InfoHub Logo

Жаңа педагогикалық технология оқыту сапасын арттыруға, басқару тиімділігін жетілдіруге, оқушылардың ой - санасының дамуына мүмкіндік жасайды. Жаңаша оқытудың мақсаты оқушылардың өздігінен үйреніп, ізденуін талап етеді. Осыған орай,
9 - сыныпта «Күкірт және оның қосылыстары» тақырыбында жаңа педагогикалық технология элементтері пайдаланылып өткізілген сабақ үлгісі ұсынылады.

Сабақтың мақсаты: Оқушыларды күкірт және оның қосылыстарымен, химиялық қасиеттерімен таныстыру. Атом құрылысына, химиялық құрылысына қасиетінің байланыстылығы, аллотропия туралы түсінік беру, химиялық қасиеттерінің кристалл торына байланыстылығы туралы алған білімдерін тереңдету;
Жоспарды пайдалана отырып, өз бетінше жауап беру біліктілігін қалыптастыру, негізгі ойды бөліп қорытындылап, салыстыра білуге үйрету;
Уақытты бағалауға, өз бетінше жұмыс істеп, қорытындылай білуге дағдыландыру.
Сабақ жоспары:
1. Ұйымдастыру
2. Сабақ мақсатымен таныстыру
3. Сызбанұсқа құру, осы бойынша тақырыпты өз бетінше меңгерту
4. Өздік жұмыс
5. Тест жұмысы (оқушылардың өздерін бағалауы)

Сабақтың барысы:
1. Тақырып бойынша сызбанұсқа құру. Сызбанұсқа бойынша жаңа материалды өз бетінше меңгерту. (10 - 15 мин)
КҮКІРТ
ЖАЙ ЗАТ ------------------------------------- ХИМИЯЛЫҚ ЭЛЕМЕНТ
а) физикалық қасиеті --------------------- а) периодтық жүйедегі орны
ә) құрылысы -------------------------------- ә) атом құрылысы
б) химиялық қасиеті ---------------------- б) табиғатта кездесуі
в) алынуы
г) қосылыстары
ғ) қолданылуы

ІІ. Өздік жұмыс. (Анықтамалық дерек, оқулықты пайдалану)
І деңгей
1. Күкірттің химиялық таңбасы
2. Электрондық формуласы
3. Мүмкін болатын валенттілігі.
Валенттілігі Атом құрылысы

4. Мүмкін болатын тотығу дәрежесі.
5. Күкірттің _______________________ түрлі аллотропиялық ____________________ болады. Олар ________________________ күкірт, ____________________ күкірт.
6. Мына физикалық қасиеттердің қайсысы күкіртке тән?

Жылу өткізеді
Суда ериді
Кристалды зат

ІІ деңгей
1. Мына заттардың қайсысымен әрекеттескенде күкірт тотықтырғыш қасиет көрсетеді?
а) активті металдар; ә) сутегі; б) мыс
Реакция теңдеуін жазып, күкірттің тотығу дәрежесін көрсетіңіз.
2. Жоғары температурада күкірт мына заттардың қайсысымен әрекеттеседі?
а) оттегі; ә) сутегі
Қандай қасиет көрсетеді: тотықтырғыш немесе тотықсыздандырғыш?
3. Күкірттің қосылыстарының ішінен сульфидтердің атын жазыңыз:
а) PbS; ә) CaSO4; б) CuS; в) ZnS, г) GeS; д) Na2SO4
4. Күкірт (VI) ____________ оксид деп аталады. (қышқылдық немесе негіздік)
5. Күкірттің (VI) оксиді сумен әрекеттесіп, ____________ түзеді.
6. Күкірт қышқылының формуласы:

Химиялық формуласы -------------------- Қышқыл аты -------------- Тұздың аты

7. Күкірт қышқылының физикалық қасиеттері: __________________________________________________________________________
8. Күкірт қышқылы және оның тұздарын қай зат көмегімен сапалық анықтайды? Реакция теңдеуін жазыңыз.

ІІІ деңгей
Мына айналымды жүзеге асырыңыз:
а) S → SО2 → SО3 → Н2SО4 → К2SО4
ә) SО3 → Н2SО4 → КНSО4
ІІІ. Оқушылардың алған білімдерін тест жұмысы арқылы бекіту. (Тест жұмысын әр оқушы өзі тексеріп, бағалайды)
1. Күкірт периодтық жүйеде:
а) ІІІ период және VI топтың негізгі топшасында;
ә) ІІ период, І топтың қосымша топшасында;
б) ІІІ период, ІV топтың қосымша топшасында орналасқан.

2. Күкірт атомындағы нейтрондар саны:
а) 16;
ә) 32;
б) 3.

3. Күкірттің тұрақты тотығу дәрежесі:
а) +6;
ә) +4;
б) - 2.

4. Күкірттің табиғатта 2 түрлі аллотропиялық ____________ және ____________ түр өзгерістері болады.

5. Күкірттің физикалық қасиеттері:
а) сары түсті кристалл зат;
ә) өзіне тән иісі бар;
б) суда ериді

6. Күкірттің (VI) оксиді:
а) негіздік;
ә) қышқылдық;
б) амфотерлі.

7. Күкірт қышқылы:
а) бір негізді;
ә) екі негізді;
б) үш негізді.

8. 6 - топтың негізгі топшасындағы элементтер қандай элемент типіне жатады?
а) s - элемент;
ә) p - элемент;
б) d - элемент.

9. Күкірт қышқылын мына заттардың қайсысымен әрекеттестіріп алады?
а) SО3 және Н2О;
ә) SО3 және MgО;
б) Na2SО4 және НNО3

10. Мына теңдеудегі жоқ формуланы қойыңыз:
а) Н2SО4 +? → NaНSО4 +?
ә) Н2SО4 +? → СаSО4 +?
ІV. Үйге тапсырма: Шығармашылық жұмыс. «Қышқыл жаңбырдың пайда болуы» (өздік жұмыс, тест жұмыстарын қате орындаған оқушылар үйге берілген материалды пысықтайды)
V. Әр оқушы өз бағасын білім көрсеткіші кестесіне белгілейді