InfoHub Logo

Алдағы күндері Қазақстанның басым бөлігінде ауа райы күрт өзгереді. Синоптиктердің болжамына сүйенсек, ел аумағында циклон мен антициклонның жиі алмасуы салдарынан ауа райы тұрақсыз болады.

Бұл туралы Infohub.kz ақпарат агенттігі хабарлайды.

Ауа райының өзгеруі

Еліміздің батыс және оңтүстік өңірлерінде жаңбыр мен найзағай күтіледі. Солтүстік-батыс, солтүстік, шығыс және орталық аудандарда түнде жауын-шашын (жаңбыр, қар) болады. Күндіз де жаңбыр жауып, 11 сәуірде шығыс аймақтарда қар түседі.

Батыс Қазақстанда 11 сәуірде қатты жаңбыр мен бұршақ жаууы ықтимал. Еліміз бойынша тұман түсуі де болжануда.

Наурыз айындағы рекордтық ауа райы

Бұған дейін синоптиктер 2026 жылдың наурыз айында Қазақстанда температураның күрт ауытқығанын хабарлаған болатын. Айдың басында қатты аяз болып, соңында аномалды жылылық байқалды. Бұл ретте 109 жыл бұрынғы температура рекорды жаңартылған еді.