InfoHub Logo

Иранның Сауд Арабиясының астанасы Эр-Риядтағы АҚШ елшілігінде орналасқан деп болжанатын ЦРУ штаб-пәтеріне шабуыл жасағаны туралы ақпарат тарады.

Бұл туралы Infohub.kz ақпарат агенттігі хабарлайды.

Дрон шабуылы

Жергілікті БАҚ мәліметінше, шабуыл дүйсенбі күні болған. Оның салдарынан базаның шатыры опырылып, ғимарат түтінге оранған. Сондай-ақ, ғимаратта құрылымдық зақымдар анықталған.

Ресми мәлімет

АҚШ пен Сауд Арабиясының ресми өкілдері АҚШ елшілігіне екі дронның соққысы болғанын растады. Алайда, олар ЦРУ штаб-пәтерінің зақымдалғаны туралы ақпаратты нақтыламады. Агенттік қызметкерлері арасында қаза тапқандар мен жарақат алғандар туралы хабарланған жоқ.

Аймақтағы жағдай

Осы оқиғаларға байланысты АҚШ Таяу Шығыстағы бірнеше елшілігін уақытша жапты. АҚШ Сыртқы істер министрлігінің жоғары лауазымды шенеунігі АҚШ азаматтарын аймақты дереу тастап кетуге шақырды.

АҚШ пен Израильдің Иранға қарсы операциясы

Естеріңізге сала кетейік, 28 ақпанда АҚШ пен Израиль Иранға қарсы ауқымды әскери операция бастады. Израиль бұл шабуылдардың мақсаты Иранның ядролық қару алуына жол бермеу екенін мәлімдеді. АҚШ президенті Дональд Трамп Иран флотын және қорғаныс өнеркәсібін жою ниетін білдірген болатын.