InfoHub Logo

Адам өмірінің қаншалықты қымбат екенін, әрбір сәттің қадірін білу керектігін еске салатын оқиға жарияланды. Танымал қазақстандық блогер Дәулет Бейсенбектің жұбайы Замира Бейсенбек жол апатынан қайтыс болған отағасы туралы жүрекке тиер жазба қалдырды.

Бұл туралы Infohub.kz ақпарат агенттігі хабарлайды.

Өмірдің мәні мен өлімнің қапыда келуі

Жас отбасы үшінші сәбиін күтіп отырғанда, Дәулет Бейсенбек өмірден озды. Қазір Замира Бейсенбек балаларын жалғыз тәрбиелеп отыр. Ол өзінің жазбасында өмір мен өлімнің арасы небәрі бір тыныс екенін атап өтті.

«Адам өміріндегі ең қорқынышты нәрсе не екенін білесіз бе? Қарапайым күннің аяқталмай қалуы… Өмір мен өлімнің арасы — бір ғана тыныс. Менің өмірімдегі ең қиын сәт — 2022 жылдың 27 наурызы, сағат 11:38. Сол күннен бері әр таң сайын өзіме бір сұрақ қоямын: “Егер бүгін соңғы күнім болса ше? Кімді құшақтамадым? Не айтып үлгермедім? Қандай істі кейінге қалдырдым?” Өйткені өлім ескертпейді. Ол жай ғана қарапайым күннің, қарапайым жоспарлардың ортасында келеді», — деп жазды Замира Бейсенбек.

Әр сәтті бағалауға шақырды

Марқұмның жұбайы өмірді кейінге қалдыру үшін емес, бағалау үшін берілгенін айтып, оқырмандарды әрбір күнді өкінішпен емес, шүкіршілікпен өткізуге шақырды.

«Өмір — кейінге қалдыру үшін емес, бағалау үшін берілген. Бүгін біреудің көңілін қалдырмауға, біреуді қуантуға, жақсы көретініңді айтуға әлі де уақыт бар. Бір сәттік өмірді өкінішпен емес, шүкіршілікпен өткізейік», — деп түйіндеді Замира Бейсенбек.