InfoHub Logo

Атырауда колонияда қаза тапқан 51 жастағы Дабыл У.-ның жаназа намазына жүздеген адам жиналды. Көпшіліктің оның қандай қылмыс жасап сотталғанын білмегені айтылуда.

Бұл туралы Infohub.kz ақпарат агенттігі хабарлайды.

Еске сала кетейік, 22 наурызда Атыраудағы мекемеде сотталушылар арасында болған төбелес салдарынан бір адам қаза тапты. Бұл оқиға бойынша қылмыстық іс қозғалды.

Қаза тапқан азамат туралы

Қаза тапқан Дабыл У. 51 жаста болған. Қасіретті оқиға оның туған күнінде болған.

Марқұмның жаназа намазы 25 наурызда қаланың орталық «Иманғали» мешітінде өтті. Куәгерлердің айтуынша, жаназаға жүздеген адам қатысқан. Сондай-ақ, жаназаға қала әкімдігінің қызметкерлері мен қадағалау органының өкілдері де келген.

Намаздан кейін қаладағы үлкен тойханалардың бірінде ас берілді. Кейіннен мәйітті туып-өскен жері Жылыой ауданы Құлсарыға жеткізіп, сол жерде жерленген.

Сот үкімі

Дабыл У. ҚР ҚК-нің 121-бабы 4-бөлігі (Кішкентай баланы зорлау) және 124-бабы 4-бөлігі (Кішкентай баларды аздыру) бойынша сотталған. Істе жәбірленуші ретінде оның өгей әкесі болған бес және сегіз жастағы екі қыз көрсетілген. Сот оны 25 жылға бас бостандығынан айыруға үкім еткен.

Дереккөздердің хабарлауынша, жаназаға келгендердің көбі марқұмның бұрын қандай қылмыстар үшін сотталғанын білмеген.