InfoHub Logo

Маңғыстау облысындағы тұрғын үй қорының жай-күйі туралы қызықты деректер жарияланды. Қазақстанның Ұлттық статистика бюросы таратқан мәліметтерге сүйенсек, өңірдегі тұрғын үйлердің басым бөлігі XXI ғасырдың басында салынған.

Бұл туралы Infohub.kz ақпарат агенттігі хабарлайды.

Тұрғын үй қорының жалпы көлемі

Статистикаға сәйкес, Маңғыстау облысындағы тұрғын үй қорының жалпы ауданы 19 408,9 мың шаршы метрді құрайды. Бұл көрсеткіш қала мен ауылдық жерлерде шамамен теңдей үлестірілген.

Үйлердің саны мен орналасуы

Облыста барлығы 80 005 тұрғын үй бар. Оның тек 7 974-і қала аумағында орналасқан. Бұл санның 6 198-і – жеке тұрғын үйлер (ЖТҮ), 1 776-ы көппәтерлі тұрғын үйлер (КпТҮ). Ал басым көпшілігі, яғни 72 031 үй ауылдық жерлерде шоғырланған. Оның ішінде 69 167-сі ЖТҮ, 2 864-і КпТҮ.

Қорытындылай келгенде, Маңғыстауда 75 365 жеке тұрғын үй және 4 640 көппәтерлі тұрғын үй бар.

Құрылыс қарқыны

Шевченко (Ақтау) қаласының іргесі қаланған 1960-шы жылдардың басынан бастап көппәтерлі тұрғын үйлердің құрылысы белсенді жүргізілді. Алайда, көппәтерлі және жеке үйлердің құрылысы қарқын алған негізгі кезеңдер 2010 жылдан кейінгі уақытқа тиесілі.

Статистикалық деректерге қарағанда, 1970 жылға дейін облыста 1 813 үй пайдалануға берілсе, 2011–2015 жылдары – 20 820 үй, 2016–2020 жылдары – 19 302 үй, 2021–2025 жылдары – 5 468 үй, 2011–2005 жылдары – 7 208 үй, 1996–2000 жылдары – 2 290 үй салынған. 1971-1995 жылдар аралығындағы үйлердің саны аздау.

Құрылыс материалдары

Маңғыстау облысында ағаштан салынған тұрғын үйлердің саны өте аз. Барлық 80 005 үйдің негізгі құрылыс материалы – кірпіш және тас (77 423 үй). Сонымен қатар, облыста 106 ірі панельді, 81 ірі блоктардан салынған, 311 темірбетонды, 1 300 ракушечник (қабыршақ тас) және 834 басқа да қабырға материалдарынан тұрғызылған үйлер бар.

Пәтерлердің саны мен бөлмелер

Маңғыстауда барлығы 210 964 пәтер бар. Оның басым бөлігі екі бөлмелі пәтерлер – 64 485. Үш бөлмелі пәтер – 49 557, бір бөлмелі – 33 461, төрт бөлмелі – 33 005, бес бөлмелі – 19 357, ал алты және одан да көп бөлмелі пәтерлер 11 099-ды құрайды.

Жеке үйлердегі бөлмелер

Өз үйін салған кезде маңғыстаулықтар көбінесе төрт бөлмелі (21 373), бес бөлмелі (16 530) және үш бөлмелі (12 256) үйлерді таңдайды. Алты және одан да көп бөлмелі үйлер ЖТҮ арасында 10 266 нысанды құрайды. Екі бөлмелі үйлер – 9 355, тіпті бір бөлмелі үйлер де кездеседі – 5 315.