InfoHub Logo

Еліміздің екі ірі қаласы – Астана мен Алматыдағы ауа райының жақындағы күндердегі өзгерістері туралы синоптиктер болжам жасады. Алдағы үш күнде, яғни 10, 11 және 12 сәуірде елорда мен Алматыда ауа температурасы қалай өзгеретіні белгілі болды.

Бұл туралы Infohub.kz ақпарат агенттігі хабарлайды.

Астанадағы ауа райы болжамы

10 сәуірде Астанада ауыспалы бұлтты болып, түнде және таңертең жаңбыр жауады. Солтүстік-шығыс желі 9-14 м/с жылдамдықпен соғады. Ауа температурасы түнде +4...+6 градус, күндіз +7...+9 градус болады.

11 сәуірде ауа райы жақсарып, жауын-шашынсыз болады. Түнде және таңертең тұман түсуі ықтимал. Жел солтүстік-шығыстан 5-10 м/с жылдамдықпен еседі. Түнде температура 0...-2 градусқа дейін төмендеп, күндіз +12...+14 градусқа дейін көтеріледі.

12 сәуірде ауыспалы бұлтты болып, күндіз жаңбыр жауады. Кейде тұман байқалады. Солтүстік-шығыс желі 7-12 м/с жылдамдықпен соғады. Түнде температура 0...-2 градус, ал күндіз +14...+16 градус болады деп күтілуде.

Алматыдағы ауа райы болжамы

10 сәуірде Алматыда ауыспалы бұлтты болып, түнде жаңбыр мен найзағай күтіледі. Оңтүстік-батыстан соққан жел солтүстік-батысқа ауысып, 3-8 м/с жылдамдықпен еседі. Түнде ауа температурасы +8...+10 градус, күндіз +18...+20 градус болады.

11 сәуірде түнде жаңбыр мен найзағай жалғасады. Жел солтүстік-шығыстан 3-8 м/с, түнде екпіні 15 м/с дейін жетеді. Түнде температура +5...+7 градус, күндіз +20...+22 градусқа дейін жылынады.

12 сәуірде жауын-шашынсыз, ауыспалы бұлтты ауа райы болады. Жел солтүстік-шығыстан 3-8 м/с жылдамдықпен еседі. Түнде температура +6...+8 градус, күндіз +22...+24 градусқа дейін көтеріледі.

Қазақстанға суық ауа қайта оралды

Бұған дейін синоптиктер Қазақстанда алдағы күндері жаңбыр, найзағай және желдің екпінімен алма-кезек ауа райы болатынын хабарлаған еді. Еліміздің солтүстік-батысында, солтүстігінде және оңтүстік-шығысында қатты жауын-шашын күтіледі. Батыста, солтүстікте және оңтүстік-шығыста түнде қар жауып, жаңбыр аралас болуы мүмкін. Шығыста қар, боран және көктайғақ болады деп болжанған.

Солтүстік, солтүстік-батыс, орталық және шығыс өңірлерде түнде 0-5 градус аяз болып, күндіз ауа температурасы +10...+23 градустан +7...+15 градусқа дейін төмендейді.