InfoHub Logo

Қазақстанның халық әртісі Роза Рымбаеваның немересі Зейіннің сахнадағы алғашқы қадамы жұртшылықты таң қалдырды. Кішкентай Зейіннің сахнада өзін еркін ұстауы әншінің отбасына үлкен қуаныш сыйлады.

Бұл туралы Infohub.kz ақпарат агенттігі хабарлайды.

Күтпеген тосын сый

Әншінің келіні Ақерке Бүркітбай әлеуметтік желідегі парақшасында Зейіннің сахнадағы өнері туралы жазба жариялады. Ол: «Бүгінгі тосын сыйымыз. Шынымды айтсам, Зейін сахнада осылай өнер көрсетеді деп күтпедік. Арнайы дайындық та болған жоқ. Бірақ сахнаға шыққанда күнде мыңдаған халықтың алдына шығып жүргендей өзін еркін ұстады», – деп бөлісті.

Отбасы үшін мақтаныш

Ақерке Бүркітбайдың айтуынша, бұл отбасы үшін ерекше қуаныш пен мақтаныш сәті болған. «Біз үшін бұл үлкен қуаныш пен мақтаныш. Алғашқы кішкентай қадамдарың үлкен жетістіктерге бастасын, ботам!» – деп немересіне ақ тілегін білдірді.