InfoHub Logo

Физика пәнінен факультатив сақтарының күнтізбелік жоспары
Физика пәнінен факультативтік сабақ жоспары
Жылу құбылыстары
1. Ішкі энергия, оның өзгерісі, жылу берілу, жылу мөлшерін есептеу, меншікті жану жылуы
2. Термодинамиканың 1 заңы, ПӘК
3. Жылу құбылысына арналған тест
Электр құбылыстары
4. Электр өрісі, заряды, өткізгіштер, электр өріс кернеулігі мен потенциалдар айырымы арасындағы байланыс. Электр тоғы, өткізгішті тізбектей және параллель жалғау. әр түрлі ортадағы электр тоғы, электролиз
5. Жылу құбылыстары және электр бөліміне арналған тест
Электромагниттік құбылыстар
6. Магнит өрісі, тоғы бар өткізгішке магнит өрісінің әсері. Электромагниттік индукция.
7. Генераторлар. Трансформаторлар.
Жарық құбылыстары
8. Жарық жылдамдығы, жарық шағылуы, линзалар
9. Линза көмегімен кескін алу
Қозғалыс және денелердің өзара әсері
10. Тең айнымалы, еркін түсу, шеңбер бойымен қозғалыстар. Ньютонның 1, 2, 3 заңдары, масса және салмақ.
Дене импульсі, энергияның айналу және сақталу заңы
11. Электромагнит, жарық және механика бөліміне тест
Тербелістермен толқындар
12. Тербелістер, резонанс, эм тербелістер
13 Ғарыш әлемінде
Механика
14. Кинематика, динамика.
Молекулалық физика және термодинамика
15. Молекулалық – кинетикалық теория негіздері
16. Термодинамика негіздері
17. Қазақстан жылу энергетикасы
18. Электродинамика
19. Электростатика, тұрақты электр тоғы, магнит өрісі, электромагниттік индукция, әр түрлі ортадағы электр тоғы
20. Механика, молекулалық физика, электродинамика бөліміне арналған тест
Кванттық физика
21. Жарық кванты, атом физикасы, атом ядросының физикасы
22. Кванттық физика бөліміне арналған тест

11 сынып (34 аптасына 1 сағаттан)
Мақсаты:
- Оқушылар бойына физика пәніне шынайы сүйіспеншілікті дарыту, олардың танымдық және шығармашылық қабілетін дамыту.
- Пәнаралық байланысты арттыру. Физика есептерін математикалық тәсілдермен шешу әдістерін игеруге баулу.
Міндеттері:
- Пәнге деген қызығушылық қабілетін, логикалық ойлауын қалыптастыру.
- Оқыту барысында болашақ еңбек қызметіне қажет екендігіне көз жеткізу.
- Негізгі мектепте қалыптасқан ақпараттарды кеңейту және жетілдіру.

Күтілген нәтижелер:
қолданбалы курсты оқытудың соңында оқушылар:
- физикалық ұғымдар мен шамалардың мағынасын түсіне білу.
- физика заңдарының практикалық қолданыстарын түсініп, игере білу;
- есеп шығарған кезде сызбада берілген шамаларды (S, V, a, v, Т, Р т. б) олардың арасындағы тәуелділікті дұрыс тауып анықтай білу;
- нақты мысалдар арқылы механикалық энергия туралы, жылу энергетикасы мен ядролық энергетиканың экологиялық проблемаларын түсіндіре алу;
- электроэнергетика элементтерімен (түрлері, сызбасы, құрылысы) танысып, оны өмірде дұрыс пайдалана білу;
- тарихи материалдар негізінде физиканың электротехника дамуындағы алатын орнын түсіне білу;
- зерттеу әдістерін (эксперимент жүргізу, әдебиетке шолу жасау, мәліметтерді талдау) жоспарлай білу, эксперименттік фактілер және сәйкес кестелер мен статистикалық мәліметтер негізінде қорытындылар жасау, іздену және зерттеу жұмыстарының нәтижелерін дайындай білу;
- физика пәнінен меңгерген білім, іскерлік, дағдыларын басқа пәндерден алған білімдерімен ұштастыра білу;

Қосымша сабақ жоспары төмендегі әдебиеттерден пайдаланып жасалды:
1. Б. Кронгарт В. Кем «Физика 10 сынып». Алматы 2006ж.
2. «Физика 11 сынып». Алматы 2006ж.
3. Р. Башарұлы «физика 9 сынып». Алматы 2009ж.
4. Б. Дүйсембаева «физика 8 сынып». Алматы 2008ж.
5. Оқушы анықтамасы (7 - 11 сыныптар). «Арман - ПВ» баспасы, 2005ж.
6. Р. Рымкевич «Физика есептер жинағы».

Үлгі
Сабақтың тақырыбы: Термодинамиканың бірінші заңы. Газ бен будың ұлғаюындағы жұмысы.
Сабақтың мақсаты: МКТ тұрғысынан ішкі энергия ұғымын беру және газбен будың ұлғайғандағы жұмысы ұғымын енгізу, жүйенің ішкі энергиясы, жұмыс және жүйеге берілген жылу мөлшері арасындағы байланысты тағайындау;
Оқушылардың білім деңгейін және білім мазмұнының тұрақтылығы мен оны игерудегі іскерлік пен дағдыны бақылау.
Сабақтың әдіс - тәсілдері: лекция, кітаппен жұмыс.
Жаңа материалды меңгерту:
МКТ тұрғысынан ішкі энергия ұғымын енгізу.
МКТ тұрғысынан ішкі энергия - денені (жүйені) құрайтын микробөлшектердің қозғалыс және өзара әсерлесу энергиясы. Нақтырақ айтсақ, ішкі энергия дегеніміз:
а) молекулалар мен атомдардың қозалысының ілгерілемелі, айналмалы және тербелмелі қозғалыстарының кинетикалық энергиясы;
б) молекулалар мен атомдардың өзара әсерлесуінің потенциальдық энергиясы;
в) атомдардың электрондық қабаттарының энергиясы;
г) ядроның ішкі энергиясы.
Аса жоғары емес температураларда ішкі энергиясын өзгеруі молекулалар (немесе атомдардың) кинетикалық және потенциалдық энергияларының өзгеруі есебінен болады.
U - дененің ішкі энергиясы физикалық шама.
U - дененің ішкі энергиясының өзгеруі жылу берілу және жұмыс істеу нәтижесінде жүзеге асатыны белгілі.
Газ бен будың ұлғайғандағы жұмысы.
Тұрақты қысымда газдың немесе будың көлемі өзгергенде жұмыс атқарылады, Жүйенің күйін сипаттайтын физикалық шамалар макроскопиялық параметрлер деп аталады, және оларға қысым көлем температура және масса жатады.
Макроскопиялық параметрлердің біреуі тұрақты, қалған екеуі бір - біріне байланысты өзгеретін процестер изопроцестер деп аталады.

Ақмола облысы, Жарқайын ауданы
Тасөткел негізгі мектебінің
физика пәні мұғалім: С. К. Бектемисова

Физика пәнінен факультатив сақтарының күнтізбелік жоспары. Физика пәнінен факультативтік сабақ жоспары. жүктеу