InfoHub Logo

Тақырыбы: «Сиқырлы қар»
Білім беру саласы: Таным, Коммуникация, Шығармашылық
Ұйымдастырылған оқу қызметі: Сөйлеуді дамыту, сурет, мүсіндеу
Мақсаты: Балаларға қыс мезгілі туралы түсінік беру. Қардың қасиеттерімен таныстыру, ақ ұлпа қар туралы түсініктерін кеңейту. Тіл байлықтарын, есте сақтау, сөздік қорын молайту, саусақ маторикасын дамыту. Қауіпсіздік ережелерін айта отырып, ұқыпты таза жұмыс жасай білуге тәрбиелеу.
Әдіс - тәсілдер: әңгімелесу, түсіндіру, көрсету, сұрақ - жауап ойын
Көрнекіліктер: слайд, мазмұнды суреттер, балалардың санына қарай үлестірмелі материаалдар, үлгі, жасанды қар, тақтайша, сулық қағаз, қылқалам тіс пастасы, ойынға қажетті заттар
Билингвальды компанент: қыс - зима, қар – снег, аққала - снеговик

Мотивациялық - қозғаушылық
Сәлеметсіздер ме балалар! Балалар, қараңдаршы біздерге бүгін қонақтар келіпті. Қане бәріміз шеңберге тұрып, қонақтармен амандасайық.
Шаттық шеңбер
Арайлап атқан таңға сәлем!
Жылуын шашқан күнге сәлем
Жайнап өскен бізге сәлем
Білім беріп тәрбиелеген,
Апайларыма сіздерге сәлем!
Жарайсыңдар балалар! Орындарыңа отыра қойыңдар. Бүгінгі ашық оқу қызметін бастамас бұрын экранға назар аударайық
Балалар қазір жылдың қай мезгілі? Енді қыс мезгіліндегі көріністерді бақылайық.
Қыс мезгілінде неше ай бар атап көрейікші?
Қыс мезгілінде ауа райы қандай болады?
Айналаны, үйлердің шатырын не басып тұр?
Қар қайдан жауады?
Қардың түсі қандай?
Қыста қандай ойындар ойнайсыңдар?

Қызылорда облысы,
Қазалы ауданы, Әйтеке би кенті
№11 «Балапан» бөбекжай - балабақшасының тәрбиешісі
Аралбаева Рита Берікқызы

Сиқырлы қар. жүктеу