tengrinews.kz
Ирандағы жағдай: Хаменеидің өлімі туралы ақпарат расталмады
Иранның жоғарғы көшбасшысы аятолла Али Хаменеидің өлімі туралы ақпарат әлемді дүрліктірді. Израильдік шенеунік Reuters агенттігіне оның денесі табылғанын және өлімі расталғанын мәлімдегенімен, Тегеран бұл ақпаратты жоққа шығарды.
Бұл туралы Infohub.kz ақпарат агенттігі хабарлайды.
Қарама-қайшы ақпараттар
Израиль премьер-министрі Беньямин Нетаньяху мен АҚШ-тағы Израиль елшісі де Хаменеидің қаза тапқанын айтты. Израильдің Kan телеарнасы да дереккөзіне сілтеме жасап, бұл ақпаратты растады. АҚШ президенті Дональд Трамп та бұл хабарларды сенімді деп санап, Иранның жоғарғы басшылығының көбі жойылғанын айтты.
Иранның жауабы
Алайда, Иранның Tasnim ақпарат агенттігі Reuters-тің өз хабарын жоққа шығарғанын жазды. Иранның ресми БАҚ-тары жоғарғы көшбасшы кеңсесінің баспасөз хатшысына сілтеме жасап, «жау психологиялық соғыс жүргізіп отыр» деп мәлімдеді. Сондай-ақ, Трамп пен Нетаньяхуның тілектерін шындыққа айналдыруға тырысып отырғаны айтылды.
Азаматтық шығындар
Бұған дейін Иран Қызыл Жарты Ай ұйымы АҚШ пен Израидің Иранға жасаған шабуылдарынан кемінде 201 адамның қаза тауып, 747 адамның жарақат алғанын хабарлаған болатын. Иран БАҚ-тары қаза тапқандар арасында аятолланың туыстары да бар екенін жазды.
-
Тегерандағы аятолла Әли Хаменеидің резиденциясы Израиль әуе күштерінің соққысынан толық қиратылды. Спутниктік суреттер бұл ақпаратты растайды.
-
Шыңғырлау ауданындағы жасөспірім қызға қатысты зорлық әрекетіне байланысты қылмыстық іс қозғалды. Күдікті ретінде бұрынғы аудандық әкімдік қызметкері ұсталды.
