InfoHub Logo

Ливандық «Хезболла» қозғалысы Израильге қарсы әскери операция бастағанын ресми түрде мәлімдеді. Бұл туралы сәрсенбі, 11 наурызда IRNA агенттігінің Telegram арнасы хабарлады.

Бұл операция «Әл-Асф әл-Мағқұл» деп аталып, «сионистік режимге» қарсы бағытталғаны айтылды.

Израильдік БАҚ-тың мәліметінше, «Хезболла» соғыс басталғалы бергі ең қуатты зымыран шабуылын жасаған. The Times of Israel газетінің хабарлауынша, «Хезболла» елдің солтүстігіне 100 зымыран ұшырып, екі адам жарақат алған.

Наурыз айының басында Израиль Ливандағы шиит қозғалысына қарсы шабуыл операциясын бастағанын мәлімдеген болатын. Израиль қорғаныс армиясының (ЦАХАЛ) хабарлауынша, Бейрутта «Хезболланың» барлау штабының басшысы қаза тапқан.