InfoHub Logo

Танымал блогер Ырысбала Икрамбай ұлына қатысты қуанышты жаңалығымен бөлісті. Ол ұлының аутизм емес екенін анықтап, емдеу жолын тапқанын айтып, көзіне жас алды.

Бұл туралы Infohub.kz ақпарат агенттігі хабарлайды.

Диагноз өзгерді

Ырысбаланың айтуынша, тұңғышына аутизм диагнозы қойылғанына биыл 4 жыл болған. 3 жасында диагноз қойылса, 2 жасынан бастап дамуында кешігу байқалған. Бұл жағдай блогерді 4 жыл бойы мазалап, түн ұйқысын төрт бөліп, күйзеліске салып келген.

Шетелдік маманның көмегі

Жақында елге келген кинезиолог маман Ырысбаланың ұлын тексеріп, ешқандай аутизм жоқ екенін анықтаған. Маманның айтуынша, баланың оң жақ тамыры қысылып, омыртқасы қисық тұрған. Соның салдарынан жүйкесі қысылып, дамуында кешігу болған.

Емдеу жоспары

Ендігі кезекте тамырларды босаңсытып, жүйкесін емдеу қажет. Бұл емнің бір курсы 10 күнге созылады және шамамен 1,5 миллион теңге тұрады екен. Ырысбала бұл соманы аямай, ұлының сауығып кетуі үшін бар жатқан қаржысын жұмсауға дайын екенін жеткізді. Ол бұл жаңалықты естігенде қатты қуанып, рахаттанып ұйықтағанын айтты.

Көпшілік блогерге қолдау білдіріп, ұлының тезірек сауығып кетуін тіледі.