InfoHub Logo

ۇمىتشاقتىق زەردەڭىزدىڭ السىرەگەنىنىڭ بەلگىسى بولا قويماس، ءبىراق ول كۇندەلىكتى ءومىردى قيىنداتىپ، كوڭىل كۇيىڭىزدى بۇزادى. وندايعا جول بەرمەۋدىڭ امالدارى دا بار.

— ءدارىحانادان ءروزماريننىڭ نەمەسە بازيليكتىڭ ەفير مايىن ساتىپ الىڭىز. سولاردىڭ ءيىسىن جۇتقانىڭىزدا بەتاتولقىندار اعىمى كۇشەيەدى، بۇل مي بەلسەندىلىگىنىڭ ارتقانىنىڭ بەلگىسى. الگى ەفير مايىنىڭ ءبىر تامشىسىن شاشىڭىزعا، قول باسىنا، نە كيىمىڭىزگە تامىزىپ قويساڭىز، ءيىسىن ۇدايى سەزىنىپ وتىراسىز. بولمەگە تيتىمدەي شاشۋعا دا بولادى.

— كوفەين بار سۋسىن ادامنىڭ زەيىنىن ءبىر نارسەگە شوعىرلاندىرۋ قابىلەتىن از ۋاقىتقا بولسا دا ارتتىرادى. كەيدە كوفە ءىشۋ ۇزاعىراق جاقسى ناتيجە بەرەدى. پورتۋگاليا زەرتتەۋشىلەرى كۇنىنە ءۇش-تورت شىنىاياق كوفە ىشەتىن قارت ادامداردىڭ زەردەسى ىشپەيتىندەردەن جاقسىراق جۇمىس ىستەيتىنىن انىقتادى.

— كۇن سايىن ەكى قالاقتى گينكگو شوبىنەن جاسالعان دارمەكتىڭ 120 مگ-ىن ءىشىپ الىڭىز. بۇل ءشوپ ميداعى قان اينالىمىن كۇشەيتەدى، مۇنىڭ ءوزى ميدىڭ جاسۋشالارىنىڭ قاننان وتتەگىنى بارىنشا كوپ جۇتۋىنا كومەكتەسىپ، ولاردىڭ جۇمىسقا ىنتاسىن ارتتىرادى. گەرمانيادا گينكگونىڭ كادىمگى سىقپاسىن زەردەنىڭ (ينسۋلتتىڭ دا) السىرەۋىنىڭ الدىن الۋ ءۇشىن كوبىنە قارت ادامدارعا ۇسىنادى. ەگەر ميىڭىزداعى قان اعىسىنىڭ دەڭگەيى تومەن بولسا، گينكگو دارى-دارمەگى (مىسالى، تاناكان) وتە جاقسى كومەكتەسەدى.

— ميدىڭ قانمەن قامتىلۋىن جاقسارتۋ ءۇشىن كوبىرەك ءجۇرىپ-تۇرۋ كەرەك. دەنە شىنىقتىرۋ جاتتىعۋلارى ميداعى جۇيكە جاسۋشالارىنىڭ سانىن ۇلعايتادى دەيتىن دەرەكتەر بار. اسىرەسە پايدالىسى جاياۋ ءجۇرۋ، ءجۇزۋ (مالتۋ). دەنە تاربيەسىمەن اينالىسۋ سۋسامىردىڭ، ينسۋلتتىڭ، گيپەرتونيالىق سىرقاتتىڭ الدىن الۋعا دا كومەكتەسەدى.

— گليۋكوزانىڭ از دا بولسا جاقپاۋى مەن جاسقا قاراي زەردەنىڭ السىرەۋى اراسىندا بايلانىس بارى انىقتالعان. گليۋكوزا (قانت) تاماقتىڭ ىدىراۋى ناتيجەسىندە قورىتۋ جۇيەسىندە پايدا بولاتىن ەنەرگيانىڭ نەگىزگى قاينارى. ءبىراق كوپتەگەن ادامدار (اسىرەسە ورتا جاستاعى جانە قارتايا باستاعان ادامدار) گليۋكوزانى ناشار سىڭىرەدى: قان اعىسىنداعى جاسۋشالاردىڭ گليۋكوزا جۇتۋ ۇدەرىسى بۇزىلعان. نە ىستەۋ كەرەك؟ جۇيەلى تۇردە، بەلگىلى ۋاقتىندا، ءوز شاماڭىزشا تاماقتانۋ كەرەك.

— وسىمدىك مايىن، جاڭعاق، تۇقىم، اۆاكادو، بالىق سەكىلدى دامدەردى كوبىرەك پايدالانىڭىز. ولارداعى ماي قانداعى قانت دەڭگەيىنىڭ تۇراقتانۋىنا كومەكتەسەدى، ارتەريانىڭ ىشىنە جابىسپايدى.

— ميدىڭ 85 پايىزى سۋ. سوندىقتان كۇنىنە سەگىز ستاقاننان كەم سۋ ىشپەڭىز.

— تاماعىڭىزدا ۆ توبىنا جاتاتىن ۆ6، ۆ12 ۆيتاميندەرى جەتكىلىكتى بولسىن. ولار مي قابىعىنىڭ قالپىنا كەلۋىنە جاردەمدەسەدى. ۆ6 ۆيتامينىنە بانان، نۇت، تۇيەتاۋىق ەتى باي.

— مايى كۇردەلى ازىق-تۇلىك پايدالانۋدى ازايتىڭىز. ولار ارتەريانى تارىلتادى. مارگاريندە، ۇننان جاسالعان ءپىشىناندا، جەڭىل تىسكەباسارلاردا كوپ بولادى.

— اپتاسىنا ەكى-ۇش رەت بالىق جەڭىز. اقسەركەدە، مايشاباقتا، سكۋمبريادا ومەگا-3 مايلى قىشقىلى كوپ. ولار قاندى سۇيىلتادى.

وقۋعا كەڭەس بەرەمىز:

زەردەڭىزدى دامىتاتىن پايدالى 7 داعدى

ميعا پايدالى جانە زياندى ونىمدەر

ەستە ساقتاۋ، زەيىن سالۋ جانە وي جيناقتاۋعا پايدالى 10 ازىق

ميعا زيان كەلتىرەتىن ازىقتار

بالانىڭ زەرەكتىگىن شىڭداۋ

جاڭا مالىمەتتى ەسكە ساقتاۋدىڭ ۇزدىك ءادىسى

---