Қожанасырдың сатушы болуы
Өткен заманда Қожанасыр сауда жұмысымен айналысып, бір саудагердің дүкеніне сатушы болыпты. Бір күні тұтқиылдан ревизор келіп, апай-топай ревизия жасады. «Қорытындыда үш жүз сом ақша саудаңнан артық шықты», — деді ревизор. Қожа мұңайып қалды. Ревизор:
— Бұл ақшаның иесі кім? — деді.
Қожа күлімсіреп:
— Тапқан сіз. Әрине, сіздікі емес пе? — деді де, үш жүз сом ақшаны тұтасымен ревизордың қалтасына тыға салды да, тамсанып бетіне қарады. Ревизор ақша қалтасына түскен соң қоштасып жүре берді.
— Тоқтай тұрыңызшы, — деді Қожа сабырсызданып шыдай алмай.
— Ал тағы не айтарың бар еді? — деп тұра қалды дәмеленген түрімен.
— Оң қолыңыз сол қолыңызды, сол аяғыңыз оң аяғыңызды алдап тұр. Аузымдағы шайнап тұрған сағызымды жұлып алдың, жартысын беріп кетпейсің бе, найсап!
You Might Also Like
