2015 жылы қазақстандық оқушылар халықаралық олимпиада мен ғылыми жобалардан 1300-ден астам медаль жеңіп алды
2015 жылы қазақстандық оқушылар жалпы білім беретін пәндерден халықаралық олимпиадалар мен ғылыми жоба жарыстарынан 1300-ден астам медаль жеңіп алды. Бұл туралы ҚР Білім және ғылым министрлігі «Дарын» Республикалық ғылыми-практикалық орталығының баспасөз қызметінен хабарланды.
Атап айтқанда, Қазақстанның дарынды оқушылары 30-ға жуық халықаралық білім додасына қатысып, 276 алтын, 384 күміс, 629 қола медаль, сондай-ақ 20 грамота иеленді. Жүлделердің жалпы жиынтығы 1309-дан асады.
«Биылғы оқу жылынан да үміт көп. Өйткені, Алматыда наурыз айының басында оқушылар арасында Ө. Жолдасбеков атындағы математика-механикадан халықаралық зерттеулер жобасының байқауы өтеді. Сондай-ақ 14-19 наурыз аралығында Көкшетау қаласында математикалық бағыттағы республикалық олимпиада және 23-24 наурызда әл-Фараби атындағы республикалық олимпиада жоспарланған», - делінген баспасөз баянында.
You Might Also Like
-
«Stichting Ambulance Wens Nederland» Голландиялық қайырымдылық қоры о дүниеге аттанғалы жатқан жандардың соңғы тілектерін орындаумен айналысады. Жүргізуші Кис Вельдбоер мен о...
-
X-43A деп аталатын гипердыбыстық ұшақ әлемдегі ең жылдам ұшақ саналады. X-43A аппараты таяуда жаңа рекорд орнатты – сағатына 11230 шақырым жылдамдық, осылайша дыбыстың жылдамдығынан 9,6 есе а...
