InfoHub Logo

Еліміздің барлық өңірінде ауа райының қолайсыздығына байланысты дауылды ескерту жарияланды. Жаңбыр, найзағай, бұршақ және қатты жел соғуы ықтимал.

Бұл туралы Infohub.kz ақпарат агенттігі хабарлайды.

Астана

Астанада күндіз жаңбыр, найзағай және бұршақ күтіледі. Түнде және таңертең тұман түсуі мүмкін. Жел күндіз секундына 15-18 метрге дейін күшейеді.

Басқа өңірлердегі жағдай

Ұлытау облысында түнде жаңбыр мен найзағай, күндіз шығыс, оңтүстік және орталық бөліктерінде жаңбыр, найзағай мен бұршақ болады. Жел күндіз секундына 15-20 метрге дейін күшейеді. Өрт қаупі жоғары деңгейде сақталады.

Түркістан облысында оңтүстік және таулы аймақтарда қысқа мерзімді жаңбыр мен найзағай күтіледі. Облыстың солтүстігінде күндіз шаңды дауыл соғады. Жел секундына 15-20 метрге дейін күшейеді. Өрт қаупі жоғары.

Алматы облысында күндіз таулы және тау бөктеріндегі аудандарда аздаған жаңбыр мен найзағай болады. Желдің екпіні секундына 18 метрге жетеді. Сондай-ақ, 36 градусқа дейін ыстық болады. Конаевта өрт қаупі жоғары. Іле Алатауының тауларында күндіз жаңбыр мен найзағай күтіледі.

Атырау облысында түнде және күндіз жаңбыр мен найзағай, оңтүстік-шығысында қатты жаңбыр мен бұршақ болады. Кей жерлерде тұман, жел секундына 15-20 метрге дейін күшейеді.

Қарағанды облысында түнде және күндіз жаңбыр, найзағай және бұршақ күтіледі. Жел күндіз секундына 15-20 метрге дейін күшейеді. Өрт қаупі жоғары.

Қызылорда облысында түнде жаңбыр, найзағай және шквал, күндіз кей жерлерде шаңды дауыл болады. Жел секундына 15-20 метрге дейін күшейеді. Өрт қаупі жоғары.

Маңғыстау облысында жаңбыр, найзағай және тұман күтіледі. Желдің екпіні секундына 15-20 метрге жетеді.

Шығыс Қазақстан облысында күндіз солтүстік және шығыс бөліктерінде аздаған жаңбыр мен найзағай болады. Жел секундына 15-20 метрге дейін күшейеді. Өрт қаупі жоғары.

Абай облысында күндіз батыс және орталық бөліктерінде аздаған жаңбыр мен найзағай күтіледі. Желдің екпіні секундына 15-20 метрге жетеді. Өрт қаупі жоғары.

Жамбыл облысында оңтүстік және таулы аймақтарда қысқа мерзімді жаңбыр мен найзағай, оңтүстік-батыста шаңды дауыл болады. Күндіз температура 38 градусқа жетеді. Өрт қаупі жоғары.

Ақтөбе облысында жаңбыр, найзағай, кей жерлерде қатты жаңбыр, бұршақ және тұман күтіледі. Жел секундына 15-20 метрге дейін күшейеді.

Павлодар облысында жаңбыр, найзағай, бұршақ және шквал болады. Жел секундына 15-20 метрге дейін күшейеді. Өрт қаупі жоғары.

Жетісу облысында 35-36 градусқа дейін қатты ыстық болады. 10 мамырға дейін өрт қаупі жоғары және төтенше жоғары деңгейде сақталады.

Қостанай облысында жаңбыр, найзағай, кей жерлерде қатты жаңбыр, бұршақ және шквал күтіледі. Тұман болуы мүмкін, жел секундына 15-20 метрге дейін күшейеді.

Ақмола облысында жаңбыр, найзағай, қатты жаңбыр, бұршақ және шквал болады. Кей жерлерде тұман, жел секундына 15-20 метрге дейін күшейеді. Оңтүстік-шығысында өрт қаупі жоғары.

Батыс Қазақстан облысында жаңбыр, найзағай, қатты жаңбыр, бұршақ және шквал күтіледі. Жел секундына 15-20 метрге дейін күшейеді.

Солтүстік Қазақстан облысында жаңбыр, найзағай, қатты жаңбыр, бұршақ және шквал болады. Кей жерлерде тұман, жел секундына 15-20 метрге дейін күшейеді. Облыстың батысында өрт қаупі жоғары.