InfoHub Logo

Қазақстандық блогер, продюсер және актриса Баян Алагөзованың үлкен қызы Айсәуле Бақытбек әлеуметтік желідегі оқырмандарының сұрақтарына жауап беріп, өмірлік тәжірибесімен бөлісті. Ол шетелге көшу жоспары жоқ екенін айтып, жастарға еңбекқорлықтың маңыздылығын жеткізді.

Бұл туралы Infohub.kz ақпарат агенттігі хабарлайды.

Өз еліңде қалу – басты ұстаным

Instagram желісіндегі «Сұрақ-жауап» айдарында Айсәуледен шетелге көшу ойы бар-жоғын сұрағанда, ол бұл жоспары ешқашан болмағанын атап өтті. Тіпті шетелде білім алған кезінде де туған жеріне оралатынына сенімді болғанын айтты.

Жастарға «Жұмыс істеңдер!» деген кеңес

Өмірде өз жолын таба алмай жүрген жандарға қатысты сұраққа Айсәуле Бақытбек нақты жауап берді. Ол баршаға еңбек етуді қатаң ұсынды. «Өз өміріңе жауапкершілік алып, әрекет еткеннен гөрі, қиындыққа тап болып, сұрақ қоя беру оңайырақ. Ештеңе істемей, ешқайда бармай отырып, не істеу керектігін түсіну мүмкін емес. Жүрген адам ғана жол табады», – деп жазды ол.