InfoHub Logo

Қазақстанда жылу мен су тарифтерінің өсуінен кейін табиғи газ бағасы мен теміржол тасымалының құны да артады. Бұл инфляцияға қаншалықты әсер етеді?

Бұл туралы Infohub.kz ақпарат агенттігі хабарлайды.

Вице-премьер-министр Серік Жұманғариннің айтуынша, үш айлық мораторий есептеулер мен өзгерістерді «шахмат тәртібімен» бөлу үшін пайдаланылған. Ол Астанада жылу тарифтерінің шамамен 15%, ал сумен жабдықтау және су бұру қызметтерінің 20-29% өскенін атап өтті. Ұлытау және Ақмола облыстарында да осындай жағдайлар енгізілген.

Шенеунік бұл шаралардың инфляцияға әсері 0,3%-дан аспайтынын болжады. Бірақ, бұл тек бастапқы есептеулер.

Газ бағасының өсу себебі

«Біз әлі де газдың көтерме бағасын көтеруді жоспарлап отырмыз. Бүгінгі таңда расталған газ қорлары бойынша жағдайымыз аса мәз емес. Мұндай көтерме бағалармен жеке субъектілер газды өндіруге кіріспейді, себебі бұл тиімсіз. Өкінішке орай, осы себепті өндіру және қорлар деңгейі бойынша үздік елдер қатарына кірмейміз», - деді Жұманғарин үкіметте өткен брифингте.

Теміржол тасымалы да қымбаттайды

Сонымен қатар, үкімет теміржол қызметтері тарифтерін инфляция деңгейінде, орта есеппен 12%-ға дейін арттыру мәселесін қарастыруда. Барлық шешімдердің жалпы әсері инфляцияның 0,8%-на дейін жетуі мүмкін. Алайда, вице-премьердің айтуынша, бұл көрсеткіш 0,3-0,5% шегінде қалады.

Бұл ретте Серік Жұманғарин қазақстандықтардың нақты табыстары 2026 жылы оң динамикада болады деп санайды.