InfoHub Logo

Күнделікті сабақ жоспары, география 8 сынып
Тақырыптар:
31 - сабақ. №7 сарамандық жұмыс
32 - сабақ. «Шаруашылыққа сипаттама» бөлімі бойынша қайталау
33 - сабақ. ІІІ бөлім. Қазақстанның экономикалық аудандары. Аумақтық өндіріс аймақтарын ұйымдастыру және экономикалық аудандастыру.
34 - сабақ. Орталық Қазақстан. ЭГЖ ерекшеліктері, табиғат жағдайы мен ресурстары және халқы.
35 - сабақ. Орталық Қазақстанның шаруашылық географиясы.

Тақырыбы: «Шаруашылыққа сипаттама» бөлімі бойынша қайталау
Білімділік мақсаты – оқушылардың «Шаруашылыққа сипаттама» бөлімі бойынша тараудың алған білімдерін қайталап бекіту, жалпы географиялық білімдерін одан әрі меңгерту және бекіту.
Дамытушылық мақсаты – Оқушылардың географиялық ой - өрісін дамыту. Жалпы оқу іскерліктерін үйрену, жалпы пәнге деген қызығушылығын арттыру, танымдық қызығушылығын дамыту, географиялық ойлауын қалыптастыру.
Тәрбиелік мақсаты – Оқушылардың өз ойларын жеткізе білу, қарым - қатынас жасауды үйрету. Балаларды ұйымшылдыққа тәрбиелеу, адамгершілік қасиеті мен географиялық мәдениетін қалыптастыру. Көмір өнеркәсібінің қоршаған ортаға әсері мысалында оқушыларға экологиялық білім беру.
Оқу құралдары: Оқулық, 9 сынып Атлас, Қазақстанның әкімшілік - аймақтық картасы, әдістемелік құрал, хрестоматия
Сабақ түрі: Қорытынды сабақ
Оқыту әдістері: Репродуктивті, проблемалық әдіс
Сабақтың жоспары: І кезең – ұйымдастыру (1 мин)
ІІ кезең – үй тапсырмасын тексеру (15 мин)
ІІІ кезең – білім мен икемділіктерін бекіту (25 мин)
ІV кезең – бағалау кезеңі (3 мин)
V кезең – қорытынды (1 мин)

Сабақ барысы:
І Мұғалім оқушылардың сабаққа дайындығын тексереді. Балаларға тест тапсырмаларды орындайтынын айтады, бағалау критерийлерін айтады.
ІІ Ең алдымен мұғалім балаларға параграф соңындағы сұрақтарды қояды. Балалардың дәптерлерін тексереді, олардың орындаған тест тапсырмалары мен жаттығуларды тексереді.
ІІІ Өткен сабақтардың білімдерін бекіту үшін мұғалім балаларды 4 нұсқаға бөліп, балаларға «Шаруашылыққа сипаттама» атты тест тапсырмаларды таратып береді.
ІV Мұғалім оқушыларды жауап беру деңгейлері бойынша бағалайды.
19 - 25 жауап дұрыс – «5»
13 - 18 жауап дұрыс – «4»
7 - 12 жауап дұрыс – «3»
0 - 6 жауап дұрыс – «2»
V Жалпы сабақтың кемшіліктері мен жетістіктерін айтады. Оқушылармен қоштасады.



Толық нұсқасын қарау