InfoHub Logo

30 мамыр күні, сенбіде, "Пари Сен-Жермен" мен лондондық "Арсенал" Чемпиондар лигасының финалында кездеседі. Бұл кездесу Венгрия астанасы Будапешттегі "Пушкаш Арена" стадионында өтеді.

Бұл туралы Infohub.kz ақпарат агенттігі хабарлайды.

Чемпиондар лигасының финалы: тікелей трансляция

Матч Қазақстан уақытымен 20:50-де басталады. Кездесуді Qazsport телеарнасынан және оның сайтынан тікелей көруге болады.

Финалға дейінгі жол

Лондондық клуб Чемпиондар лигасының жалпы кезеңінде бірінші орын алды. 1/8 финалда леверкузендік "Байерді" (екі ойын қорытындысы бойынша 3:1) жеңіп, одан кейін лиссабондық "Спортингті" (1:0) айналып өтті. Финалға шығу жолында мадридтік "Атлетиконы" (2:1) ұтты.

Ал париждіктер топта 11-ші орынды иеленіп, плей-оффты 1/16 финалдан бастады. Алдымен олар "Монаконы" (екі ойын қорытындысы бойынша 5:4), содан кейін "Челсиді" (8:2) жеңді. 1/4 финалда "Ливерпульді" екі рет 2:0 есебімен ұтып, жартылай финалда "Бавариямен" (екі ойын қорытындысы бойынша 6:5) нағыз триллер өткізді.

Айта кетейік, "Арсенал" тарихында екінші рет Чемпиондар лигасының финалына шығып отыр. 20 жыл бұрынғы финалда олар "Барселонаға" 1:2 есебімен есе жіберген болатын.

Ал ПСЖ үшін бұл турнир тарихындағы екінші финал, бірақ париждіктер бұған дейінгі шешуші ойында жеңіске жеткен. Өткен жылы олар "Интерді" 5:0 есебімен ойсырата жеңген.