولشەرى بويىنشا توپتاستىردىق: 18، 25، 40، 50، 70 جاس. سونىمەن قاتار قۇربىعا، ارىپتەسكە ارنالعان قۇتتىقتاۋلار جانە مەرەكەدە وينايتىن ويىن تۇرلەرى بەرىلگەن.

25 جاسقا تىلەك

مۇرات دوسىم، 25 جاسقا تولعان كۇنىڭ قۇتتى بولسىن.
ساعان زور دەنساۋلىق، مول باقىت، ۇزاق عۇمىر، وتباسىڭا اماندىق پەن باقىت،
شاڭىراعىڭا شاتتىق پەن مەرەكە، داستارحانىڭا بەرەكە تىلەيمىن!
جاسىڭا جاس قوسىلىپ، ەڭبەگىڭنىڭ جەمىسىن كورىپ، وتباسىڭنىڭ تىرەگى،
باۋىرلارىڭنىڭ اقىلشىسى بولىپ، ءاردايىم سىيلى ورتادا مارتەبەڭىز بيىكتەي
بەرسىن!
تىلەيمىن باقىتتى ءومىر اشىق اسپان،
جالعاندا تىلەك بار ما ودان اسقان.
امان بوپ جانۇياڭ مەن باۋىرلارىڭ،
جالعانسىن اق تاڭدارىن نۇرىن شاشقان!
كەلگەندەي جاز ورالىپ، كۇزدەر ءوتىپ،
كەلمەيسىڭ نەگە، جاستىق، جۇزدەن ءوتىپ؟
كىم ساعان، و جيىرما بەس، ناز ايتپادى،
«تاپتىڭ»،- دەپ،- نە مارحابات بىزدەن ءوتىپ؟!».
بىلمەيمىن، تاپتىڭ با سەن، تاپپادىڭ با،
كوپ بولدى جۇرمەگەلى قاپتالىما.
«قوش» ايتىپ اقىرعى رەت قالىپ ەدىڭ
ءبىر ءتۇنى بىزگە ءمالىم قاقپا الدىندا....
مەن سەنى سونان سوڭ دا ىزدەپ ەدىم،
الديلەپ ءۇمىتىمدى ۇزبەگەنمىن.
ءبىر بارىپ سول ءبىر جازعى قاقپا الدىندا...
سەزگەن سوڭ، كەتىپ قالدىم، كۇزدىڭ دەمىن...
سوندا دا وكىنبەس ەم ءوز باسىما،
كىم كەپىل وزگەدەن دە وزباسىڭا؟
تالايعا جەتكىزبەي دە كەتىپ ءجۇرسىڭ،
جيىرما بەس، ءبىر تۇنەتپەي ءوز قاسىڭا!
نەگە سەن كارىگە دە، جاسقا دا ارمان،
بولسا دا جولداسىڭ جوق تاستاماعان؟
الدە ءبىر كوزدىڭ عانا قۇرتى ما ەدىڭ،
وتكىنشى ءومىرى بار باستا جالعان؟
جيىرما بەس، ءجونىڭ بولسا ورالاتىن،
ازىرگە ارامىزعا جول دا جاقىن.
كارى جار – جاس جۇبايىن ارداقتاعىش،
ويلاما ءقادىرسىز دەپ قولداعى التىن.
بايانسىز بالا ەمەسپىن مەن كەشەگى،
كەلشى، كەل، ماپەلەيىن مەن دە سەنى.
جۇرسەك تە جاقسى ءومىردى بىرگە جاساپ،
جاستىقتىڭ وتى ماڭگى سونبەس ەدى.
25 جاسقا تىلەك، 25 مۇشەل جاسقا ارنالعان تىلەك، تۋعان كۇنگە ارنالعان

50 جاسقا تىلەك

جان اعا، قۇتتى بولسىن 50 جاسىڭ،
ءار ۋاقىتتا دومالاپ ورگە تاسىڭ.
ءبىزدى ءارقاشان باۋىرىڭا جاقىن تارتتىڭ،
ءاردايىم امان بولسىن التىن باسىڭ.
تىلەك ەتتىم العى كۇننىڭ اجارىن،
سارقىلماسىن ءومىر — وزەن بازارىڭ.
ابىرويىڭ ارتا ءتۇسىپ ۇنەمى،
حاق — ءتاڭىرى كورسەتپەسىن ازابىن.
قىزىق — شاتتىق جاقسىلىقتى كورە بەر،
جۇرتشىلىقتىڭ العىسىن تەك تەرە بەر.
بەدەلىڭ دە ارتسىن ىلعي ورتادا،
ەڭبەگىڭمەن الدا ءوسىپ ونە بەر.
قۇتتى بولسىن 50 جاسىڭ بەلەسىڭ،
بارلىق جاننان ماقتاۋ الىپ كەلەسىڭ.
امان بولىپ جاسىڭا جاس قوسىلسىن،
اللا جازسا، تاعى ءبىر 50 جاس جاسارسىڭ.
50 جاسقا تىلەك 50 جاس مەرەي تويعا ارنالعان قۇتتىقتاۋلار 50 جاسقا
ارنالعان تىلەكتەر تۋعان كۇنگە تىلەكتەر قۇتتىقتاۋلار 50 جاس

70 جاسقا تىلەك

70 جاسىڭ قۇتتى بولسىن بۇگىنگى كۇن مەرەيلى،
تىلەكتەردى ايتايىن بۇلكىلدەتىپ كومەيدى.
اق جاۋلىعىڭ اقىلدىڭ تۋى بولعان، اناشىم،
پەرىشتەلەر ءاۋمين دەپ تىلەگىمدى جەبەيدى.
شۋىلداسسىن اينالىپ نەمەرەڭ مەن شوبەرەڭ،
شاڭىراعىڭ شايقالماي كەڭەيسىن تاعى كەرەگەڭ.
كورەتىن ءالى قىزىق كوپ، 100-دەن اسسىن عۇمىرىڭ،
ورتامىزدا وتىرشى اقىلدى بەرىپ دەمەگەن.
ءوز باقىتىن، قۋانىشىن ءوزى ومىرگە اكەلگەن پەرزەنتتەرىنىڭ قىلىعىنان،
قىزىعىنان ىزدەيتىن اياۋلى انام مەنىڭ! ساعان الەمدەگى بار جاقسى تىلەكتى
ءۇيىپ — توكسەم دە از. اللا سىزگە ەڭ الدىمەن مىقتى دەنساۋلىق بەرسىن!
ءارقاشان جۇزىڭىزدەن مەيىرىم نىشانى كەتپەي، اينالاڭىزعا نۇرىڭىزدى شاشىپ،
انالىق باقىتقا كەنەلىپ جۇرە بەرىڭىز!
اۋزىن اشسا كورىنەتىن جۇرەگى،
بار تۋىستىڭ، جاناشىرى تىرەگى.
سەنىڭ اسىل قاسيەتىڭ، اناشىم،
ومىرىمە شامشىراق بوپ كەلەدى.
جۇرەگىممەن ايتار بولسام بار شىنىم،
ءبىر وزىڭدەي ۇعا المايدى جان سىرىن.
70 جاسىڭ قۇتتى بولسىن اناشىم،
بىلەم ءومىرىڭ بولماعانىن بال شىرىن.
ۇلگى تۇتام ءاربىر ءىسىڭدى
قانداي جۇمساق الاقانىڭ، ءجۇزىڭ سونداي شۋاقتى.
ءجۇز جاساڭىز جان اناشىم، كورمەي ەندى تاۋقىمەت،
بايتەرەكسىز سايا بولعان ۇرپاعىڭا ءارقاشان
ىزگى تىلەكپەن بالالارى:
70 جاسقا تىلەك 70 جاسقا ارنالعان تىلەكتەر 70 جاس مەرەي توي 70 جاسقا

تۋعان كۇنگە تىلەكتەر

تۋىلعان كۇنىڭىزبەن قۇتتىقتايمىن! ءسىزدىڭ ءومىرىڭىزدىڭ ءماندى دە ءساندى
بولسىن دەپ تىلەيمىن. العا قويعان ماقساتىڭىزعا جەتۋ جولىندا ەش قيىندىققا
مويىماڭىز. قانداي قيىندىق بولسا دا قورىقپاي العا قاراي باسا بەرىڭىز،
ءومىردىڭ ءوزى وسى قيىندىقتاردى جەڭىپ، جەڭىسكە جەتۋدەن تۇرادى ەمەس پە؟
قيىندىقتا دوستارىڭىز قاسىڭىزدان تابىلسىن، دۇشپانىڭىز قاشىق بولسىن.
ومىردە ءارقاشان ساتتىلىك ءسىزدىڭ سەرىگىڭىز بولسىن، شاڭىراعىڭىزدا شاتتىققا
تولى كۇندەر كوپ بولسىن. تاعى دا تۋىلعان كۇنىڭىز قۇتتى بولسىن، ومىردە بار
جاقسىلىقتى تىلەيمىن!\
تۋعان كۇنىڭىزبەن قۇتتىقتايمىن. مەن سىزگە مول تابىس، زور دەنساۋلىق
اينالاڭىزدا سەنىمدى دوستارىڭىز كوپ بولسىن دەپ تىلەيمىن. ءۇيىڭىز ءاردايىم
مەيىرىم شۋاعىنا تولى بولسىن. جايلى ءومىر ءسۇرۋ ءۇشىن ومىرگە دەگەن
قۇشتارلىعىڭىز، شابىتىڭىز ارتىپ، الدا الار اسۋلارىڭىز كوپ بولسىن، دەپ
تىلەيمىن. اينالاڭىزعا ءاردايىم شۋاعىڭىزدى توگىپ، مەيىرىمگە بولەي بەرىڭىز.
تۋىلعان كۇنىڭىزبەن قۇتتىقتايمىن! ءسىزدىڭ بارلىق باستامالارىڭىزعا
ساتتىلىك، ءارقاشان جارقىن جانە جاقسى كوڭىل — كۇي، سەنىمدىلىك تىلەيمىن.
سونىمەن قوسا مىقتى دەنساۋلىق، ءار كۇنىڭىز مەرەكەگە تولى بولسىن!
قىزمەتتەستەر اراسىندا مارتەبەڭىز جوعارىلاپ، شىعارماشىلىق جەتىستىكتەرگە
جەتە بەرۋىڭىزگە تىلەكتەسپىن.
اۆتورى: جادىرا
تۋىلعان كۇنگە ارنالعان ولەڭدەر نەمەسە ءتۇرلى قۇتتىقتاۋلار بىلسەڭىز، پىكىر
قالدىرۋ جولىنا جازىپ قالدىرۋعا بولادى، سايتتا جاريالانادى.
تۋعان كۇنگە ارنالعان تىلەكتەر تۋعان كۇنىڭمەن تۋىلعان كۇنىڭىزبەن تۋعان

تۋعان كۇنگە ارنالعان تىلەكتەر

ەمەن اعاشى جۋان، جاپىراعى قالىڭ بولعانىنا قاراماستان قاتتى جەل تۇرسا
تامىرىمەن قوپارىلىپ قۇلاپ قالادى. ال قايىڭ اعاشى جىڭىشكە، نازىك
بولعانىمەن قاتتى جەل تۇرعاندا ءسال مايىسادى دا، جەل باسىلعان سوڭ بويىن
قايتا تىكتەپ، جاپىراقتارىن كۇننىڭ نۇرىنا مالىندىرىپ جايقالىپ تۇرادى.
بۇگىنگى
تۋىلعان كۇن
يەسى دە وسى قايىن اعاشى تارىزدەس – ومىردە دە، قىزمەتتە دە باسىنا قانداي
قيىن ءىس تۇسسە دە جاسىماعان، باعى جانسا تاسىماعان، تىرشىلىكتىڭ قانداي
اۋىرتپالىقتارىن، قيىن كەزەڭدەرىن كورسە دە مويىماي، كۇرەسە بىلگەن ازامات،
مىقتى قىزمەتكەر، اياۋلى جار، ارداقتى اكە جانە دە اينىماس ادال دوس.
دوسىم، الداعى ومىردە دە ابىرويىن ارتىپ، ەڭبەگىڭ جانا بەرسىن! ۇل —
قىزدارىڭنىڭ، تۋعان — تۋىس، دوس — جاراندارىڭنىڭ ورتاسىندا سىيلى
بولىپ، باقىتتى عۇمىر كەشە بەر!

ءومىر مىناۋ قاتار سوققان جەڭىلىمەن اۋىرىن، شۋاعىمەن داۋىلىن.
بۇگىن مىناۋ سەنىڭ تۋعان كۇنىندە، قانداي تىلەك ايتسام ەكەن باۋىرىم.
ساعان، بايلىق تىلەر ەم، ءبىراق ول ءبىر اڭگۇدىك، ەسىگىڭنەن كىرگەنمەن تاڭ
ك ۇلىپ
جۇرگەنىمەن شەرۋ تارتىپ تاڭ قۇرىپ، ساعان جولداس بولا المايدى ماڭگىلىك.
بالكىم، ەرلىك تىلەر ەم مەن تامىر العان توزىممەن، ەرلىك سەزىم ءبىراق سەنىڭ
تابىلادى وزىڭنەن.
ونسىز ادام جۇرە الاما توقپاقتار مەن شوقسىزدا.
ال سۇلۋلىق تىلەر ەم مەن، سۇلۋسىن سەن ونسىز دا.
قايتسەم ەكەن، مەن ودان دا بارلىق ادام اڭساعان
بارلىق ادام سان مىڭ جىلدار ارمان ەتىپ شارشاعان
ال سان مىڭى تەگەلەسىپ تامسانعان،
كەز كەلگەننىڭ ۋىسىنا تۇسپەيتىن، كەز كەلگەننىڭ باقشاسىندا پىسپەيتىن
زور ماحاببات تىلەيىنشى مەن ساعان!
بۇگىن سەنىڭ تۋىلعان كۇنىڭ — ءتول مەرەكەڭ، قۋانىشىڭ. ءبىز سەنى وسى
مەرەكەڭمەن قۇتتىقتاپ، قۋانىشىڭدى بولىسۋگە كەلىپ وتىرمىز. ەگەر قىپ —
قىزىل شوققا ماي تامىزساڭ لاپىلداپ جانادى، ال سۋ تامىزساڭ بىقسىپ سونەدى.
باۋىرىم، سەنىڭ باعىڭ سول ءبىر تامشى مايمەن — اق جانسىن، سول باعىڭنان
شىققان جالىن سەنىن ءومىرىڭدى جارىق ەتسىن! باقىتتى بول!
ساعان ايتار تىلەك
تاۋسىلما ەشقاشان
قينالساڭ — ءتوز
جارىسساڭ — وز
ويناساڭ — ۇت
كۇرەسسەڭ — جىق
ەشكىمدى باسىنبا
باسىڭنان اسىرما
تابىسقا تاسىما
نامىسقا جاسىما
ەشكىمدى كۇن دەمە
ەشكىمدى تىلدەمە
سوزىڭنەن تانبا
قاتارىڭنان قالما
بىرەۋدى داتتاما
ەشقاشان كەك ساقتاما
بىرەۋدى سىرتىنان ايداما
وسەكتى تىڭداما
شىنىعىپ شىڭدال
جاقسىدان ۇلگى ال!

تۋعان كۇنىڭ قۇتتى بولسىن،
دەنساۋلىعىڭ مىقتى بولسىن.
ءار تاڭىڭ ارايلاپ اتىپ،
ءومىرىڭ ماڭگى نۇرعا تولسىن!

ءومىر ساعان جىلى ءسوزىن ارناسىن،
قايعى-مۇڭعا جۇرەكتە ورىن بولماسىن.
جانارىڭنان كۇن ك ۇلىمدەپ ءارقاشان،
اي مەن جۇلدىز كەۋدەڭە كەپ ورناسىن.
تۋعان كۇنگە  ارنالعان تىلەكتەر تۋعان كۇتىڭ قۇتتى بولسىن قۇتتىقتاۋ

تۋعان كۇن

تۋعان كۇن (مۇحتار شاحانوۆ)
ءومىر مىناۋ قاتار توسقان
جەڭىلى مەن اۋىرىن،
شۋاعى مەن داۋىلىن.
بۇگىن مىنا سەنىڭ تۋعان كۇنىڭدە
قانداي تىلەك ايتسام ەكەن، باۋىرىم؟
ساعان بايلىق تىلەر ەم مەن،
ءبىراق ول ءبىر اڭگۇدىك،
ەسىگىڭنەن كىرگەنىمەن پاڭ ك ۇلىپ،
جۇرگەنىمەن شەرۋ تارتىپ، ءسان قۇرىپ،
ساعان جولداس بولا المايدى ول ماڭگىلىك.
بالكىم، ەرلىك تىلەر ەم مەن،
تامىر العان توسىڭنەن،
ەرلىك سەزىم ءبىراق سەنىڭ تابىلادى وزىڭنەن،
ونسىز ادام جۇرە الا ما
سوقپاقتار مەن جولسىز دا،
ال سۇلۋلىق تىلەر ەم،
سۇلۋسىڭ سەن ونسىز دا.
قايتسەم ەكەن؟
مەن ودان دا بارلىق ادام اڭساعان،
بارلىق ادام سان مىڭ جىلدار ارمان ەتىپ شارشاعان،
ازى جەتىپ، ال سان مىڭى تەك ەلەسىن تامسانعان،
كەز كەلگەننىڭ ۋىسىنا تۇسپەيتىن،
كەز كەلگەننىڭ باقشاسىندا پىسپەيتىن،
زور ماحاببات تىلەيىنشى مەن ساعان.

ءبىر جاس بار – 10 جاس دەگەن ويناقتاعان

تاي ءمىنىپ، جاباعىنى ويناقتاتقان.
كەلگەن سوڭ ودان ءارى – 15 جاس بار،
جاستىق شاق ەش نارسەنى ويلاتپاعان.
20 — دا ءوز ءجۇزىڭدى تۇزەيسىڭ عوي،
شاشىڭدى كەيىن قاراي كۇزەيسىڭ عوي،
ۇلگىسىن اعالاردىڭ كورگەننەن سوڭ،
وي — ويلاپ ءار نارسەنى جۇدەيسىڭ — عوي.
30 — دا، 30 — دا ءۇي يەسى بولاسىڭ — عوي،
بالاڭدى ءالدي قاعىپ الاسىڭ — عوي،
كەلگەن سوڭ ودان ءارى – 35 جاس،
جىگىتتىك قىدىرىستان قالاسىڭ — عوي.
ءبىر جاس بار – 40 دەگەن – قىلىش ەكەن،
موينىڭدى ءبىر جۇمىسقا بۇرىس ەكەن،
كەلگەن سوڭ ودان ءارى – 45 جاس،
بورىشتى بولماعانىڭ دۇرىس ەكەن.
ەلۋدە ەبىڭ كەلمەس ەڭكەيگەنمەن،
قىزدارعا قولىڭ جەتپەس كوركەيگەنمەن.
كەلگەن سوڭ – 55 جاس، 60 جاسقا،
شال بولىپ وينايسىڭ عوي كەمپىرلەرمەن.
70 — تە جەر تايانباي تۇرا المايسىڭ،
قولىڭا تاياق الماي جۇرە المايسىڭ.
بالاڭ مەن كەمپىرىڭە ءتىلىڭ وتپەي،
اڭگىمە كوپ ىشىندە قۇرا المايسىڭ.
80 — دە شال بولارسىڭ سەلكىلدەگەن،
جەل سوقسا جەلمەن بىرگە ۇلپىلدەگەن،
بالاڭ مەن كەلىنىڭە ءتىلىڭ وتپەي،
رەنجىسىپ وتىرعانىڭ كەمپىرمەنەن.
90 — دا شال بولارسىڭ تومىرتقاداي،
تاستاعان شالا مۇجىپ ومىرتقاداي،
ومىردەن وتەرىڭە سەنگىڭ كەلمەس،
دۇشپانعا جازاتايىم بەرگىڭ كەلمەس.
جەتكەندە جاسىڭ 100 — گە، جانىڭ ءتاتتى،
قوينىنا قارا جەردىڭ كىرگىڭ كەلمەس.

تۋعان كۇندە ءتۇرلى مەرەكەدە وينايتىن ويىندار

مەرەيتوي باتاسى

توي داستارقانى مول بولسىن،
بەرەكەلى قول بولسىن،
تويعا كەلگەن قوناقتىڭ،
بارىنە ءساتتى جول بولسىن.
تىلەكتەرىڭ وڭ بولسىن،
جۇقارمايتىن قوڭ بولسىن،
ەكەۋىڭنىڭ كيگەنىڭ،
التىن جاعالى تون بولسىن.

قۇرمەتتى توي يەسى،
ءىسىڭدى تاعدىر وڭداسىن،
قايدا جۇرسەڭ قولتىقتاپ،
قىدىر باباڭ قولداسىن!
جامبىلعا ۇقساپ كوپ جاسا،
دەنەڭدە دەرت بولماسىن،
تويىڭ تويعا ۇلاسىپ،
جان — جۇرەگىڭ تولعانسىن!
كۇننەن — كۇنگە كوبەيسىن،
دوس — جارانىڭ، جولداسىڭ.
باقىتىڭ تاسسىن ءاماندا،
بەرگەنىن ءتاڭىرى الماسىن!
ءومىرىڭدى ۇزارتىپ،
بالا مەنەن نەمەرەڭ،
شوبەرەڭ مەن شوپشەگىڭ،
تۋاجاتتار جالعاسسىن!
ءاۋمين!
نەمەرەڭدى ءوسىرىپ،
شوبەرەڭدى جەتەكتەپ،
شاشقان اللا ىرزىعىن،
تەرە بەرگىن ەتەكتەپ،
قۇت بولىپ، مەكەن تۇراعىڭ،
جايقالا بەرسىن قۇراعىڭ،
لايلانباسىن بۇلاعىڭ.
جارقىراي بەرسىن شىراعىڭ،
جاستارىڭ جۇزگە جەتكەنشە
تارقاماسىن ءبىر — بىرىڭە قۇمارىڭ.
ءاۋمين!

قابىل عىپ اللا تىلەكتى،
قۋانتا بەرسىن جۇرەكتى.
«التىن تويىم بولعاي» دەپ،
تىلەۋمەن قانشا كۇن ءوتتى.
تىلەكتى اللا بەرگەنى،
تويىڭ ءوتىپ دۇبىرلەپ،
وسىنشا جاننىڭ كەلگەنى.
باقىتتى جاندار بولىڭدار.
مەرەيى بيىك ەلدەگى،
ارۋاقتار قولداسىن،
جاماندىق ەشبىر بولماسىن.
داۋلەتىڭ تاسىپ بۇدان دا،
تەپسەڭ كەتپەس باسىڭا،
باياندى باقىت ورناسىن.
ۇزاق بولىپ جاستارىڭ،
قىزىعىن كورىپ بالالاردىڭ،
اشىق بولسىن اسپانىڭ.
ءاۋمين!

قۇتتى بولسىن كۇمىس توي،
توي دەگەنىڭ ىرىس قوي.
التىن جامبى بەرسەم دە،
ەكەۋىڭە دۇرىس قوي.
كۇمىس تويدىڭ اياعى،
التىن تويعا جالعاسسىن.
جارىلقاسىن جاندارىڭ
جۇزىندەي اق الماستىڭ.
تاسي بەرسىن داۋلەتىڭ،
جاراسىپ ءسان — ساۋلەتىڭ.
قارا قاۋىم ەل بولىپ،
ءوسىپ — ءونسىن اۋلەتىڭ.
سىيلى بولىپ باستارىڭ،
اجىراماي جۇپتارىڭ،
جۇزگە جەتسىن جاستارىڭ!
ءاۋمين!

18 جاسقا ارنالعان قۇتتىقتاۋ، تىلەك

40 جاسقا تىلەك

40 جاسقا تىلەك – قۇتتىقتاۋ
40 جاسقا تىلەك
40 جاسقا
جىلقىدا دا جىلقى بار – (قازاناتى ءبىر بولەك»،
جىگىتتە دە جىگىت بار – ازاماتى ءبىر بولەك، دەپ – ەلىنە ەلەۋلى، حالقىنا
قالاۋلى وزىڭدەي ازاماتقا ارنالىپ ايتىلسا كەرەك. قىرىق جاس مەرەيتويىڭ
قۇتتى بولسىن!
قىرىق جاسقا تولعانىڭ –
قىردان اسىپ قالعانىڭ.
ارمانىڭدى جالعا مىڭ،
ب ا ق سىيلاسىن الدى كۇن.
ءومىر ءمانىن شىن ۇق تا،
قيالعا ورلە قىرىقتا.
وسيەتىن بابالار
ەشقاشاندا ۇمىتپا.
قىزىعى كوپ قىرىقتىڭ،
ءومىر العا باستى انىق.
گ ۇلى جايناپ ءۇمىتتىڭ،
ءجۇر ءاردايىم جاس بولىپ.
40 دەگەن كونبەيتىن جاس قۇرىققا،
40 دەگەن ۇنايتىن جاس بار جۇرتقا.
قامال العان قۇتتى بولسىن جاسىڭىز،
ورلەي بەرسىن ورگە قاراي تاسىڭىز.
40 دەگەن كونبەيتىن جاس قۇرىققا،
40 دەگەن ۇنايتىن جاس بار جۇرتقا.
قامال العان قۇتتى بولسىن جاسىڭىز،
ورلەي بەرسىن ورگە قاراي تاسىڭىز.
ات جالىن تارتىپ قامال بۇزاتىن 40 جاسقا كەلگەن تۋعان كۇنىڭىز قۇتتى
بولسىن!
ءسىز تالاپ پەن جىگەر جەتەلەگەن ءومىر ورىسىندە وزگەلەردەن وزىپ
دارالاندىڭىز.
يگى ىستەرىڭىزدىڭ قاشاندا وڭعا باسۋىنا، ءار قادامىڭىزدىڭ قارىمدى بولۋىنا،
ەل — قوعام الدىندا ابىرويىڭىزدىڭ ارتا بەرۋىنە تىلەكتەسپىز.
اسپانىڭىز اشىق، ءجۇزىڭىز جارقىن، وتباسىڭىز بەرەكەلى، ءار كۇنىڭىز مەرەكەلى
بولسىن!

قۇربىعا تىلەك

40 جاسقا تىلەك، قۇتتىقتاۋلار، ولەڭدەر

بەۋ، دوسىم، قۇتتى بولسىن قىرىعىڭىز،
قىرىقتىڭ باقشاسىندا قىدىرىڭىز.
بەرەرى از بولماسىن بەس كۇن جالعان،
ال قىزىل گۇلدەي بولسىن عۇمىرىڭىز.
ەلۋ مەن الپىستا دا نار بولعايسىڭ،
جەتپىس پەن سەكسەندە دە بار بولعايسىڭ.
توقساننىڭ توبەسىنە شىققان شاقتا
نەمەرە — شوبەرەلى شال بولعايسىڭ.
قىرىق دەگەن كونبەيتىن جاس قۇرىققا،
قىرىق دەگەن ۇنايتىن جاس بار جۇرتقا.
قامال العان قۇتتى بولسىن جاسىڭىز،
ورلەي بەرسىن ورگە قاراي تاسىڭىز.
قىرىق جاسقا تولعانىڭ –
قىردان اسىپ قالعانىڭ.
ارمانىڭدى جالعا مىڭ،
ب ا ق سىيلاسىن الدى كۇن.
ءومىر ءمانىن شىن ۇق تا،
قيالعا ورلە قىرىقتا.
وسيەتىن بابالار
ەشقاشاندا ۇمىتپا.
قىزىعى كوپ قىرىقتىڭ،
ءومىر العا باستى انىق.
گ ۇلى جايناپ ءۇمىتتىڭ،
ءجۇر ءاردايىم جاس بولىپ.
قىرىقتىق قىرىنا شىعىپ، قامال الاتىن 40 جاسقا كەلگەن تۋعان كۇنىڭىز قۇتتى
بولسىن!
اۋەلگى باقىت – دەنساۋلىق، ەكىنشى باقىت – اق جاۋلىق، ءۇشىنشى باقىت – ون
ساۋلىق تىلەيمىن. ءسىز تالاپ پەن جىگەر جەتەلەگەن ءومىر ورىسىندە وزگەلەردەن
وزىپ دارالاندىڭىز. باستاعان ىستەرىڭىزدىڭ قاشاندا وڭعا بولۋىنا، ءار
قادامىڭىزدىڭ قارىمدى بولۋىنا، ەل — قوعام الدىندا ابىرويىڭىزدىڭ ارتا
بەرۋىنە تىلەكتەسپىز. اسپانىڭىز اشىق، ءجۇزىڭىز جارقىن، وتباسىڭىز بەرەكەلى،
كۇندەرىڭىز مەرەكەلى بولسىن!

تۋعان كۇندە وينايتىن ويىن تۇرلەرى

مەرەكەلىك كەشتەردە نەمەسە تۋعان كۇن كەشتەرىندە وينالاتىن
ويىن تۇرلەرى
ماتەماتيكالىق ويىن
بۇل ويىن مۋزىكا ارقىلى ورىندالادى. بىرنەشە ويىنشى شىعىپ بي ارقىلى اۋادا
سان (سيفر) جازادى. ال كورەرمەندەر قانداي سان جازىلعانىن تابۋى كەرەك.
ەسەپ جازۋعا دا بولادى ءبىراق، وڭاي بولۋى كەرەك مىسالى: 2+5. قالعاندارى
شەشۋىن تاپقانشا ويىنشىلار ءبيىن جالعاستىرا بەرەدى.

بۇل ويىن ءتۇرى وتە قىزىق. بارلىق ويىنشى ءوزىنىڭ نە قالايتىنىن قاعازعا
جازىپ، قاعازداعى جازۋى كورىنبەيتىندەي ەتىپ بۇكتەپ، بانكىگە نەمەسە اۋزى
كەڭ بۋتىلكاعا سالادى. ستولدىڭ ورتاسىنا قويىپ اينالدىرادى، بانكىنىڭ اۋزى
كىمگە قاراپ تۇرسا، سول ادام قاعازدا جازىلعان تاپسىرمانى ورىندايدى.
قاعازعا جازىلعان تاپسىرما قىزىق بولۋى كەرەك. مىسالى: ستريپتيز بيلەگىم
كەلەدى نەمەسە ءبىر بوكال شامپان ىشكىم كەلەدى ت. ب.

جەمىستەر
بۇل ويىن ەكى كومانداعا ءبولىنىپ وينالادى. ۇلكەن ەكى ىدىسقا سۋ قۇيىپ ىشىنە
الما، المۇرت، اپەلسين، ماندارين ت. ب. جەمىستەردى سالۋعا بولادى. ەكى
ىدىستاعى جەمىستەر سانى بىردەي بولۋى كەرەك. ويىنشىنىڭ قولىن ارتقا بايلاپ،
ىدىستىڭ ىشىنەن جەمىستى اۋزىمەن الىپ شىعارۋ تاپسىرىلادى. ويىن بارىسىندا
جاقسى اۋەن ويناپ تۇرۋى كەرەك.

قيمىل ارقىلى
بۇل ويىنعا وتىرىستاعى بارلىق ادام قاتىسۋعا بولادى. قاعازدى بولىكتەرگە
ءبولىپ الىپ، وتىرىستا وتىرعان ادامداردىڭ اتى جەكە — جەكە جازىلىپ،
بۇكتەپ ىدىسقا سالىنادى. ويىنشىلار ءبىر قاعازدان الادى. قاعازدا كىمنىڭ اتى
جازىلعان بولسا، سول ادامدى قيمىلى ارقىلى كورسەتۋى قاجەت. قالعاندارى كىم
ەكەنىن تابۋى كەرەك.

«وتە ماڭىزدى مالىمەت»
تۇتقىنداردىڭ قولىنا ماڭىزدى قۇجات بار، سول قۇجاتى دىتتەگەن جەرگە جەتكىزۋ
قاجەت. ول ءۇشىن ويىنشىلار ەكى توپقا بولىنەدى. قۇجات جىرتىلمايتىنداي قاعاز
بولعانى دۇرىس. ويىنشىلار ەكىگە ءبولىنىپ قاتار تۇرادى. بارلىعىنىڭ قولدارى
ارتقا بايلانادى، قاعازدى اۋزىمەن ءبىر — بىرىنە بەرۋ ارقىلى سوڭعى ادامعا
جەتكىزۋى قاجەت. مۇندا جىلدامدىق قاجەت. قاعاز جەرگە قۇلاماۋى كەرەك. قاي
توپ ءبىرىنشى بولىپ ورىنداسا سول توپ جەڭىمپاز.

«قولعاپ پەن تۇيمە»
بىرنەشە جۇپ ورتاعا شاقىرىلادى. ەر ادامدارعا قالىڭ قىسقى قولعاپتار
بەرىلەدى. ال قىزداردىڭ كيىمىنىڭ ۇستىنەن كويلەك نەمەسە حالات كيگىزىلەدى.
ەر ادامدار سەرىكتەس ايەلىنىڭ ۇستىندەگى تۇيمەلەردى قولعاپپەن تەز تاعىپ
شىعۋى ءتيىس.

تىلەكتەر سايىسى
5 قاتىسۋشىنى ورتاعا شاقىرامىز. ولاردىڭ اربىرەۋى كەزەكپەن ءبىر تىلەك ايتۋى
ءتيىس. بەس سەكۋندتان ارتىق ويلانعان ويىنشى ويىننان شىعارىلادى. سوڭىنا
دەيىن جەتكەن ادام جەڭەدى.
تۋعان كۇندە وينايتىن ويىندار №2
تۋعان كۇندە وينالاتىن ويىن ويىن تۇرلەرى جاڭا جىلعا ارنالعان ويىن تۇرلەرى

تۋعان كۇنگە ارناۋ

مىنەزىڭ بار اكەڭدەي ءبىر سالماقتى،
جىگىت بولىپ وسە بەرگىن جان — جاقتى.
قۇتتىقتايدى ناعاشىلار اۋلەتى،
تارازدىق مۋحيت اتتى ناعاشى!
كوزىمىزدىڭ اعى مەنەن قاراسى،
امان ءجۇرشى قۇراقبايدىڭ بالاسى.
تۋعان كۇنىڭ قۇتتى بولسىن قايسارجان،
قامقورشى عوي ءارقاشان دا ناعاشى.
باسقالاردان وتە جاقىن بولادى،
جيەن مەنەن ناعاشىنىڭ اراسى.
ءتيىپ كەتسە قول قالتىراپ قالاتىن،
قۇدىرەتتىڭ كۇشتىلىگىن قاراشى!
سىرلاساتىن، سىيلاساتىن وزىڭمەن،
ەڭ ءبىرىنشى ناعاشىم دەپ ساناشى.
پىكىر قالدىرۋ جولىنا تۋىلعان كۇنگە ارنالعان تىلەكتەرىڭىز بولسا قالدىرۋعا
بولادى.

ءجيى قويىلاتىن سۇراقتار

50 جاسقا قانداي تىلەك ايتقان ءجون؟

50 جاس — مەرەيتوي سانالادى. بۇل جاستا دەنساۋلىق، نەمەرە قىزىعى، ۇرپاعىنىڭ وركەندەۋى جانە ەڭبەگىنىڭ جەمىسىن كورۋ تىلەنەدى.

تۋعان كۇنگە ولەڭمەن تىلەك ايتۋ دۇرىس پا؟

ءيا، قازاق داستۇرىندە تىلەكتى ولەڭمەن ايتۋ جوعارى باعالانادى. ولەڭ تۇرىندەگى تىلەك ەستە جاقسى قالادى جانە مەرەكەگە ەرەكشە كورىك بەرەدى.

ارىپتەسكە قانداي تىلەك ايتۋعا بولادى؟

ارىپتەسكە قىزمەتتىك ورتاعا ساي، شەكتەن شىقپايتىن تىلەك ايتىلادى: مانساپ ءوسۋى، ۇجىمداعى سىيلاستىق، وتباسى اماندىعى.

ۇقساس بولىمدەر

• قازاقتىڭ باتا-تىلەكتەرى: اق باتا مەن تىلەك سوزدەردىڭ تولىق جيناعى
• توي باتاسى: ۇيلەنۋ جانە ۇزاتۋ تويىنا ارنالعان باتا-تىلەكتەر
• داستارحان باتاسى: اس باتاسى، ونىڭ ءماتىنى جانە ايتىلۋ رەتى
• ءدىني باتالار: ايت، قۇربان ايت جانە دۇعا تۇرىندەگى باتالار
• بالاعا باتا: شىلدەحانا، سۇندەت تويى، ۇل مەن قىزعا ارنالعان تىلەكتەر
• اتاقتى ادامداردىڭ باتالارى: جىراۋ، بي، باتىر جانە اقىندار باتاسى
• ناۋرىزعا ارنالعان باتا-تىلەكتەر جانە مەرەكەلىك قۇتتىقتاۋلار
• 8 ناۋرىزعا ارنالعان قۇتتىقتاۋلار مەن تىلەكتەر
• جاڭا جىلعا ارنالعان قۇتتىقتاۋلار مەن تىلەكتەر
• مەكتەپ بىتىرۋشىلەر مەن ءبىلىم كۇنىنە ارنالعان تىلەكتەر
• مەرەكەلىك قۇتتىقتاۋلار: استانا كۇنى، ارىپتەستەرگە جانە 1 ماۋسىمعا تىلەك
• جولاۋشىعا، كوشكە جانە مال-جانعا بەرىلەتىن باتا