Аграрлық университтердің түлектері міндетті түрде ауылда жұмыс істейді - алқа мәжілісі
Енді ауыл шаруашылығы мамандықтары бойынша білім алғандар міндетті түрде ауылдағы жұмыстарға бағытталуы мүмкін. Бұл туралы ҚР Ауыл шаруашылығы министрлігінің кеңейтілген алқа мәжілісінде мәлім болды.
«Ауылдық квотаның мемлекеттік тапсырысы аясында ауыл шаруашылығы мамандықтары бойынша оқитындардың үлесін 30-дан 70 пайызға дейін ұлғайту қажет», - деп тоқталды Ауыл шаруашылығы бірінші вице-министрі Арман Евниев.
Осы орайда ол қазіргі кездегі қалалық жастар аграрлық мамандықтар бойынша білім алса да, кейіннен шаһарда жұмыс істеуге қалуға барынша тырысатынын атап өтті.
«Ауылға барғылары келмейді. Енді бұл жағдайды өзгерту керек. Ауыл шаруашылығы мамандықтары бойынша 70 пайыз гранттарды аграрлық ЖОО-ларда орналастыру ұсынылады», - деді бірінші вице-министр.
Бұдан бөлек ол арнайы орта білім бойынша әкімдіктердің мемтапсырыстарын қайта қарастыруды ұсынды.
«Бұл бағытта да үйлеспеушілік байқалуда. Ауыл шаруашылығы мамандықтары бойынша грантпен білім алған түлектердің ауылдық жерде үш жылдық міндетті жұмысын өтеуін енгізу жоспарланған», - деді Арман Евниев.
ҚазАқарат
You Might Also Like
-
Дүкендегі майонездің зиянды жақтары туралы көптеген мақалалардан кейін, бұл тұздықты салауатты өмір салтын ұстанатын адамның қас жауы деп қабылдау оңай. Сатып алынатын майонездің өндіріс технология...
-
Бала міндетті түрде өз-өзін жоғары бағалай алуы керек. Әйтпесе, ол өзіне сенімсіз, бақытсыз тұлға болып өсіп шығады. Өзін-өзі бағалау туралы түсінікті жақсы білмейтін ата-аналардың өзі осылай ойлай...
