InfoHub Logo

Иран президенті Масуд Пезешкиан АҚШ пен Израильмен қақтығысты тоқтатудың негізгі шарттарын атап өтті. Бұл шарттарға Иранның құқықтарын мойындау, келтірілген шығындарды өтеу және болашақ агрессиядан қорғауға кепілдік беру кіреді.

Бұл туралы Infohub.kz ақпарат агенттігі хабарлайды.

Пезешкиан өзінің X әлеуметтік желісіндегі парақшасында Ресей және Пәкістан басшыларымен әңгімелескенін, аймақтағы бейбітшілікке Иранның бейілділігін растағанын жазды. Оның айтуынша, «сионистік режим мен АҚШ бастаған бұл соғыстың аяқталуының жалғыз жолы – Иранның заңды құқықтарын мойындап, репарация төлеу және болашақ агрессияға қарсы сенімді халықаралық кепілдіктер алу».

Бұған дейін АҚШ президенті Дональд Трамп Иранға қарсы әскери операцияның жақын арада аяқталуы мүмкін екенін, себебі «соққы беруге нысандар қалмағанын» айтқан болатын. Ақ үй басшысы Axios басылымына берген сұхбатында соғыс «жақсы жүріп жатқанын» және АҚШ жоспардан әлдеқайда алда екенін мәлімдеген.