InfoHub Logo

Еліміздің бас қаласы Астана мен ең ірі мегаполис Алматыда алдағы күндері ауа райының қандай болатыны белгілі болды. Қазгидромет мамандары 4-6 сәуір аралығындағы болжамды жаңартты. Егер бұған дейін Астана мен Алматыда ауа температурасының күрт төмендейтіні айтылса, енді бұл болжам өзгертілді.

Бұл туралы Infohub.kz ақпарат агенттігі хабарлайды.

Астанадағы ауа райы

4 сәуірде Астанада айнымалы бұлтты болып, күннің соңында жаңбыр жауып, найзағай ойнауы ықтимал. Күндіз шаңды дауыл тұрады. Оңтүстік-шығыс, одан кейін оңтүстік-батыс бағытындағы жел түнде 5-10 м/с, күндіз 9-14 м/с болады. Температура түнде +5...+7 градус жылылықты, ал күндіз +17...+19 градусты көрсетеді.

5 сәуірде айнымалы бұлтты болып, уақытымен жаңбыр жауып, күндіз найзағай ойнайды. Солтүстік-батыс бағытындағы жел 9-14 м/с, кейде 15-20 м/с дейін күшейеді. Ауа температурасы түнде +5...+7 градус, күндіз +12...+14 градус болады.

6 сәуірде жауын-шашынсыз, айнымалы бұлтты күн болады. Шығыс, оңтүстік-шығыс желі 3-8 м/с бағытында соғады. Температура түнде +1...+3 градус, ал күндіз +15...+17 градусқа дейін көтеріледі.

Алматыдағы ауа райы

4 сәуірде Алматыда айнымалы бұлтты болып, жауын-шашынсыз өтеді. Батыс бағытындағы жел 3-8 м/с болады. Ауа температурасы түнде +12...+14 градус, ал күндіз +25...+27 градусқа жетеді.

5 сәуірде да айнымалы бұлтты, жауын-шашын күтілмейді. Батыс жел соғады, 3-8 м/с, күндіз екпіні 13 м/с дейін жетеді. Түнгі температура +13...+15 градус, күндізгі температура +23...+25 градус болады.

6 сәуірде де ауа райы өзгеріссіз қалады. Айнымалы бұлтты, жауын-шашын жоқ. Батыс жел 3-8 м/с, күндіз екпіні 13 м/с дейін жетеді. Түнде +13...+15 градус, ал күндіз +24...+26 градус жылылық болады.

Бұған дейін синоптиктер Астана мен Алматыда ауа райының сәл суытатынын болжаған болатын. Алайда, соңғы мәліметтер бойынша, бұл болжам өзгертілді.

Сонымен қатар, алдағы үш күнде Қазақстан бойынша ауа райының өзгеретіні хабарланды. Циклон мен антициклонның ауысуына байланысты жаңбырлы, кей жерлерде найзағайлы ауа райы күтіледі. 4 сәуірде елдің солтүстік-батысында, 5-6 сәуірде батысында, ал 5 сәуірде оңтүстігінде қатты жаңбыр жаууы мүмкін.