InfoHub Logo

Алматы қаласының Төтенше жағдайлар департаменті тұрғындар мен қала қонақтарына маңызды ескерту жасады. 10 сәуірде Алматыда жаңбыр мен найзағай болады деп күтілуде. Іле Алатауының таулы аймақтарында (Бостандық және Медеу аудандары) күндіз найзағаймен бірге жаңбыр жауса, түнде жауын-шашын қарға ұласады.

Бұл туралы Infohub.kz ақпарат агенттігі хабарлайды.

Тұрғындар мен туристерге тауға шығудан бас тарту, қауіпсіздік шараларын сақтау және ресми ескертулерді мұқият қадағалау ұсынылады.

Алматыдағы ауа райы болжамы

Бұған дейін «Қазгидромет» синоптиктері Алматыда алдағы үш күнге – 10, 11 және 12 сәуірге арналған ауа райы болжамын жариялаған болатын.

10 сәуір

Алмалы қаласында ауа райы айнымалы бұлтты болады. Түнде жаңбыр жауып, найзағай күтіледі. Оңтүстік-батыстан соғатын жел солтүстік-батысқа ауысып, 3-8 м/с жылдамдықпен соғады. Температура түнде +8...+10 градус, күндіз +18...+20 градус болады.

11 сәуір

Ауа райы айнымалы бұлтты, түнде жаңбыр мен найзағай болады. Солтүстік-шығыстан соғатын жел 3-8 м/с, түнде екпіні 15 м/с жетеді. Температура түнде +5...+7 градус, күндіз +20...+22 градус болады.

12 сәуір

Ауа райы айнымалы бұлтты, жауын-шашынсыз болады. Солтүстік-шығыстан соғатын жел 3-8 м/с жылдамдықпен соғады. Температура түнде +6...+8 градус, күндіз +22...+24 градус болады.