InfoHub Logo

Сыныбы: 5
Пәні: қазақ әдебиеті
Авторы: Ә. Дайыр, Қ. Айтқалиев, Ш. Беркімбаева, Г. Құрманбай.
Баспа: Алматы, «Атамұра»- 2005

Сабақтың тақырыбы: А. Байтұрсынұлы «Өгіз бен бақа», «Егіннің бастары».
Сабақтың мақсаты: Ахмет Байтұрсынұлының өмірімен, шығармашылығымен танысады. Мысалдардың мазмұнымен танысады, талдау жасайды, тәрбиелік мәнін анықтайды.
Міндеттер:
1. Мазмұнға байланысты міндет: Мысалдардың мазмұнымен таныса отырып, кейіпкерлерге мінездеме береді, өмірмен байланыстырады,
2. Сыни ойлауды дамытуға байланысты міндет: Оқушылар ой талқысына түсе отырып, өзара пікір алмасады, іс - әрекеттерін талдайды;
3. Топтық міндет: Оқушылар өз ойларын қорғай білуге үйренеді, бір - бірін тыңдайды, достық сезімдері, бір - біріне сыйластық сезімдері артады.
Сабақтың түрі: Жаңа оқу материалын оқып - үйрену сабағы
Сабақтың әдісі: «ДЖИГСО - 1», «Бір айналым сөйлесу», «Галереяны шарлау», «Еркін жазу».
Сабақтың көрнекілігі: Ахмет Байтұрсынұлының өмірі мен шығармашылығына байланысты дайындалған презентация, суреттер топтамасы
Бағалау: ойды еркін жеткізе айта білу қабілеттеріне қарай бағаланады.

Сабақтың құрылымы:
I Қызығушылықты ояту.
Оқушыларды II топқа бөлу.
«Ой қозғау» әдісі Ахмет Байтұрсынұлы туралы бейне көрініс көрсетіледі.
Оқушылар бейне көріністің Ахмет Байтұрсынұлының өмірі мен шығармашылығына арналғандығын айтады.

«Галереяны шарлау» әдісі Сынып бөлмесіне Ахмет Байтұрсынұлының өмірі мен шығармашылығына арналған бұрыш дайындалады. Оқушылар топтасып Ахмет Байтұрсынұлының өмірі мен шығармашылығы бойынша өздеріне таныс емес деректерді жазып алады, топ оқушылары бір - біріне дайындаған мағлұматтарды таныстырады. (Оқушыларға уақыт беріледі, әр топтан 2 оқушыдан шығып дайындаған жұмыстарын қорғайды)

Өздеріне ұнаған мысалының мазмұны бойынша көрініс көрсетеді.

II Мағынаны тану
1. Оқушылардың Ахмет Байтұрсынұлының өмірі мен шығармашылығы туралы айтқандарын толықтыру мақсатында слайд материалдары көрсетіледі.
2. «ДЖИГСО - 1» әдісі Ахмет Байтұрсынұлының «Өгіз бен бақа», «Егіннің бастары» мысалдарының мазмұнымен танысу үшін екі топқа мысалдарының мазмұны таратылады. Мысалдарының мазмұнына қарай топ оқушылары бірінің ойын бірі жалғайды, өзара пікір алмаса отырып, толықтырады.
I топ «Өгіз бен Бақа»
II топ «Егіннің бастары»

3. Шығармашылық жұмыс I топ Мысал өлеңнің мазмұнын өмірмен байланыстыру, тәрбиелік мәнін анықтау
Күнәсін күндегеннің жаман қатты,
Күндей ме біреуге алла берген бақты?!
Өгізді күндеп, сондай боламын деп,
Көлбақа онан қанша пайда тапты?!

Әуелде құдай өлшеп берген дене,
Қаншама зарланғанмен артылмапты.
Нақыл сөз: «Әлін білмес әлек» деген,
Осындай әуре болған жаннан қапты.

II топ «Егіннің бастары» мысал өлеңінің мазмұнына байланысты сурет салу.

4. «Еркін жазу» әдісі
I топ «Егіннің бастары» мысалы бойынша бір шумақ өлең немесе шағын әңгіме жазу.
II топ «Өгіз бен бақа» мысалының мазмұнына байланысты мақал - мәтелдер жазу.

III Ой толғаныс «Бір айналым сөйлесу» әдісі
- Балалар, сонымен бүгінгі сабақта не үйрендік, не білдік?
- Шығарманың сіздер үшін тәрбиелік мәні қандай болды?
Топ оқушылары бірлесіп бүгінгі сабақта үйренгендерін қағаз бетіне түсіреді, топ мүшесі қорғайды.

IV Үйге тапсырма беру:
1. Ахмет Байтұрсынұлының мысал өлеңдері туралы қосымша деректер жинау.
2. «Өгіз бен Бақа», «Егіннің бастары» мысалдарын мәнерлеп оқып, ұнаған мысал өлеңі бойынша көрініс дайындау.

V Бағалау
Сынып оқушылары сабақтың бөлімдері бойынша бағаланады, белсене қатысқан топ мүшелері мадақталады.