InfoHub Logo

Ережені жаттаймыз
Өмірлерді сақтаймыз
Сабақ мақсаты:
1. Оқушыларға көшеде жүру ережесін үйрете отырып, алған білімдерін пысықтау.
2. Ойларын ашық айтуға, көше белгілерін жатқа айтуға дағдыландыру.
3. Жолда жүру мәдениетін қалыптастыру.
Көрнекілігі: Жол белгілері, бағдаршам, машина.
Ұйымдастыру.
Көрініс.
МАИ қызметкеріеткері: Балалар, біздің Жаңаөзен қаламызда кішкентай, өте ақымақ қоян өмір сүреді екен. Ол көшенің арғы бетіне өтпекші болады. Бағдаршамның жасыл түсі жанып, халық жаяу жүргіншілер жолымен өтті. Ол кезде қоян не істеді?

Қоян: Маған жол ережесін білу қажет емес. Сендерге бір құпия айтайын. Трамвай, автобус, машинадан қорықпаймын. Кез - келген жерден зу етіп өте шығамын.
(Үлкендерді тыңдамаған қоян жолдан жүгіріп өтпекші болғанда жеңіл машина оны қағып кетті. Бұл жағдайды көрген жол полициясы «Жедел жәрдемге» қоңырау шалады.)
МАИ қызметкері: Сәлеметсіздер ме? Бұл «Жедел жәрдем» бе? Тез келсеңіздер екен. Қоянды көшеде машина қағып кетті. Жағдайы өте нашар.
(«Жедел жәрдем» келіп, ішінен дәрігер түседі.)
МАИ қызметкері: Ұзын құлақ сұр қояным - ай, қайғы жамылдың - ау!
Дәрігер: Қай жерің ауырып жатыр? Қазір сені тексерейін.
Қоян: Аяғым ауырып жатыр.(Айқайлап жылап жібереді)
МАИ қызметкері: Жылама, шыда, қоянжан! Бағдаршамға қарап, жол ережесін сақтағаныңда мұндай пәлеге ұрынбас едің? Дәрігер, қоянның жағдайы енді не болмақ? Ол енді жүре ала ма?
Дәрігер: Қоянды ауруханаға жатқызамын.(Жедел жәрдеммен қоянды алып кетеді)
МАИ қызметкері: Көрдіңдер ме, қоянның басынан қиын жағдай өтті. Сендер жолдан өткенде бағдаршамға қарайсыңдар ма? Бағдаршам дегеніміз не?
(Ортаға бағдаршамның үш түсі болып оқушылар шығады.)
Жасыл түс: Сақта көше тәртібін
Бағдаршамның ал тілін
Біліп алдым мен де
Жасыл жанса демде
Алға кетем лезде
Сары түс: Сары жанса сабыр
Сақтай тұрам әзір
Қызыл түс: Жанса қызыл шоқтай,
Қаламын кілт тоқтай.
МАИ қызметкері: Ал енді, балалар, ауруханаға телефон соғып, қоянның жағдайын білейін.
(Осы кезде бағдаршамның үш түсі дауласады.)
Қызыл түс: Мен мықтымын! 1 Егер қаласам, машина, адамдар, бүкіл қозғалысты бір орнында тоқтатып тастаймын.
Сары түс: Жоқ, мен күштімін!(Бағдаршам бұзылып қалады)
Жасыл түс: Мен барлығына жолдан өтуге рұқсат беремін.
МАИ қызметкері: Бұл не деген айқай - шу? (ысқырады)
Балалар: Бағдаршамның шамдары айқайласып жатыр.
МАИ қызметкері: Енді бағдаршамсыз қалай болар екен, ә? Маған көп салмақ түсетін болды ғой.

Хормен(балалар) Дауласуды қояйық,
Жарықтарды жағайық
Бағдаршам - ау, бағдаршам,
Достасып тату болайық.!

МАИ. Рахмет, сендерге достарым! Сендерге айтатын қуанышты хабарым бар. Қоян бүгін ауруханадан жазылып шығады. Қоянды қарсы аламыз ба, балалар?
Қоян: Балалар, менен бір қателік кетті! Мен жол ережесіне мән бермеппін. Маған бағдаршам туралы айтыңдаршы, а?

1 - оқушы: Амансың ба, қоянжан!
Қорықпағын сен жолдан.
Үйретеміз барлығын,
Білеміз біз бағдаршам