InfoHub Logo

«Әліппе деген – алтын жол»

Мақсаты: 1. Оқушылардың сауат ашу пәнін оқу барысында алған білімдерін қорыту, төрт айдың ішінде мектеп қабырғасында үйренген өнерлері мен
іскерліктерін ата – аналарға көрсету.
2. Өз ойларын ашық, еркін айту, сөйлеу мәдениетін, ойлау қабілеттерін, жан – жақты білімдерін, шығармашылық, танымдық қабілеттерін дамыту,
талғамдарын дамыту.
3. Білімге деген сүйіспеншіліктерін, білім алуға, өнерге деген құштарлықтарын арттыру. Адамгершілікке, ұқыптылыққа, бірін - бірі сыйлауға, өзін - өзі
дұрыс ұстауға, ұжымшылдыққа, әсемдікке, еңбекке баулу, ана тілін сүйіп, қастерлеуге тәрбиелеу.
Безендірілуі: мазмұнды суреттер, әліппе туралы тақпақтар жазылған көрнекіліктер, нақыл сөздер, шарлар, гүлдер, кеспе әріптер, «Әліппе», «Ана
тілі» оқулығының макеттері, слайдтар,
Сабақтың барысы:

І. Ұйымдастыру.
Музыка ойнап тұрады. Мерекелік безендірулер
Мұғалімнің сөзі.
Армысыздар, құрметті ертеңгілікке келіп отырған қонақтар, ардақты ұстаздар, қадірменді ата - аналар. Бүгін сіздерге Қарауылкелді орта мектебінің 1 "А"сынып оқушыларының әзірлеген «Әліппе деген — алтын жол» — атты ертеңгілікке қош келдіңіздер!

Мұғалім сөзі: Құрметті ата - аналар, ұстаздар! Бүгін бізде үлкен мереке, зор қуаныш. Алдарыңыздағы кішкентай бүлдіршіндер осыдан 4 ай бұрын мектеп табалдырығын қуанышпен әрі жүрексіне аттап келгенде, алғаш қолдарына ұстаған оқулығы «Әліппе» болса, бүгінгі күн сол әліппені аяқтап, білім асуының алғашқы белесінен асып отыр. Әрине, бұл балалар үшін жетістік, жеңіс! Әліппе – бұл бүкіл ғылымның алғашқы есігі, білім шыңына бастайтын алғашқы соқпақ. Ендеше, сіздерді осы асуды, осы белесті бағындырған шәкірттерімнің білімін, өнерін тамашалауға шақырамын.

Хор: «Қоңырау»

Мұғалім сөзі: Кішкене 6 жасар бүлдіршіндердің қолына тұңғыш ұстаған білімнің бастауы — Әліппе оқулығы.
Бұл кітап бүкіл ғылымның алғашқы соқпағы, білімге бастар алғашқы жолы.
Ендеше құрметті бүлдіршіндер Әліппемізді құрметпенен шығарып салуға кірісейік.
Ал, қанекей, балалар, сөз кезегі өздеріңде
Бал тамған тілдеріңе
Әзжәнібек пен Нұрхан
Қане, қане бастаңдаршы
Ертегіні еріте де, еліте!

Нұрхан (1 уәзір): Ерте, ерте, ертеде үлкен Қараылкелді орта мектеп шаһарында Әліппе хан билік жасапты.
Әзжәнібек (2 уәзір): Ханның 40 уәзірі және екі күтушісі болыпты. Әліппе хан сондай қатал болған екен. Ол уәзірлеріне ел аралатып білімсіз баларды
жинатып, жазалап сауаттандырады екен. Әліппе хан елін жинап тақтан кететінін жарияламақшы.

Нұрхан (1 уәзір): Уа халайық, келіңіздер көріңіздер, Әліппе хан тақтан кеткелі жатыр.
Әзжәнібек (2 уәзір): Уа жарандар, жарандар! Әліппе хан өз орнына ұлын сайламақшы. 40 уәзірі мен екі күтушісінің, ханды шығарып салу салтанатының куәсі болыңдар!