InfoHub Logo

28 ақпан күні таңертең Таяу Шығыстағы шиеленіс кезінде Абу-Дабиде жарылыстар болды. Осы оқиғаларға байланысты Біріккен Араб Әмірліктері мен Катарда жүрген қазақстандықтармен тілдесіп, жергілікті жағдайды білдік.

Бұл туралы Infohub.kz ақпарат агенттігі хабарлайды.

Дубайда білім алып, жұмыс істейтін студент Мирас қаладағы жағдайдың тыныш екенін айтты. Оның сөзінше, БАӘ-дегі жағдай БАҚ-та жазылғандай, ерекше дүрлігусіз, қалыпты режимде өтіп жатыр. Алайда, әуежайдың жабылуы туралы естігенін жеткізді. Жарылыстар Абу-Дабиде болған. Мирас оқуын аяқтап, кейін Отанына оралуды жоспарлап отыр.

Дубай әуежайындағы тағы бір куәгер рейстердің кешіктірілгенімен, жағдайдың тұрақты екенін хабарлады. Оның айтуынша, оның рейсі екі сағатқа кейінге шегерілген. Әуежай аумағы жабық болғандықтан, жолаушылар күтуде. Оларға жергілікті McDonald’s мейрамханасында ыстық тамақ ұйымдастырылған.

Кейінірек Дубай әуежайының басқармасы аймақтағы әуе кеңістігінің жабылуына байланысты әуе рейстеріне қызмет көрсетуді уақытша тоқтатқанын хабарлады.

Сонымен қатар, Қазақстаннан Катарға бара жатқан бес туристтің жағдайымен туристік агент Роза Есенқұлова айналысып жатқанын айтты. Олар қазір әуежайда. Агенттік оларға консультациялық қолдау көрсетіп, қонақүйлерге орналастыруда.

Естеріңізге сала кетейік, 28 ақпан күні таңертең Абу-Дабиде жарылыстар болды. Бұл оқиғалар Иранның АҚШ пен Израильдің шабуылдарына жауабы ретінде жасалған әрекеттерімен байланыстырылуда.